Toyota Innova Crysta घरी आणण्यासाठी जर ‘इतका’ असेल पगार, तर बिनधास्त घ्या कार

टोयोटाने देशात अनेक उत्तम कार्स ऑफर केल्या आहे. यातही विशेष मागणी ही Toyota Innova Crysta ला असते. चला जाणून घेऊयात की ही कार खरेदी करण्यासाठीच तुमचा पगार किती असला पाहिजे.

आपली स्वतःची कार असावी आणि त्यात आपण आपल्या कुटुंबासोबत कुठेतरी लांब फिरायला जावं. हे प्रत्येक व्यक्तीचे स्वप्न असते. अशातच जर तुमचे कुटुंब हे मोठे असेल तर मोठी आणि ऐसपैस कार शोधण्यात जास्त वेळ लागतो. तरी देखील 7 सीटर एसयूव्ही म्हंटलं तर अनेक ग्राहक Innova खरेदी करताना दिसतात.

मार्केटमध्ये Toyota Innova Crysta ला देखील ग्राहकांचा चांगले प्रतिसाद मिळतो. खरंतर, भारतीय मार्केटमध्ये अशा कार्सना खूप पसंती दिली जाते, ज्यांचे मायलेज चांगले असते. तसेच किंमतही कमी असते. टोयोटा इनोव्हा क्रिस्टा ही अशीच एक कार आहे. जर तुम्हीही टोयोटा इनोव्हा क्रिस्टा खरेदी करण्याचा विचार करत असाल, तर ही बातमी तुमच्यासाठीच आहे. आज आपण या कारचा लोन प्लॅन आणि ईएमआय बद्दल संपूर्ण माहिती जाणून घेऊयात. यासोबतच, ही कार खरेदी करण्यासाठी तुम्हाला किती पगार असावा याची माहिती देखील घेऊयात.

किंमत किती?

राजधानी दिल्लीतील टोयोटा इनोव्हा क्रिस्टाची एक्स-शोरूम किंमत 19.99 लाख रुपयांपासून सुरू होते आणि 26.55 लाख रुपयांपर्यंत जाते. नवी दिल्लीमध्ये त्याच्या बेस व्हेरियंटची ऑन-रोड किंमत सुमारे 23.75 लाख रुपये आहे.

मार्केटमध्ये Mini Fortuner ची एंट्री होणार? अन्य ऑटो कंपन्यांचे टेन्शन वाढणार

किती असेल EMI?

दिल्लीमध्ये, जर तुम्ही टोयोटा इनोव्हा क्रिस्टाचा बेस व्हेरियंट 4 लाख रुपयांच्या डाउन पेमेंटवर खरेदी केला तर तुम्हाला बँकेकडून सुमारे 19 लाख 75 हजार रुपयांचे कर्ज मिळेल. जर तुम्ही हे कर्ज 5 वर्षांसाठी घेत असाल तर तुम्हाला ते 5 वर्षांसाठी 9.8 टक्के व्याजदराने परत करावे लागेल. अशा प्रकारे तुम्हाला दरमहा 42 हजार रुपयांचा ईएमआय भरावा लागेल.

एक गोष्ट लक्षात ठेवावी की व्याजदर पूर्णपणे तुमच्या क्रेडिट स्कोअरवर ठरवला जातो. जर तुम्ही टोयोटा इनोव्हा क्रिस्टा खरेदी करण्याचा विचार करत असाल, तर तुमचा पगार 1 लाख रुपयांपेक्षा जास्त असेल तरच ही कार खरेदी करण्याचा सल्ला आम्ही देतो.

Toyota Innova Crysta फीचर्स

टोयोटा इनोव्हा क्रिस्टाच्या वैशिष्ट्यांबद्दल बोलायचे झाले तर, या कारमध्ये बसवलेले एलईडी हेडलॅम्प कारला एक उत्तम लूक देतात. इनोव्हा क्रिस्टामध्ये 20.32 सेमी डिस्प्ले आहे, ज्यामध्ये अँड्रॉइड ऑटो आणि ॲपल कारप्ले कनेक्टिव्हिटीची सुविधा आहे. याच्या मदतीने तुम्ही तुमचा मोबाईल फोन कारसोबत सहज कनेक्ट करू शकता.

40 हजारांच्या पगारात सुद्धा खरेदी करता येईल ‘या’ 5 धमाकेदार एसयूव्ही, अनेक उत्तम फीचर्सने असेल सुसज्ज

या कारच्या सेफ्टी फीचर्सबद्दल बोलायचे झाले तर, या कारमध्ये अँटी-लॉक ब्रेकिंग सिस्टम, व्हेईकल स्टॅबिलिटी कंट्रोल, हिल-स्टार्ट असिस्ट कंट्रोल ही फीचर्स देखील आहेत. टोयोटा इनोव्हा क्रिस्टाच्या G आणि GX व्हेरियंटमध्ये 3 एअरबॅग्जची सुविधा देण्यात आली आहे. तर त्याच्या VX आणि ZX व्हेरियंटमध्ये 7 एअरबॅग फीचर देण्यात आले आहेत.