EMI फक्त 5000 रुपये! प्रत्येक मध्यम वर्गीय व्यक्तीला परवडेल ‘ही’ कार; किती कराल डाउन पेमेंट?

जर तुम्ही स्वस्तात मस्त अशा कारच्या शोधात असाल तर मग नक्कीच तुम्ही Maruti S Presso खरेदी केली पाहिजे. ही कार देशातील सर्वात स्वस्त कार मानली जाते. चला या कारच्या डाउन पेमेंट आणि EMI बद्दल जाणून घेऊयात.

• Maruti S Presso ही देशातील सर्वात स्वस्त कार
• फक्त 5 हजार रुपये असेल EMI
• जाणून घ्या डाउन पेमेंट

आपली स्वतःची कार असावी हे प्रत्येक मध्यम वर्गीय व्यक्तीला वाटते. मात्र, अनेकदा कमी बजेटमुळे आणि जास्त EMI मुळे कार खरेदीचे स्वप्न लांबणीवर पडते. अशावेळी मग कोणती कार स्वस्त आहे असा प्रश्न आपसूकच ग्राहकांच्या मनात येत असतो. हीच बाब लक्षात घेत आज आपण देशातील सर्वात स्वस्त कार आणि त्यावरील EMI बद्दल जाणून घेऊयात.

मारुती सुझुकी भारतीय बाजारपेठेत विविध सेगमेंटमधील वाहनांची विक्री करते. ही उत्पादक कंपनी ‘हॅचबॅक’ कार सेगमेंटमध्ये ‘मारुती एस-प्रेसो’ (Maruti S-Presso) ही कार उपलब्ध करून देते. जर तुम्ही या कारची ‘बेस व्हेरिएंट’ खरेदी करण्याचा विचार करत असाल आणि 1 लाख रुपयांचे ‘डाऊन पेमेंट’ करून हे वाहन घरी आणू इच्छित असाल, तर तुमचा EMI किती असेल, असा प्रश्न तुम्हाला पडला असेल. चला याबद्दल जाणून घेऊयात.

Toyota ची ‘ही’ कार खरेदी करण्याची शेवटची संधी गमावू नका! कंपनी थेट प्रोडक्शन बंद करण्याच्या तयारीत?

मारुती एस-प्रेसोची किंमत किती?

मारुती कंपनी एस-प्रेसोची ‘बेस व्हेरिएंट’ म्हणजेच ‘STD’ मॉडेलची किंमत 3.50 लाख रुपयांच्या ‘एक्स-शोरूम’ किमतीत उपलब्ध करून देते. जर ही हॅचबॅक कार राजधानी दिल्लीमध्ये खरेदी केली, तर त्यासाठी आरटीओ (RTO) शुल्कापोटी अंदाजे 16000 रुपये आणि इतर शुल्कापोटी सुमारे 24000 रुपये अदा करावे लागतील. परिणामी, मारुती एस-प्रेसो STD ची ‘ऑन-रोड’ किंमत अंदाजे 3.94 लाख रुपयांपर्यंत पोहोचेल.

1 लाख डाउन पेमेंटनंतर किती EMI भरावा लागेल?

जर तुम्ही या हॅचबॅक कारचा बेस व्हेरिएंट खरेदी करत असाल, तर बँकेकडून ऑन रोड किमतीवर कर्ज दिले जाईल. अशा परिस्थितीत 1 लाख रुपये डाउन पेमेंट केल्यानंतर सुमारे 2.94 लाख रुपयांचे कर्ज घ्यावे लागेल. जर बँक 9% व्याजदराने 7 वर्षांसाठी 2.94 लाख रुपये कर्ज देते, तर तुम्हाला दर महिन्याला सुमारे 4,738 रुपयांचा EMI भरावा लागेल. हा EMI पुढील सात वर्षे भरावी लागणार आहे.

डोळे झाकून खरेदी करा ‘ही’ कार! Bharat NCAP मध्ये मिळवली 5-स्टार रेटिंग, किंमत फक्त

कार किती महाग पडेल?

जर तुम्ही 9% व्याजदराने 7 वर्षांसाठी 2.94 लाख रुपयांचे कार लोन घेतले, तर 7 वर्षांत तुम्हाला एकूण सुमारे 1.04 लाख रुपये व्याज म्हणून द्यावे लागतील. यानंतर एक्स-शोरूम किंमत, ऑन-रोड खर्च आणि व्याज मिळून Maruti S-Presso या कारची एकूण किंमत अंदाजे 4.97 लाख रुपयांपर्यंत जाऊ शकते.

स्पर्धक

मारुती एस-प्रेसो ही हॅचबॅक कार सेगमेंटमध्ये उपलब्ध आहे. या सेगमेंटमध्ये ही कार मारुती अल्टो K10, रेनो क्विड आणि ह्युंदाई ग्रँड i10 निओस यांसारख्या कारशी थेट स्पर्धा करते.