बजाज पल्सरचा ‘कमबॅक’ प्लॅन! 125 आणि 150 नव्या अवतारात, मार्केट शेअर परत मिळवणार

बजाज पल्सर 125 आणि 150 च्या नव्या अवतारामागे फक्त मॉडेल अपडेट नाही, तर देशांतर्गत मार्केट शेअर परत मिळवण्याची मोठी रणनीती आहे. देशात विक्री घटत असताना पल्सरची निर्यात वाढतेय, त्यामुळे नव्या बाइक्सकडून नेमकी किती अपेक्षा आहे?

• बजाज पल्सर 125 ची विक्री 3 टक्क्यांनी घटली, तर TVS Raider ची विक्री 7 टक्क्यांनी वाढली.
• 125cc-150cc सेगमेंट वाढूनही बजाजच्या विक्रीत 34 टक्क्यांची घट नोंदवली गेली आहे.
• FY2026 मध्ये पल्सरच्या निर्यातीत 18 टक्क्यांची वाढ झाली असून ती आतापर्यंतच्या उच्चांकावर पोहोचली आहे.

भारतीय मोटरसायकल मार्केटमध्ये तब्बल 25 वर्षांचा प्रवास पूर्ण केलेल्या बजाज पल्सर ब्रँडसमोर सध्या स्पर्धेचे मोठे आव्हान उभे ठाकले आहे. देशांतील विक्रीवर दबाव असताना परदेशातील निर्यात मात्र वेगाने वाढतच आहे. त्यामुळे बजाज ऑटोने आपल्या लोकप्रिय पल्सर 125 आणि पल्सर 150 ला मोठे अपडेट देत नव्याने मैदानात उतरवण्याची तयारी केली आहे. या दोन्ही बाइक्सचा ओळखीचा क्लासिक लूक कायम ठेवत त्यांच्या प्लॅटफॉर्म आणि मेकॅनिकल भागांमध्ये मोठे बदल करण्यात आले आहेत.

पल्सर 125 समोर असणार तगडी स्पर्धा

125cc सेगमेंट भारतातील सर्वात मोठ्या मोटरसायकल मार्केटपैकी एक आहे. एप्रिल-ऑगस्ट 2026 दरम्यान या सेगमेंटमध्ये होंडाने 17.79 लाख युनिट्ससह आघाडी घेतली, तर बजाजची विक्री 7.93 लाख युनिट्स राहिली. हिरोने 6.17 लाख आणि TVS ने 4.27 लाख युनिट्सची विक्री केली. बजाज पल्सर 125 ची विक्री 3 टक्क्यांनी कमी झाली, तर TVS Raider ची विक्री 7 टक्क्यांनी वाढली. स्पोर्टी डिझाइन आणि फीचर्समुळे रायडर तसेच हिरो Xtreme 125R सारख्या बाइक्स पल्सरसाठी जास्त स्पर्धा निर्माण करत आहेत.

बजाज पल्सर NS200, N250 आणि NS400Z मध्ये मोठे अपडेट; लवकरच होऊ शकते लाँच

पल्सर 150 ला वेगळे आव्हान

150cc सेगमेंटमध्येही परिस्थिती बदलली आहे. एप्रिल-ऑगस्ट 2026 मध्ये 125cc-150cc सेगमेंटमधील देशांतर्गत विक्री 49.5 टक्क्यांनी वाढली, पण बजाजची विक्री तब्बल 34 टक्क्यांनी घटली. परिणामी या सेगमेंटमधील बजाजचा मार्केट शेअर सुमारे 18 टक्क्यांवर आला. 125cc बाइक्स आता जास्त फीचर्स देत आहेत, तर 160cc मोटरसायकल तुलनेने कमी किमतीत जास्त परफॉर्मन्स देतात. त्यामुळे पल्सर 150 मधल्या जागेसाठी झुंज देत आहे.

TVS Apache RR 310 आणि RTR 310 Black Diamond Edition लाँच; किंमत ₹2.48 लाखांपासून सुरु! पाह काय आहेत फीचर्स

निर्यातीतून बजाजला मोठा आधार

देशांतर्गत विक्री कमी असली तरी निर्यात बजाजसाठी महत्त्वाचा आधार ठरत आहे. FY2026 मध्ये कंपनीने 22.50 लाख वाहने निर्यात केली, जी 20.8 टक्क्यांनी जास्त आहेत. याच काळात मोटरसायकल निर्यात सुमारे 17 टक्क्यांनी वाढली. पल्सरच्या निर्यातीत 18 टक्क्यांची वाढ झाली असून ती आतापर्यंतच्या उच्चांकावर पोहोचली आहे. त्यामुळे नव्या पल्सर 125 आणि 150 कडून देशांतर्गत तसेच आंतरराष्ट्रीय मार्केटमध्ये कामगिरी सुधारण्याची अपेक्षा आहे.