ई-स्प्रिंटोचा देशभरात डीलर नेटवर्क विस्ताराचा प्लॅन! २०२८ पर्यंत २०० हून जास्त डीलर्स जोडणार; पाहा डिटेल्स
भारतातील आघाडीची इलेक्ट्रिक दुचाकी उत्पादक कंपनी ई-स्प्रिंटोने देशभरात आपले डीलर नेटवर्क अधिक बळकट करण्यासाठी आणि किरकोळ विक्रीचा विस्तार करण्यासाठी दोन टप्प्यांतील व्यापक धोरणाची घोषणा केली आहे. बिझनेस-टू-बिझनेस क्षेत्रात भक्कम स्थान निर्माण केल्यानंतर आणि ७०,००० हून अधिक वाहनांच्या यशस्वी उपस्थितीनंतर, कंपनी आपल्या ‘ई-स्प्रिंटो जी१’ या नव्या बी२सी इलेक्ट्रिक स्कूटरच्या लाँचिंगसह रिटेल नेटवर्कचा वेगाने विस्तार करत आहे. (e-SPRINTO)
विस्तार योजनेच्या पहिल्या टप्प्यात ई-स्प्रिंटो उत्तर, दक्षिण आणि पश्चिम भारतातील प्रमुख बाजारपेठांमध्ये आपले नेटवर्क स्थापित करेल. कंपनी उत्तर भारतात सुमारे २०, दक्षिण भारतात १५ आणि पश्चिम भारतात १५ नवीन डीलर्स जोडणार असून, यामध्ये दिल्ली-एनसीआर, जयपूर, बेंगळुरू, हैदराबाद आणि पुणे यांसारख्या शहरांना प्राधान्य दिले जाईल. या टप्प्याचे मुख्य उद्दिष्ट मार्च २०२७ पर्यंत संपूर्ण भारतात ५० हून अधिक डीलर्स तयार करण्याचे आहे.
दुसऱ्या टप्प्यात कंपनी मध्य आणि पूर्व भारतातील उदयोन्मुख बाजारपेठांमध्ये प्रवेश करेल. याअंतर्गत भोपाळ, ग्वाल्हेर, इंदूर, कोलकाता आणि भुवनेश्वर यांसारख्या शहरांमध्ये नेटवर्क विस्तार केला जाईल. या टप्प्याटप्प्याने राबवल्या जाणाऱ्या दृष्टिकोनातून ई-स्प्रिंटो चे लक्ष्य २०२८ आर्थिक वर्षाच्या अखेरीस देशभरात २०० हून अधिक डीलर्सचे मजबूत जाळे उभारण्याचे आहे.
या विस्तार धोरणावर बोलताना ई-स्प्रिंटोच्या सह-संस्थापक शालू गुप्ता म्हणाल्या, “आमच्यासाठी डीलर नेटवर्क उभारणे म्हणजे केवळ नवीन बाजारपेठांमध्ये प्रवेश करणे नाही, तर अशा भागीदारांशी जोडले जाणे आहे जे स्थानिक ग्राहकांच्या गरजा समजतात आणि ईव्ही मालकीच्या संपूर्ण प्रवासात त्यांना पाठिंबा देऊ शकतात. आमचा संपूर्ण भर ‘३एस’- सेल्स, सर्व्हिस आणि स्पेअर्स यावर केंद्रित आहे. ग्राहकांना मालकीचा एक उत्तम अनुभव मिळावा, यासाठी आम्ही आमची उत्पादन क्षमता आणि डीलर जाळे सुसंगत ठेवत आहोत.”
हा विस्तार कंपनीच्या ई-स्प्रिंटो जी१ या बी२सी इलेक्ट्रिक स्कूटरच्या नुकत्याच झालेल्या लाँचपाठोपाठ होत आहे, ज्याची सुरुवातीची किंमत ८९,९९९ रुपये (एक्स-शोरूम, दिल्ली) आहे. जवळपास दोन वर्षांच्या समर्पित संशोधन व विकास कार्यांनंतर विकसित केलेली ही स्कूटर भारतीय प्रवाशांच्या दैनंदिन गरजा लक्षात घेऊन डिझाइन करण्यात आली आहे, ज्यामध्ये विविध रायडिंग मोड्स, बॅटरीचे पर्याय आणि उपयुक्ततेवर भर देणारी वैशिष्ट्ये समाविष्ट आहेत.
सध्या ई-स्प्रिंटो कडे १.५ लाख युनिट्सची वार्षिक उत्पादन क्षमता असलेली ३ उत्पादन केंद्रे उपलब्ध आहेत, जी कंपनीला बी२बी मधून बी२सी सेगमेंटमध्ये विस्तार करण्यासाठी भक्कम पायाभूत आधार देतात.
ई-स्प्रिंटो G1 इलेक्ट्रिक स्कूटर लाँच! किंमत 89,999 रुपयांपासून सुरु; मिळणार130 किमीपर्यंत रेंज
Ans: ई-स्प्रिंटोने आर्थिक वर्ष 2028 च्या अखेरीस देशभरात 200 हून जास्त डीलर्सचे नेटवर्क उभारण्याचे लक्ष्य ठेवले आहे.
Ans: ई-स्प्रिंटो जी1 इलेक्ट्रिक स्कूटरची सुरुवातीची एक्स-शोरूम किंमत दिल्लीमध्ये 89,999 रुपये आहे.
Ans: पहिल्या टप्प्यात दिल्ली-एनसीआर, जयपूर, बेंगळुरू, हैदराबाद आणि पुणे या शहरांमध्ये डीलर्स जोडले जाणार आहेत. दुसऱ्या टप्प्यात इंदूर, भोपाळ, ग्वाल्हेर, कोलकाता आणि भुवनेश्वरमध्ये विस्तार केला जाईल.
.png "Videos"){kind=small}
