50 हजारांच्या पगारावर Tata Sierra खरेदी करण्याचे स्वप्न दणक्यात पूर्ण होईल! EMI फक्त 18000 रुपये आणि डाउन पेमेंट…

टाटा सिएरा ही अल्पावधीतच लोकप्रिय एसयूव्ही ठरली आहे. हीच कार योग्य डाउन पेमेंट आणि फायनान्शियल प्लॅनसह आरामात खरेदी करता येईल. चला या कारच्या डाउन पेमेंट आणि ईएमआयबद्दल जाणून घेऊयात.

• टाटा सिएराला भारतात दमदार मागणी
• 50 हजार असणारी व्यक्ती कशी खरेदी करू शकते ही कार
• जाणून घ्या डाउन पेमेंट आणि ईएमआय डिटेल्स

टाटा सिएरा जेव्हा मार्केटमध्ये आली होती तेव्हा तिला ग्राहकांनी उदंड प्रतिसाद दिला होता. म्हणूनच तर बुकींगच्या पहिल्याच दिवशी या कारला 70 हजारापेक्षा अधिक बुकिंग मिळाली. ही एसयूव्ही खरेदी करण्याचे आता अनेकांचे स्वप्न निर्माण झाले आहे.

जेव्हा Tata Sierra चा विषय निघतो, तेव्हा लोकांची उत्सुकता आणखीच वाढली जाते. मात्र, या संदर्भात लोकांच्या मनात अनेक प्रश्न उपस्थित होतात; विशेषतः हा की, अगदी माफक पगार असतानाही या कारसाठी सहजपणे कर्ज मिळवणे शक्य आहे का? जर तुमचा मासिक पगार 50000 रुपये असेल, तर तुम्हाला ‘Tata Sierra‘ साठी कर्ज मिळू शकेल का आणि तसे झाल्यास तुमचा मासिक हप्ता (EMI) किती असेल? याबद्दल आपण जाणून घेऊयात.

‘ही’ कंपनी काय ऐकत नाही बाबा! पहिल्या 3 महिन्यांत 54 नवीन सेंटर्स सुरू; विक्रीतही 98 टक्क्यांची विक्रमी वाढ

सर्वात पाहिलं किंमत जाणून घ्या

Tata Sierra ची सुरुवातीची ‘एक्स-शोरूम’ किंमत अंदाजे 11.49 लाख असून, तिच्या सर्वोच्च (टॉप-एंड) व्हेरिएंटची किंमत 17.99 लाखांपर्यंत जाते. या कारच्या ‘Smart Plus’ या मूळ मॉडेलची ‘ऑन-रोड’ किंमत अंदाजे 13.30 लाख रुपये असेल असा अंदाज आहे. जर तुम्ही हे मूळ मॉडेल खरेदी करण्यासाठी 2 लाखांचे ‘डाऊन पेमेंट’ केले, तर तुम्हाला अंदाजे 11.30 लाखांचे कर्ज घ्यावे लागेल.

अशा परिस्थितीत, 5 वर्षांच्या कालावधीसाठी 8.5% ते 10% दरम्यानचा व्याजदर गृहीत धरल्यास, तुमचा मासिक हप्ता (EMI) अंदाजे 23000 ते 24500 रुपयांच्या दरम्यान असेल. याउलट, जर कर्जाचा कालावधी 3 वर्षांचा ठेवला, तर मासिक हप्ता वाढून तो सुमारे 35000 रुपयांपर्यंत जाईल; तर 7 वर्षांच्या कर्जासाठी, हा हप्ता कमी होऊन अंदाजे 17000 ते 18000 रुपयांपर्यंत खाली येऊ शकतो.

दुसऱ्या व्हेरिएंटसाठी किती द्यावा लागेल EMI?

जर तुम्ही बेस व्हेरिएंटऐवजी थोडे टॉप व्हेरिएंट, जसे Pure किंवा डिझेल मॉडेल घेण्याचा विचार करत असाल, ज्यांची ऑन-रोड किंमत सुमारे 15 ते 17 लाख रुपये आहे, तर त्यानुसार EMI देखील वाढेल. अशा मॉडेल्ससाठी मासिक EMI सुमारे 30000 ते 36000 रुपयांपर्यंत जाऊ शकते. टॉप व्हेरिएंटची ऑन-रोड किंमत 20 लाख रुपयांपेक्षा जास्त असू शकते. अशा परिस्थितीत, 2 लाख रुपये डाउन पेमेंट करून 5 वर्षांच्या कर्जावर EMI सुमारे 38000 रुपयांपर्यंत जाऊ शकते.

50,000 रुपयांच्या पगारात कार घेणे योग्य आहे का?

आर्थिक तज्ञांच्या मते, तुमची EMI ही तुमच्या हातात येणाऱ्या (in-hand) पगाराच्या २०% पेक्षा जास्त नसावी. म्हणजेच, जर तुमचा पगार 50000 रुपये असेल, तर EMI साधारण 10000 रुपयांपर्यंत मर्यादित असावी.

मात्र, Tata Sierra साठी किमान EMI सुद्धा सुमारे 17000 ते 18000 रुपयांपासून सुरू होते, जी तुमच्या पगाराच्या तुलनेत जास्त ठरते.

जर तुमचा पगार 50000 रुपये असेल आणि आधीपासून कोणतेही मोठे खर्च किंवा कर्ज नसले तर ही SUV खरेदी करणे आर्थिकदृष्ट्या योग्य ठरू शकते. EMI कमी करण्यासाठी तुम्हाला जास्त डाउन पेमेंट करावे लागेल किंवा कमी किमतीच्या कारचा पर्याय निवडावा लागेल.