फुल चार्जवर 926 किमीची रेंज! Mercedes-Benz च्या ‘या’ खास कारचा फेसलिफ्ट मॉडेल लाँच

जगभरात इलेक्ट्रिक कार्सना चांगली मागणी मिळत आहे. नुकतेच प्रीमियम वाहनं उत्पादक कंपनी म्हणजे Mercedes-Benz ने EQS चे फेसलिफ्ट मॉडेल लाँच केले आहे.

• मर्सिडीजच्या अनेक कार लोकप्रिय
• कंपनीकडून Mercedes-Benz EQS चे नवीन फेसलिफ्ट मॉडेल सादर
• जाणून घ्या या प्रीमियम कारबद्दल

जगभरात लक्झरी इलेक्ट्रिक कारचा बाजार झपाट्याने वाढत असून मोठ्या कंपन्या सतत आपल्या कार्समध्ये सुधारणा करत आहेत. याच पार्श्वभूमीवर Mercedes-Benz ने आपल्या फ्लॅगशिप इलेक्ट्रिक कार Mercedes-Benz EQS चे नवीन फेसलिफ्ट मॉडेल सादर केले आहे. या नव्या मॉडेलमध्ये आधीपेक्षा अधिक रेंज, प्रगत टेक्नॉलॉजी आणि काही डिझाइन अपडेट्स देण्यात आले आहेत.

जास्त रेंज ही मोठी खासियत

नवीन EQS फेसलिफ्टची सर्वात मोठी खासियत म्हणजे तिची लॉंग ड्रायव्हिंग रेंज. कंपनीच्या माहितीनुसार, ही कार एकदा फुल चार्ज केल्यावर सुमारे 926 किलोमीटरपर्यंत धावू शकते. त्यामुळे ती आपल्या सेगमेंटमधील सर्वाधिक रेंज देणाऱ्या कारपैकी एक ठरते. ही कार जर्मनीमध्ये सुमारे 85 लाख रुपयांच्या किमतीत लॉन्च करण्यात आली आहे.

मार्केट आम्हीच गाजवणार! अनेक ऍडव्हान्स फीचर्सने सुसज्ज असेल Toyota Fortuner 2026, किंमत…

वेगवान चार्जिंग टेक्नॉलॉजी

या कारमध्ये 800-व्होल्ट टेक्नॉलॉजी देण्यात आली आहे, जी आधीच्या 400-व्होल्ट सिस्टमपेक्षा अधिक प्रगत आहे. त्यामुळे कार जलद गतीने चार्ज होते आणि कमी वेळेत अधिक अंतरासाठी ऊर्जा मिळते. म्हणजेच, चार्जिंगसाठी जास्त वेळ थांबावे लागत नाही.

दमदार परफॉर्मन्स

परफॉर्मन्सच्या बाबतीतही ही कार खूप शक्तिशाली आहे. यात दमदार इलेक्ट्रिक मोटर देण्यात आली असून स्मूद आणि वेगवान ड्रायव्हिंग अनुभव मिळतो. नवीन ड्रायव्हिंग फीचर्स आणि टेक्नॉलॉजीमुळे कार चालवणे अधिक सोपे आणि आरामदायी झाले आहे.

डिझाइन

डिझाइनमध्ये काही हलके बदल करण्यात आले आहेत. फ्रंट लुक, ग्रिल आणि लाईट्स अधिक प्रीमियम आणि मॉडर्न करण्यात आले आहेत, मात्र कारची ओळख कायम ठेवण्यात आली आहे. इंटीरियरमध्ये मोठा डिजिटल स्क्रीन सेटअप, प्रीमियम मटेरियल आणि आरामदायी सीट्स देण्यात आल्या आहेत, ज्यामुळे प्रवास अधिक लक्झरीयस बनतो.

Ashok Leyland कडून नवीन कमर्शियल वाहन लाँच! जाणून घ्या वैशिष्ट्य आणि किंमत

सेफ्टी आणि टेक्नॉलॉजी

ग्राहकांच्या सुरक्षेच्या दृष्टीनेही ही कार अत्यंत प्रगत आहे. यात अनेक ॲडव्हान्स सेफ्टी फीचर्स आणि ड्रायव्हर असिस्ट सिस्टम्स देण्यात आले आहेत. याशिवाय, ही कार अशा टेक्नॉलॉजीला सपोर्ट करते ज्यामुळे गरज पडल्यास तिची बॅटरी इतर उपकरणांना देखील वीज पुरवू शकते. यामधील ‘स्टेअर-बाय-वायर’ टेक्नॉलॉजी हे खास फिचर असून, यात स्टीयरिंग व्हील आणि फ्रंट व्हीलमधील पारंपरिक मेकॅनिकल कनेक्शन काढून टाकण्यात आले आहे.