Diwali 2025 मध्ये ‘या’ Scooters चाच बोलबाला, किंमत 50,000 रुपयांपेक्षा कमी

जर तुम्ही दिवाळीत उत्तम स्कूटरच्या शोधात असाल तर ही बातमी तुमच्यासाठीच आहे. चला काही बेस्ट स्वस्तात मस्त स्कूटरबद्दल जाणून घेऊयात.

जर तुम्ही या दिवाळीत कमी बजेटमध्ये एक चांगला स्कूटर घेण्याचा विचार करत असाल, तर आता तुमच्याकडे यापूर्वीपेक्षा जास्त आणि उत्तम पर्याय उपलब्ध आहेत. काही वर्षांपूर्वीपर्यंत या रेंजमध्ये फक्त स्वस्त चीनी इलेक्ट्रिक स्कूटर्स मिळत होते, ज्यांच्या क्वालिटीवर विश्वास ठेवणं भारतीय ग्राहकांसाठी जरा कठीण होतं. पण आता भारतीय टू-व्हीलर कंपन्यांनी असे नवे मॉडेल्स लाँच केले आहेत, जे क्वालिटी, परफॉर्मन्स आणि टिकाऊपणाच्या बाबतीत उत्कृष्ट आहेत. हे स्कूटर्स रोजच्या वापरासाठीही परफेक्ट पर्याय आहेत.

Komaki XR1

Komaki XR1 हा या यादीतील सर्वात किफायतशीर इलेक्ट्रिक स्कूटर आहे. याची एक्स-शोरूम किंमत फक्त 29,999 रुपये आहे. याचे डिझाइन साधे असून शहरातील रोजच्या छोट्या प्रवासांसाठी उत्तम आहे. यात हब मोटर आणि लिथियम-आयन बॅटरी दिली आहे, जी एकदा चार्ज झाल्यावर 70–80 किमी रेंज आणि 25 किमी/ताशी टॉप स्पीड देते. XR1 मध्ये ड्रम ब्रेक, डिजिटल स्पीडोमीटर आणि ट्यूबलेस टायर यांसारखी बेसिक फीचर्स आहेत.

World Most Expensive Car: आयुष्याची सगळी जमापुंजी दिलीत तरी सुद्धा ‘ही’ कार खरेदी करता येणार नाही!

Komaki X One Lithium Ion 1.75 kWh

Komaki चा दुसरा मॉडेल X One Lithium Ion (1.75 kWh) थोडा अधिक ॲडव्हान्स्ड आहे. याची किंमत 49,999 रुपये आहे आणि यात 1.75 kWh क्षमतेची बॅटरी दिली आहे. हा स्कूटर एका चार्जमध्ये 85 किमीपर्यंत रेंज आणि 45 किमी/ताशी टॉप स्पीड देतो. याचा डिझाइन स्लिम आणि प्रॅक्टिकल आहे. यात डिजिटल कन्सोल, पोर्टेबल बॅटरी आणि कनेक्टिव्हिटी फीचर्ससारखे पर्याय उपलब्ध आहेत.

TVS XL100 Heavy Duty

TVS XL100 हे एक असे नाव आहे, ज्यावर भारतीय ग्राहक अनेक दशकांपासून विश्वास ठेवत आले आहेत. हा स्कूटर आणि मोटरसायकल यांचं परफेक्ट कॉम्बिनेशन आहे. याची एक्स-शोरूम किंमत 43,900 रुपये आहे. यात 99.7cc चा पेट्रोल इंजिन आहे, जो 4.4PS पॉवर आणि 6.5Nm टॉर्क निर्माण करतो. याचे मायलेज सुमारे 80 kmpl आहे. TVS XL100 आपली मजबूत बॉडी, लांब सीट आणि सोप्या मेंटेनन्ससाठी ओळखली जाते. हे मॉडेल ग्रामीण भागात आणि छोट्या व्यवसायिकांमध्ये विशेष लोकप्रिय आहे.

भारतात लाँच होणारी Audi Q3 प्रवाशांसाठी किती सुरक्षित? Euro NCAP Test मध्ये किती मिळाली सेफ्टी रेटिंग?

Vida VX2 Go BaaS

Hero MotoCorp च्या इलेक्ट्रिक ब्रँड Vida ने VX2 Go BaaS मॉडेलद्वारे बजेट EV सेगमेंटमध्ये एन्ट्री घेतली आहे. याची एक्स-शोरूम किंमत 44,990 रुपये आहे. यात 2.2 kWh क्षमतेची रिमूवेबल बॅटरी आहे, जी सुमारे 90 किमीपर्यंत रेंज देते. टॉप स्पीड 45 किमी/ताशी आहे. फीचर्समध्ये डिजिटल कन्सोल, राइडिंग मोड्स आणि ड्रम ब्रेक्स समाविष्ट आहेत. याचा Battery-as-a-Service (BaaS) मॉडेल किंमत आणखी किफायतशीर बनवतो, कारण यात बॅटरी खरेदी न करता ती रेंटवर घेण्याची सुविधा देखील उपलब्ध आहे.

Ola Gig Plus

या यादीतील सर्वात ॲडव्हान्स्ड आणि टेक्नॉलॉजीने सज्ज स्कूटर म्हणजे Ola Gig Plus. याची एक्स-शोरूम किंमत 49,999 रुपये आहे. यात 1.5 kWh च्या ड्युअल बॅटरी (एकूण 3 kWh) दिल्या आहेत, ज्या IDC-क्लेम्ड 81 ते 157 किमीपर्यंत रेंज देतात. टॉप स्पीड 45 किमी/ताशी आहे. Ola Gig Plus मध्ये डिजिटल डिस्प्ले, कनेक्टेड फीचर्स आणि मॉडर्न डिझाइन आहे. हे स्कूटर विशेषतः त्या तरुण रायडर्ससाठी डिझाइन करण्यात आले आहे, जे स्टाईल आणि टेक्नॉलॉजी दोन्हीला प्राधान्य देतात.