थोडी डेअरिंग आणि हातात Kia Carens Clavis EV ची चावी! जाणून घ्या Down Payment आणि EMI चा संपूर्ण हिशोब

सध्या इलेक्ट्रिक वाहनांना भरपूर मागणी मिळताना दिसत आहे. अशीच एक लोकप्रिय कार म्हणजे Kia Carens Clavis EV. चला या कारच्या फायनान्स आणि बजेट प्लॅनबद्दल जाणून घेऊयात.

• भारतात इलेक्ट्रिक वाहनांना चांगली मागणी
• Kia Carens Clavis EV ही EV सेगमेंटमधील लोकप्रिय कार
• किती द्यावा लागेल दरमहा EMI?

आपली स्वतःची कार असावी हे प्रत्येक व्यक्तीचे कॉमन स्वप्न असते. त्यातही इलेक्ट्रिक कार खरेदी करता यावी अशी सर्वसामान्यांची इच्छा असते. मार्केटमध्ये गेल्या काही वर्षात इलेक्ट्रिक कार्सच्या मागणीत मोठी वाढ पाहायला मिळाली आहे. त्यामुळेच अनेक कंपन्यांनी त्यांच्या दमदार इलेक्ट्रिक कार ऑफर केल्या आहेत.

दक्षिण कोरियाची वाहन निर्माता कंपनी किया इलेक्ट्रिक एमपीव्ही सेगमेंटमध्ये Kia Carens Clavis EV ऑफर करते. जर तुम्ही या एमपीव्हीचा बेस व्हेरिएंट खरेदी करण्याचा विचार करत असाल, तर 5 लाखांच्या डाउन पेमेंट केल्यानंतर सात वर्षांसाठी मासिक ईएमआय किती भरावा लागेल. चला याबद्दल अधिक माहिती जाणून घेऊयात.

Tata Sierra की Honda Elevate, किमतीपासून फीचर्सपर्यंत कोणत्या SUV चा पगडा भारी?

Kia Carens Clavis EV किंमत

किआ कॅरेन्स क्लॅव्हिस ईव्हीचा HTK Plus हा बेस व्हेरिएंट म्हणून देण्यात आला आहे. या व्हेरिएंटची एक्स-शोरूम किंमत 17.99 लाख रुपये आहे. राजधानी दिल्लीमध्ये ही कार खरेदी केल्यास, विम्याची किंमत सुमारे 75000 रुपये आहे. याव्यतिरिक्त, सुमारे 18000 टीसीएस शुल्क आवश्यक असेल, ज्यामुळे ऑन-रोड किंमत 18.92 लाख रुपये होईल.

किती असेल EMI ?

जर तुम्ही Kia Carens Clavis EV चा बेस व्हेरिएंट खरेदी करत असाल, तर बँक कारच्या एक्स-शोरूम किमतीवरच लोन मंजूर करेल. अशा परिस्थितीत, पाच लाख रुपये डाउन पेमेंट भरल्यानंतर तुम्हाला सुमारे 13.92 लाख रुपये बँकेकडून कर्ज म्हणून देण्यात येईल. बँक जर हे कर्ज 9% व्याजदराने 7 वर्षांसाठी मंजूर करत असेल, तर पुढील सात वर्षे तुम्हाला दर महिन्याला तुम्हाला 22,626 रुपये इतकी EMI भरावी लागेल.

दिसायला रणगाडा! hyundai ची क्रेटर सादर, मजबूत डिझाईन… साहसी इलेक्ट्रिक SUV सिरीजची झलक

कार किती महाग पडेल?

जर तुम्ही 9% व्याजदराने 7 वर्षांसाठी 13.92 लाख रुपयांचे कार लोन घेतले, तर दर महिन्याला 22,626 रुपये EMI भरावी लागेल. अशा प्रकारे सात वर्षांत तुम्ही एकट्या व्याजासाठी अंदाजे 5.08 लाख रुपये भराल.

डाउन पेमेंट, एक्स-शोरूम किंमत, ऑन-रोड खर्च आणि व्याज मिळून तुमच्या Kia Carens Clavis EV ची एकूण किंमत साधारण 24 लाख रुपये इतकी होईल.