SUV खरेदी करण्याचा विचार करताय? ‘या’ 5 पर्यायांवर एकदा नजर टाकाच, किंमत फक्त…

2025 मध्ये ग्राहकांनी सर्वाधिक मागणी SUV वाहनांना दिली होती. अशातच जर आता तुम्ही सुद्धा मार्केटमध्ये स्वस्तात मस्त अशा SUV च्या शोधात असाल तर आज आपण देशातील काही बेस्ट एसयूव्हींबद्दल जाणून घेऊयात.

• भारतात SUV ला चांगली मागणी
• बेस्ट बजेट फ्रेंडली एसयूव्ही कोणत्या?
• चला देशातील काही बेस्ट पर्यायांबद्दल जाणून घेऊयात

भारतीय ऑटो बाजारात SUV कार्सची लोकप्रियता झपाट्याने वाढताना दिसत आहे. हीच मागणी लक्षात घेत, अनेक ऑटो कंपन्या मार्केटमध्ये दमदार एसयूव्ही ऑफर करत असतात. म्हणूनच तर मागील काही काळापासून भारतात दमदार एसयूव्ही लाँच झाल्या आहेत.

अधिक जागा, जास्त ग्राउंड क्लिअरन्स, मजबूत बॉडी आणि उत्तम सेफ्टी फीचर्स यामुळे ग्राहक आता हॅचबॅकऐवजी कॉम्पॅक्ट SUV कडे वळताना दिसत आहेत. विशेष म्हणजे, अनेक लहान SUV मॉडेल्सना भारत NCAP कडून 5-स्टार सेफ्टी रेटिंगही मिळत आहे. त्यामुळे कमी बजेटमध्ये SUV खरेदी करण्याचे स्वप्न आता सहज पूर्ण होऊ शकते. येथे भारतातील 7 लाख रुपयांपेक्षा कमी प्रारंभिक किंमत असलेल्या 5 सर्वात स्वस्त SUV बद्दल माहिती दिली आहे.

‘या’ 2 इलेक्ट्रिक SUVs साठी ग्राहकांचे तन-मन-धन अर्पण! 10 महिन्यात 41000 युनिट्सची विक्री

टाटा पंच (Tata Punch)

Tata Punch सध्या भारतातील सर्वात स्वस्त SUV असून याची सुरुवातीची किंमत 5.59 लाख रुपये आहे. 2026 फेसलिफ्टनंतर टाटाने तिच्या डिझाइन आणि फीचर्समध्ये अनेक अपडेट्स केले आहेत. याशिवाय कंपनीने नवीन 120hp टर्बो-पेट्रोल इंजिन सादर केले आहे. जुन्या 1.2-लिटर पेट्रोल आणि CNG इंजिन पर्यायही कायम ठेवले आहेत. मॅन्युअल आणि AMT गिअरबॉक्ससह Punch सर्व प्रकारच्या ग्राहकांसाठी मजबूत पर्याय ठरते.

Nissan Magnite आणि Renault Kiger

Nissan Magnite ची सुरुवातीची किंमत 5.62 लाख रुपये आहे. ही कार Renault Kiger सोबत समान प्लॅटफॉर्म शेअर करते. यात 1.0-लिटर पेट्रोल आणि टर्बो-पेट्रोल इंजिनसह CNG पर्याय उपलब्ध आहे.
Renault Kiger ची सुरुवातीची किंमत 5.76 लाख रुपये आहे. काइगरमध्ये अधिक शक्तिशाली टर्बो इंजिन आणि CVT गिअरबॉक्सचा पर्याय दिला असून, त्यामुळे या सेगमेंटमध्ये ती वेगळी ठरते.

MG Majestor साठी Pre Booking सुरु! किती रुपयात बुक करता येईल एसयूव्ही? केव्हा मिळणार डिलिव्हरी? जाणून घ्या

Hyundai Exter आणि Maruti Fronx

Hyundai Exter ही कंपनीची एंट्री-लेव्हल SUV असून तिची सुरुवातीची किंमत 5.64 लाख रुपये आहे. यात 1.2-लिटर पेट्रोल आणि CNG इंजिन पर्यायांसह मॅन्युअल आणि AMT गिअरबॉक्स उपलब्ध आहेत.
दुसरीकडे, Maruti Suzuki Fronx ची सुरुवात 6.85 लाख रुपयांपासून होते. बलेनोवर आधारित असलेली Fronx अधिक स्टायलिश डिझाइनसह येते आणि पेट्रोल, टर्बो-पेट्रोल तसेच CNG इंजिन पर्याय उपलब्ध करून देते.