कार खरेदीदारांसाठी सर्वात महत्वाचा प्रश्न! Second Hand Car किती वर्ष जुनी असली पाहिजे?

नवीन कार सोबतच सेकंड हॅन्ड कार्सच्या विक्रीत सुद्धा मोठ्या प्रमाणात वाढ होतेय. अशावेळी प्रश्न उद्भवतो सेकंड हॅन्ड कार खरेदी करताना ती किती वर्ष जुनी असावी.

• सेकंड हॅन्ड कारच्या विक्रीत होतेय वाढ
• 2 ते 5 वर्ष जुनी कार एकदम बेस्ट
• खरेदी करण्याआधी जाणून घ्या सर्व्हिस रेकॉर्ड आणि कंडिशन

नवीन कारसह सेकंड हॅन्ड कारच्या विक्रीत सुद्धा झपाट्याने वाढ होतेय. अनेक जण सेकंड हॅन्ड कार खरेदी करत त्यांच्या पैश्यांची बचत करत असतात. खरंतर प्रत्येक मध्यमवर्गीय कुटुंबाचे एक स्वप्न असते की त्यांच्या घरी स्वतःची कार असावी. हेच स्वप्न लवकरात लवकर पूर्ण व्हावे म्हणून अनेक जण नवीन कार खरेदी करण्याऐवजी जुनी कार घेणे पसंत करतात, कारण कमी पैशांत देखील चांगली कार मिळू शकते. मात्र, ती सेकंड हॅन्ड कार किती वर्ष जुनी असावी हा प्रश्न अनेकांच्या मनात निर्माण होतो. यासाठी काही महत्त्वाच्या गोष्टी लक्षात घेणे आवश्यक आहे.

किती वर्ष जुनी कार योग्य?

साधारणपणे २ ते ५ वर्षे जुनी कार खरेदी करणे योग्य मानले जाते. कारण नवीन कार घेतल्यावर तिची किंमत लवकर घसरते. त्यामुळे काही वर्षे वापरलेली कार घेतल्यास कमी किमतीत चांगली आणि विश्वासार्ह गाडी मिळते. अशा कारमध्ये फीचर्सही जवळपास नवीनसारखेच असतात.

Maruti Dzire vs Honda Amaze: कोणती Sedan Car कमी पैश्यात देते सुसाट मायलेज? जाणून घ्या

खूप जुनी कार घेण्याचे तोटे

जर तुम्ही खूपच जुनी कार घेतली, तर तिच्या दुरुस्ती आणि देखभालीचा खर्च वाढू शकतो. कारण वेळेनुसार गाडीचे पार्ट्स झिजायला लागतात. त्यामुळे फक्त कार किती जुनी आहे हे पाहून निर्णय घेऊ नका, तर तिची एकूण स्थिती नीट तपासूनच खरेदी करा.

खरेदीपूर्वी काय तपासावे?

कधी कधी कमी चाललेली जुनी कार, जास्त वापरलेल्या नवीन कारपेक्षा चांगली ठरू शकते. त्यामुळे कारचा सर्व्हिस रेकॉर्ड आणि तिची देखभाल कशी केली आहे हे तपासणे खूप महत्त्वाचे आहे. तसेच, खूप जुन्या कारमध्ये नवीन तंत्रज्ञान आणि सुरक्षिततेचे आधुनिक फीचर्स नसू शकतात.

Skoda Electric SUV: 600km रेंजसह लाँच होणार नवीन 7-सीटर EV, ‘हे’ आहेत दमदार लक्झरी फीचर्स

जुन्या कारची सर्वात मोठी समस्या

जुन्या कारमध्ये सर्वात मोठी अडचण म्हणजे वाढता मेंटेनन्स कॉस्ट. कार जसजशी जुनी होते, तसतसे तिचे पार्ट्स वारंवार खराब होण्याची शक्यता वाढते आणि दुरुस्तीची गरजही अधिक भासते. त्यामुळे नेहमी अशीच कार निवडा जिची वेळेवर सर्व्हिसिंग झाली आहे आणि तिचा रेकॉर्ड व्यवस्थित आहे.