एप्रिल ते ऑगस्टमध्ये इलेक्ट्रिक स्कूटर निर्यातीत ४५०% ची विक्रमी वाढ! टीव्हीएस, बजाज अन् एथर मोठ्या फार्मात

भारतात बनणाऱ्या इलेक्ट्रिक स्कूटर आता फक्त देशातील रस्त्यांवरच नाही, तर परदेशातही वेगाने धावत आहेत. एप्रिल-ऑगस्टमध्ये निर्यातीत तब्बल 450% वाढ झाली असून टीव्हीएस, बजाज आणि एथरने मिळून 98% वाटा घेतला आहे.

FY2027 च्या पहिल्या 5 महिन्यांतच भारतातून इलेक्ट्रिक स्कूटरच्या निर्यातीने मोठी झेप घेतली आहे. एप्रिल ते ऑगस्ट 2026च्या या कालावधीत एकूण 15,418 इलेक्ट्रिक स्कूटर परदेशात पाठवण्यात आल्या. गेल्या वर्षी याच कालावधीत हा आकडा 2,807 होता. म्हणजेच निर्यातीत जवळपास 450% एवढी प्रचंड वाढ झाली आहे.

भारतातील इलेक्ट्रिक स्कूटरची मागणी वाढत असतानाच परदेशातील मार्केटमध्येही मेड-इन-इंडिया ई-स्कूटरला चांगला प्रतिसाद मिळत आहे. पेट्रोलच्या वाढत्या किमती, पर्यावरणपूरक वाहनांकडे वाढता कल आणि इलेक्ट्रिक वाहनांसाठी तयार होत असलेली पायाभूत सुविधा यामुळे निर्यात वाढण्यास मदत होत आहे. विशेषतः नेपाळ हे भारतीय इलेक्ट्रिक स्कूटरसाठी मोठे मार्केट ठरले आहे.

Honda QC3 vs TVS iQube, Bajaj Chetak, VIDA VX2 आणि Ather Konarc; फॅमिली, ऑफिस आणि लांब प्रवासासाठी कोणती स्कूटर योग्य?

या एक्स्पोर्टमध्ये TVS Motor Company आघाडीवर आहे. कंपनीने एप्रिल-ऑगस्टदरम्यान 6,702 इलेक्ट्रिक स्कूटर निर्यात केल्या. यामध्ये 5,738 आयक्यूब आणि 964 ऑर्बिटरचा समावेश आहे. त्यामुळे एकूण इलेक्ट्रिक स्कूटर निर्यातीत टीव्हीएसचा वाटा 44% आहे.

Bajaj Auto ने 4,818 चेतक इलेक्ट्रिक स्कूटर निर्यात केल्या असून, कंपनीच्या निर्यातीत तब्बल 2,194% वाढ झाली आहे. दुसरीकडे Ather Energyने 3,573 स्कूटर निर्यात करत 23% वाटा मिळवला आहे. एथरच्या निर्यातीत 450 सीरिज आणि रिझ्टा यांचा समावेश आहे.

TVS Apache RR 310 आणि RTR 310 Black Diamond Edition लाँच; किंमत ₹2.48 लाखांपासून सुरु! पाह काय आहेत फीचर्स

इलेक्ट्रिक स्कूटर निर्यातीत टीव्हीएस, बजाज आणि एथर या तीन कंपन्यांचा टोटल वाटा तब्बल 98% आहे. याशिवाय ग्रीव्ह्ज इलेक्ट्रिक मोबिलिटीने 169, हिरो मोटोकॉर्पने 135, रिव्हर मोबिलिटीने 18 आणि होंडाने 3 इलेक्ट्रिक स्कूटर एक्स्पोर्ट केल्या.

ऑगस्टमध्ये एकट्या महिन्यात 3,575 इलेक्ट्रिक स्कूटरची निर्यात झाली, जी मागच्या वर्षाच्या तुलनेत 209% जास्त आहे. सध्याचा वेग कायम राहिल्यास FY2027 मध्ये भारताची इलेक्ट्रिक स्कूटर निर्यात 35,000 युनिट्सचा टप्पा ओलांडू शकते.