EV की पेट्रोल कार? ५०० किमी प्रवासासाठी कोणता पर्याय स्वस्त? पाहा खर्चाचे संपूर्ण गणित

एप्रिल २०२६ मध्ये इलेक्ट्रिक कार, एसयूव्ही आणि एमपीव्हीच्या २३,००० हून अधिक युनिट्सची विक्री झाली आहे. यावरुन लोकांनी इलेक्ट्रिक वाहने खरेदी करण्यास सुरुवात केल्याचे स्पष्ट होते.

• EV की पेट्रोल कार?
• ५०० किमी प्रवासासाठी कोणता पर्याय स्वस्त?
• पाहा खर्चाचा संपूर्ण तपशील

गेल्या काही काळात भारतातील इलेक्ट्रिक बाजारपेठेत वेगाने वाढ होत आहे. पेट्रोल आणि डिझेलच्या वाढत्या किमतींमुळे ग्राहक आता शाश्वत पर्यायांचा विचार करत आहे. एप्रिल २०२६ मध्ये इलेक्ट्रिक कार, एसयूव्ही आणि एमपीव्हीच्या २३,००० हून अधिक युनिट्सची विक्री झाली आहे. यावरुन लोकांनी इलेक्ट्रिक वाहने खरेदी करण्यास सुरुवात केल्याचे स्पष्ट होते. परंतु अनेक लोकांच्या मनात इलेक्ट्रिक कार चालवण्याच्या खर्चाबाबत शंका निर्माण होते. विशेष करुन ५०० किमीच्या प्रवासासाठी लोक साहजिकच खर्चाची तुलना पेट्रोल-डिझेलच्या कारशी करतात. आज आपण या खर्चाचे गणित समजून घेणार आहोत.

Force Motors ची नवी Traveler N रेंज लॉन्च; आता अधिक मजबूत आणि हायटेक

५०० किमी प्रवासासाठी खर्चाचे गणित

जेव्हा खर्चाची तुलना करतो, तेव्हा इलेक्ट्रिक कारची बचत स्पष्टपणे दिसते. हे समजून घेण्यासाठी आपण Tata Harrier EV सारख्या मोठ्या बॅटरी पॅक म्हणजे ७५KwH असलेल्या गाड्याचे उदाहरण घेऊयात.

इलेक्ट्रिक कारचा खर्च

• इलेक्ट्रिक SUV मध्ये सुमारे ७५ kWh क्षमतेची बॅटरी बसवण्यात आली आहे. कंपनीनेच्या दाव्यानुसार, ही कार ६०० किलोमीटरहून अधिक रेंज देते.
• पण प्रत्यक्ष वाहन चालवण्याच्या परिस्थिती ही कार सहजपणे ५०० किलोमीटरचे अंतर कापते.
• चार्जिंगमुळे काही प्रमाणात उर्जेचा ऱ्हास होतो. ज्यामुळे बॅटरी पूर्णपणे चार्ज करण्यासाठी ८० ते ८५ युनिट्स खर्च होतात.
• विजेचा दर ८ रु प्रति युनिट असे आपण गृहित धरल्यास ५०० किलोमीटर अंतर कापण्यासाठी येणारा खर्च ६०० ते ७०० रुपये इतका असेल.

पेट्रोल आणि डिझेलचा खर्च

याउलट पेट्रोल कारने प्रवास केल्यास खर्च वाढतो. हे कसे समजून घेऊयात.

• तर १५ किमी मायलेज देणाऱ्या पेट्रोल कारला ५०० किमीसाठी साधारण ३३ लिटर पेट्रोलची गरज भासते.
• १०० रुपये प्रति दराने हा खर्च ३,३०० रुपयांपर्यंत होतो.
• डिझेल कार १८ किमी मायलेजची असल्यास २८ लिटर डिझेल लागते.
• जर डिझेलचा दर ९० रुपये प्रति लीटर असेल, तर समुारे २,५०० रुपये खर्च येऊ शकतो.

इलेक्ट्रिक कार्स अधिक किफायतशीर का?

• वरील माहितीची तुलना केल्यास लक्षात येते की पेट्रोल कारच्या तुलनेत इलेक्ट्रिक कारचा खर्च जवळपास ५ पटीने कमी आहे.
• पेट्रोलसाठी तुम्हाला ३,३०० रुपये मोजावे लाग असताना, ईव्ही केवळ ७०० रुपयांत प्रवास पूर्ण करते.
• याशिवाय इलेक्ट्रिक गाड्यांमध्ये इंजिन क्लब, गिअरबॉक्स किंवा इंजिन ऑइल बदलण्याची गरज नसते.
• तसेच २०२६ मध्ये आता चार्जिंग स्टेशनही उपलब्ध झाले  आङेत यामुळे बॅटरी संपण्याची भीतीही कमी झाली आहे.

यामुळे रोजचा प्रवास लांब पल्ल्याचा असेल तर सुरुवातील तुम्हाला ईव्ही खर्चिक वाटू शकते. पण पेट्रोलच्या तुलनेत तुमची २,६०० रुपयांची बचत होते.

Car Safety Tips : नवी कार खरेदी केली? मग ‘या’ ५ ॲक्सेसरीज आहेत सर्वात महत्त्वाच्या