‘या’ Cars खरेदी करणे म्हणजे फायद्याची डील! 5 वर्षांनंतर सुद्धा मिळेल दमदार रिसेल व्हॅल्यू

जर मार्केटमध्ये तुम्ही अशा कारच्या शोधात असाल जी तुम्हला अनेक वर्षांनंतर सुद्धा उत्तम रिसेल व्हॅल्यू देईल. तर मग नक्कीच तुमच्यासाठी आम्ही काही बेस्ट ऑप्शन्स शोधून ठेवले आहेत.

• नवीन कार काही वर्षानंतर सुद्धा चांगली रिसेल व्हॅल्यू देईल का?
• असा प्रश्न अनेकांच्या मनात असतो.
• बेस्ट रिसेल व्हॅल्यू असणाऱ्या कार्सबद्दल जाणून घेऊयात.

भारतीय बाजारात नवीन कार खरेदी करताना अनेकांच्या मनात एक महत्त्वाचा प्रश्न येत असतो, तो म्हणजे नवीव कार खरेदी केल्यानंतर तिची पुढील काळात रिसेल व्हॅल्यू किती असेल? सोप्या भाषेत सांगायचे तर, काही वर्षांनी ही कार विकल्यावर तुम्हाला किती पैसे परत मिळतील? हीच बाब लक्षात घेत आज आपण काही कार्सबद्दल जाणून घेणार आहोत, ज्या सेकंड-हँड मार्केटमध्ये लोकप्रिय आहेत आणि 5 वर्षांनंतरही चांगली किंमत मिळवून देतात.

मारुती वॅगन आर (Maruti WagonR)

या यादीत पहिले नाव आहे Maruti WagonR चे. ही कार तुम्ही 3 ते 5 वर्षांनंतर विकली, तरी मूळ किमतीपैकी सुमारे 75 टक्के रक्कम परत मिळू शकते. ही कार 1.0-लिटर आणि 1.2-लिटर पेट्रोल इंजिनसोबत तसेच फॅक्टरी-फिटेड CNG पर्यायात उपलब्ध आहे.

तुमच्या हेल्मेटची एक्सपायरी डेट काय? अपघात होण्यापूर्वीच जाणून घ्या ते बदलण्याची योग्य वेळ!

टोयोटा इनोव्हा क्रिस्ट (Toyota Innova Crysta)

दुसऱ्या क्रमांकावर आहे Toyota Innova Crysta, जी भारतीय बाजारात खूप लोकप्रिय आहे. रिसेल व्हॅल्यूच्या बाबतीत ही कार खूपच पसंतीस उतरते. ही कार विकताना तुम्हाला मूळ किमतीपैकी सुमारे 80 टक्क्यांपर्यंत रक्कम परत मिळू शकते. यात 2.4-लिटरचे दमदार इंजिन असून मॅन्युअल आणि ऑटोमॅटिक दोन्ही गिअरबॉक्स पर्याय उपलब्ध आहेत.

मारुती स्विफ्ट (Maruti Swift)

तिसऱ्या क्रमांकावर आहे Maruti Swift. ही कार 4 ते 6 वर्षांनंतर विकल्यास तुम्हाला मूळ किमतीच्या सुमारे 60 ते 70 टक्के रक्कम परत मिळू शकते. यात मॅन्युअल आणि AMT गिअरबॉक्सचे पर्याय उपलब्ध आहेत.

PM Modi यांचे Middle East मधील संघर्षावर भाष्य! अशा संकटात तुम्ही वाहनातील इंधन कसे वाचवाल?

ह्युंदाई क्रेटा (Hyundai Creta)

यानंतर Hyundai Creta ही कार आहे, जी भारतीय बाजारात मोठ्या प्रमाणात पसंतीस उतरली आहे. ही कार तुम्ही 5 ते 7 वर्षांनंतर विकल्यास सुमारे 65 टक्के किंमत परत मिळू शकते. यात 1.5-लिटर पेट्रोल, 1.5-लिटर डिझेल आणि टर्बो-पेट्रोल इंजिनचे पर्याय उपलब्ध आहेत.