Skoda Superb 4th Generation: चौथ्या जनरेशनची स्कोडा सुपरब डिझेल इंजिनसह भारतात होणार लाँच! पाहा काय असतील खास फीचर्स

स्कोडा ऑटो आपली लोकप्रिय फ्लॅगशिप सेडान कार नवीन अवतारात भारतीय बाजारात उतरवण्यासाठी सज्ज झाली आहे. एप्रिल २०२० नंतर पहिल्यांदाच या ब्रँडकडून डिझेल इंजिनचा पर्याय मिळणार असून या गाड्यात प्रगत तंत्रज्ञान आणि फीचर्स दडले आहेत.

• चौथ्या जनरेशनची प्रीमियम सेडान स्कोडा सुपरब भारतात डिझेल इंजिन आणि ऑल-व्हील ड्राइव्हसह लवकरच लाँच होणार आहे.
• ही गाडी पूर्वीपेक्षा अधिक लांब, उंच आणि ६४५ लिटरच्या अफाट बूट स्पेससह ग्राहकांच्या सेवेत रुजू होईल.
• १० एअरबॅग्ज, स्मार्ट डियल्स आणि ॲडव्हान्स ड्रायव्हर असिस्टन्स सिस्टीम यांसारख्या आधुनिक फीचर्सने ही कार सज्ज असेल.

स्कोडा ऑटोने आपल्या फ्लॅगशिप सेडान कारच्या चाहत्यांना मोठा दिलासा दिला आहे. कंपनीची नवीन चौथ्या जनरेशनची स्कोडा सुपरब भारतात डिझेल इंजिनसह लाँच होण्यासाठी सज्ज झाली आहे. २०२७ च्या पहिल्या सहामाहीत ही कार भारतीय शोरुममध्ये दाखल होण्याची शक्यता असून ही कार टोयोटा कॅमरीला जोरदार टक्कर देईल.

इंजिन आणि दमदार परफॉर्मन्स

स्कोडाने एप्रिल २०२० मध्ये भारतात डिझेल गाड्यांची विक्री बंद केली होती, मात्र या नवीन सुपरबच्या माध्यमातून कंपनी ही सेवा पुन्हा सुरू करत आहे. यात २.०-लिटरचे पावरफुल डिझेल इंजिन दिले जाईल, जे १९० एचपी पॉवर आणि ४०० एनएम टॉर्क जनरेट करते. या इंजिनसोबत ७-स्पीड ड्युअल-क्लच ऑटोमॅटिक ट्रान्समिशन आणि ऑल-व्हील ड्राइव्ह सिस्टीम मिळेल. ही सिस्टीम गरजेनुसार १००% टॉर्क मागच्या ॲक्सलवर ट्रान्सफर करू शकते.

Skoda Epiq ची ग्लोबल एंट्री! मिळणार दमदार रेंज, ADAS आणि प्रीमियम फीचर्स… जाणून घ्या किंमत

आकर्षक डिझाइन आणि मोठे बूट स्पेस

मागील जनरेशनच्या तुलनेत ही कार जास्त लांब आणि उंच करण्यात आली आहे. गाडीची लांबी ४,९१२ मिमी, रुंदी १,८४९ मिमी आणि उंची १,४८१ मिमी आहे, तर व्हीलबेस २,८४१ मिमी ठेवण्यात आला आहे. यात ६४५ लिटरची मोठी बूट स्पेस मिळते, जी मागच्या सीट्स फोल्ड केल्यावर थेट १,७९५ लिटरपर्यंत वाढवता येते.

आधुनिक फीचर्स आणि हाय-टेक इंटीरियर

स्कोडाची ही कार आरामदायी प्रवासासाठी अत्यंत प्रगत फीचर्ससह येते. यात एलईडी मॅट्रिक्स हेडलाइट्स, डायनॅमिक इंडिकेटर्ससह फुल-एलईडी टेललाइट्स आणि किक-ॲक्टिव्हेटेड पॉवर टेलगेट मिळतील. इंटीरियरचा विचार केल्यास, यात मसाज आणि वेंटिलेशन फंक्शन असलेल्या फ्रंट सीट्स, १०.२५-इंच डिजिटल इन्स्ट्रुमेंट क्लस्टर, १३-इंच टचस्क्रीन, १२-स्पीकर कॅन्टन साउंड सिस्टीम आणि १.२६-इंचाचे डिस्प्ले असलेले ३ ‘स्कोडा स्मार्ट डियल्स’ देण्यात आले आहेत.

नवीन Skoda Kushaq खरेदी करायची आहे? 2 लाख डाउन पेमेंटनंतर किती असेल EMI? खरेदीपूर्वी समजून घ्या संपूर्ण गणित

सुरक्षा, आयात आणि संभाव्य किंमत

सुरक्षेसाठी या गाडीत १० एअरबॅग्ज आणि ॲडव्हान्स ड्रायव्हर असिस्टन्स सिस्टीम यांसारखे प्रगत फीचर्स मिळतील. स्कोडा ही गाडी स्लोव्हाकियातील ब्रातिस्लावा येथील प्लँटमधून सीबीयू रुपात भारतात आयात करेल. भारत आणि EU दरम्यान होणाऱ्या व्यापार करारामुळे या वेळी या गाडीची किंमत आकर्षक आणि स्पर्धात्मक असण्याची शक्यता आहे.