‘या’ कंपनीच्या कार महागण्याची शक्यता! किती रुपयांनी वाढवली जाऊ शकते किंमत? जाणून घ्या

नवीन आर्थिक वर्षात अनेक ऑटो कंपन्या त्यांच्या कार्सच्या किमतीत वाढ करत आहे. अशातच आता चिनी ऑटो कंपनी BYD ने देखील त्यांच्या वाहनांच्या किमती वाढवण्याचा निर्णय घेतला आहे.

• BYD कार्सच्या किमतीत वाढ होण्याची शक्यता
• किमती 3 टक्क्यांनी वाढण्याची शक्यता
• जाणून घ्या अधिक माहिती

भारतीय वाहन बाजारात अनेक ऑटोमोबाईल कंपन्या इलेक्ट्रिक वाहनांच्या उत्पादनावर विशेष भर देत आहेत. पर्यावरणपूरक तंत्रज्ञान, वाढती इंधन दर आणि सरकारी प्रोत्साहन यामुळे ईव्ही सेगमेंटला मोठी मागणी मिळत आहे. देशांतर्गत कंपन्यांसोबतच अनेक विदेशी कंपन्याही भारतीय बाजारात आपल्या इलेक्ट्रिक कार सादर करत आहेत. अशाच कंपन्यांपैकी एक म्हणजे BYD. ही कंपनी प्रगत बॅटरी तंत्रज्ञान, लांब रेंज आणि आधुनिक फीचर्ससाठी ओळखली जाते. BYD ने भारतीय बाजारात आपली मजबूत उपस्थिती निर्माण केली आहे आणि भविष्यात आणखी नवीन मॉडेल्स सादर करण्याची तयारी सुरू आहे.

भारतात इलेक्ट्रिक वाहन निर्माता BYD कडून विविध सेगमेंटमध्ये गाड्यांची विक्री केली जाते. मीडिया रिपोर्ट्सनुसार कंपनी लवकरच आपल्या कारच्या किमती वाढवण्याच्या तयारीत आहे. मात्र याबाबत अधिकृत घोषणा अद्याप करण्यात आलेली नाही.

Maruti, TATA की Hyundai, कोणती कंपनी ऑफर करते ऑटो क्लायमेट कंट्रोल फीचर असणारी बेस्ट कार?

BYD च्या गाड्या होणार महाग

मीडिया रिपोर्ट्सनुसार BYD लवकरच आपल्या इलेक्ट्रिक कारच्या किमती वाढवू शकते. कंपनीकडून याबाबत अधिकृत माहिती देण्यात आलेली नसली तरी लवकरच किंमतवाढ होण्याची शक्यता व्यक्त केली जात आहे.

कधीपासून वाढू शकतात दर?

माहितीनुसार कंपनी सर्व मॉडेल्सच्या किमतीत वाढ करू शकते. ही वाढ वेगवेगळ्या व्हेरियंटनुसार वेगळी असू शकते. अंदाजानुसार 1 मेपासून नवीन दर लागू होऊ शकतात.

किती होऊ शकते वाढ?

मिळालेल्या माहितीनुसार कंपनीकडून कारच्या किमतीत सुमारे 3 टक्क्यांपर्यंत वाढ केली जाऊ शकते. BYD सध्या भारतात चार इलेक्ट्रिक कारची विक्री करते. यामध्ये BYD Atto 3, BYD eMax 7, BYD Seal आणि BYD Sealion 7 यांचा समावेश आहे.

ग्राहकांनो ‘या’ कारला अलविदा करायची वेळ आली! Maruti Suzuki ने प्रोडक्शन थांबवण्याचा घेतला निर्णय, किंमत फक्त 5.35 लाख रुपये

पूर्वी देखील झाली होती किंमतवाढ?

यापूर्वीही कंपनीने जानेवारी 2026 मध्ये BYD Sealion 7 या एसयूव्हीच्या किमतीत वाढ केली होती. त्यावेळी बेस व्हेरियंटच्या किमतीत सुमारे 50 हजार रुपयांची वाढ करण्यात आली होती, तर इतर व्हेरिएंटच्या किमतीत बदल करण्यात आलेला नव्हता.