तुमच्या कारमध्ये CNG किट लावले जाऊ शकते का? जाणून घ्या सरकारी नियम आणि त्यामागील खर्च

वाढत्या इंधनाच्या किमतीमुळे अनेक कार चालक त्यांच्या कारमध्ये CNG किट लावून घेतात. मात्र, सीएनजी किट लावण्यामागे कोणते सरकारी नियम आहेत आणि त्याचा किती खर्च येतो? त्याबद्दल आपण जाणून घेऊयात.

• कारमध्ये सीएनजी किट बसवण्यास ग्राहकांचा कल
• यामागील सरकारी नियम काय?
• चला जाणून घेऊयात

पेट्रोलच्या वाढत्या किमतींमुळे आता CNG कार्सच्या मागणीत झपाट्याने वाढताना दिसत आहे. इंधन खर्च कमी करण्यासाठी अनेक जण नवीन CNG कार खरेदी करण्याऐवजी आपल्या जुन्या पेट्रोल कारमध्ये CNG किट बसवण्याचा पर्याय निवडत आहेत. मात्र, CNG किट बसवण्यापूर्वी काही महत्त्वाच्या गोष्टींची माहिती असणे अत्यावश्यक आहे. तसेच, तुमच्या कारमध्ये CNG किट बसवणे योग्य आहे का, हेही तपासून पाहणे गरजेचे आहे.

सरकारी नियम

सर्वप्रथम, कारच्या वजनाचा विचार करणे अत्यंत महत्त्वाचे आहे. केंद्र सरकारच्या नियमांनुसार, 3.5 टनांपेक्षा कमी वजन असलेल्या वाहनांमध्येच CNG किट बसवण्याची परवानगी आहे. त्यामुळे किट बसवण्याआधी तुमच्या कारचे अचूक वजन जाणून घेणे गरजेचे आहे. याशिवाय, नेहमीच RTO मान्यताप्राप्त CNG किटच वापरणे आवश्यक आहे. अशा किटमुळे वाहनाची सुरक्षितता आणि परफॉर्मन्स दोन्ही टिकून राहतात.

Mercedes च्या ‘या’ कारमध्ये आढळली खराबी! एका झटक्यात हजारो गाड्या बोलावल्या परत

अधिकृत डीलर

त्यानंतर, CNG किट कोणाकडून बसवायची याकडेही लक्ष द्यायला हवे. नेहमी अधिकृत (ऑथराइज्ड) डीलरकडूनच किट बसवून घ्यावी. अधिकृत डीलरकडे प्रशिक्षित तंत्रज्ञ असतात, जे योग्य पद्धतीने किट बसवतात. किट बसवल्यानंतर त्याचे बिल किंवा पावती घेणे विसरू नका, कारण ते पुढील RTO प्रक्रियेसाठी आणि विमा अपडेटसाठी आवश्यक ठरते.

किती येईल खर्च?

खर्चाचा विचार केला तर, भारतात CNG किट बसवण्याचा एकूण खर्च साधारणपणे 35,000 ते 80,000 रुपयांच्या दरम्यान असतो. हा खर्च किटच्या ब्रँड, गुणवत्तेवर आणि कारच्या प्रकारावर अवलंबून बदलू शकतो. या खर्चात किटची किंमत, इंस्टॉलेशन चार्ज, RTO मंजुरी शुल्क आणि विमा पॉलिसी अपडेट करण्याचा खर्च यांचा समावेश असतो.

Volkswagen Taigun Facelift सादर झाली होsss…’या’ बदलांमुळे कार मार्केट गाजवणार?

एकंदरीत, CNG किट बसवणे हा इंधन बचतीसाठी चांगला पर्याय असला तरी योग्य माहिती, अधिकृत किट आणि सुरक्षित इंस्टॉलेशन याकडे विशेष लक्ष देणे अत्यावश्यक आहे. योग्य पद्धतीने किट बसवल्यास तुम्ही कमी खर्चात सुरक्षितपणे प्रवासाचा आनंद घेऊ शकता.