3 लाखांचे डाउन पेमेंट आणि भारतातील सर्वाधिक लोकप्रिय EV तुमच्या दारात उभी, ‘असा’ असेल संपूर्ण हिशोब

MG Windsor Pro EV ही देशातील एक लोकप्रिय कार आहे. जर तुम्ही या कारसाठी 3 तीन लाखांचे डाउन पेमेंट केले तर तुम्हाला दरमहा किती EMI भरावा लागेल. त्याबद्दल जाणून घेऊयात.

• भारतात इलेक्ट्रिक कारला चांगली मागणी
• MG Windsor Pro EV ही देशातील लोकप्रिय इलेक्ट्रिक कार
• 3 लाखांच्या डाउन पेमेंटनंतर किती असेल EMI?

भारतीय ऑटो बाजारात अनेक जण आता इंधनावर चालणाऱ्या वाहनांपेक्षा इलेक्ट्रिक वाहनांना चांगला प्रतिसाद देत आहे. ग्राहकांची हीच मागणी लक्षात घेत अनेक विदेशी ऑटो कंपन्या सुद्धा भारतात दमदार Electric Car ऑफर करत असतात. अशीच एक विदेशी कंपनी म्हणजे MG मोटर्स.

ब्रिटिश ऑटो कंपनी MG मोटर्स भारतीय मार्केटमध्ये अनेक सेगमेंटमध्ये कार ऑफर करत असते. कंपनीने ऑफर केलेली MG Windsor Pro EV विक्रीसाठी उपलब्ध आहे. जर तुम्ही ही कार खरेदी करण्याचा विचार करत असाल, तर 3 लाखांच्या डाउन पेमेंटनंतर दरमहा किती ईएमआय भरावा लागेल त्याबद्दल जाणून घेऊयात.

Maruti Brezza Vs Nissan Magnite: कोणत्या कारमध्ये किती दम? जाणून घ्या फीचर्स, इंजिन आणि किंमत?

MG Windsor Pro EV ची किंमत किती?

एमजी मोटर्स विंडसर प्रो ईव्हीचा बेस व्हेरिएंट 17.24 लाख या एक्स-शोरूम किमतीत देते. जर तुम्ही ही कार खरेदी केली तर याची ऑन-रोड किंमत अंदाजे 18.15 लाख रुपये आहे. या किमतीत अंदाजे 72000 रुपये विमा आणि अंदाजे 17000 टीसीएस शुल्क समाविष्ट आहे, ज्यामुळे ऑन-रोड किंमत 18.15 लाख रुपये होते.

तीन लाखांच्या डाउन पेमेंटनंतर किती असेल ईएमआय?

जर तुम्ही या कारचा Pro व्हेरिएंट खरेदी करत असाल, तर बँकेकडून एक्स-शोरूम किमतीवरच कर्ज पुरवले जाईल. अशा परिस्थितीत 3 लाख रुपये डाउन पेमेंट भरल्यानंतर उर्वरित 15.15 लाख रुपये बँकेकडून कर्ज स्वरूपात घ्यावे लागतील. जर बँक तुम्हाला 9 टक्के व्याजदराने 7 वर्षांसाठी 15.15 लाख रुपयांचे लोन देते, तर पुढील 7 वर्षे दरमहा फक्त 24369 रुपयांचा EMI भरावा लागेल.

212 किमी रेंजची हमी आणि किंमत 1.5 लाखांपेक्षा कमी ! TVS iQube Hybrid ची बातच न्यारी, स्मार्ट फीचर्स पाहून तुम्हीही व्हाल फॅन

कार किती महाग पडेल?

9 टक्के व्याजदराने 7 वर्षांसाठी 15.15 लाख रुपये कार लोन घेतल्यास, तुम्हाला दरमहा 24369 रुपयांचा EMI द्यावा लागेल. अशा प्रकारे 7 वर्षांत MG Windsor Pro EV साठी तुम्ही सुमारे 5.32 लाख रुपये व्याज भराल. यानंतर एक्स-शोरूम किंमत, ऑन-रोड खर्च आणि व्याज रक्कम मिळून या कारसाठी एकूण खर्च अंदाजे 23.46 लाख रुपये इतका होईल.