लूक हवा दमदार पण बजेट 2 लाखाच्या आत? ‘या’ Bikes वर एकदा नजर फिरवाच

जर तुमचे बजेट 2 लाख असेल आणि या बजेटमध्ये तुम्ही उत्तम परफॉर्मन्स देणारी बाईक शोधात असाल तर मग ही बातमी तुमच्यासाठी फायदेशीर ठरणार आहे.

• 2 लाखाच्या बजेटमधील उत्तम बाईक
• परफॉर्मन्स आणि लूक आहे एकदम दमदार
• जाणून घ्या यादी

जर तुम्ही दमदार आणि स्टायलिश बाईक खरेदी करण्याचा विचार करत असाल आणि तुमचा बजेट सुमारे 2 लाख रुपयांपर्यंत असेल, तर ही माहिती तुमच्यासाठी उपयुक्त ठरू शकते. या बजेटमध्ये तुम्हाला स्ट्रीटफायटर, रेट्रो क्रूझर आणि स्पोर्ट्स बाइक अशा अनेक पर्याय मिळतात. या सेगमेंटमध्ये काही लोकप्रिय कंपन्यांच्या बाइक्स उपलब्ध आहेत. चला तर मग, परफॉर्मन्स आणि लुक्सच्या बाबतीत सध्या बाजारात लोकप्रिय असलेल्या टॉप 5 बाइक्सबद्दल जाणून घेऊया.

Royal Enfield Hunter 350

शहरात रोजच्या वापरासाठी हलकी आणि सोपी बाइक हवी असेल तर Hunter 350 ही एक उत्तम पर्याय ठरू शकते. ही रॉयल एनफिल्डची सर्वात हलकी आणि परवडणाऱ्या किमतीतील बाईक मानली जाते. जड ट्रॅफिकमध्येही ही बाईक सहज चालवता येते. या बाइकची एक्स-शोरूम किंमत सुमारे 1.38 लाख ते 1.67 लाख रुपयांदरम्यान आहे.

5 स्टार सेफ्टी आणि किंमत अगदी स्वस्त! सर्वसामान्य नागरिकांसाठी बेस्ट आहे ‘ही’ Automatic Car

Bajaj Pulsar NS400Z

कमी किमतीत जास्त पॉवर देणारी बाइक म्हणून Pulsar NS400Z ओळखली जाते. सुमारे 1.85 लाख रुपयांच्या एक्स-शोरूम किमतीत ही बाइक उपलब्ध आहे. यात 373 सीसी इंजिन दिले असून ट्रॅक्शन कंट्रोल, राइड मोड्स आणि इतर आधुनिक फीचर्स मिळतात, जे सहसा महागड्या बाइक्समध्ये पाहायला मिळतात.

TVS Ronin

या सेगमेंटमध्ये TVS Ronin ही देखील एक आकर्षक पर्याय आहे. यात स्क्रॅम्बलर, रोडस्टर आणि क्रूझर यांचा अनोखा डिझाइन पाहायला मिळतो. या बाइकमध्ये व्हॉइस असिस्टन्स, टर्न-बाय-टर्न नेव्हिगेशन आणि विविध ABS मोड्ससारखी आधुनिक फीचर्स दिली आहेत. या बाइकची एक्स-शोरूम किंमत सुमारे 1.26 लाख ते 1.60 लाख रुपयांदरम्यान आहे.

Yamaha R15 V4

भारतामधील सर्वात लोकप्रिय एंट्री-लेव्हल स्पोर्ट्स बाइकपैकी Yamaha R15 V4 ही एक आहे. तिचा डिझाइन यामाहाच्या मोठ्या स्पोर्ट्स बाइक्सपासून प्रेरित आहे. या बाइकची एक्स-शोरूम किंमत सुमारे 1.66 लाख रुपयांपासून सुरू होऊन 1.74 लाख रुपयांपर्यंत जाते.

Yamaha MT‑15

तरुणांमध्ये मध्ये Yamaha MT-15 ची जबरदस्त क्रेझ पाहायला मिळते. ही बाइक R15 चे नेकेड व्हर्जन मानली जाते. हलकी असल्यामुळे शहरात चालवण्यासाठी ही बाइक खूप सोयीची आहे. तिची एक्स-शोरूम किंमत सुमारे 1.55 लाख रुपयांपासून सुरू होऊन 1.74 लाख रुपयांपर्यंत आहे.