Hyundai Creta की Toyota Hyryder, 50 हजार रुपये पगार असणाऱ्या व्यक्तीसाठी कोणती कार बेस्ट?

भारतात मिड साइझ एसयूव्ही सेगमेंटमध्ये अनेक उत्तम कार उपलब्ध आहेत. अशाच दोन एसयूव्ही म्हणजे Hyundai Creta आणि Toyota Hyryder. मात्र, दोघांपैकी कोणती कार बेस्ट? चला जाणून घेऊयात.

• भारतात मिड साइझ एसयूव्हीला चांगली मागणी
• Hyundai Creta आणि Toyota Hyryder ला ग्राहकांचा चांगला प्रतिसाद
• कोणती कार बेस्ट? चला जाणून घेऊयात

जर तुमचा पगार दरमहा 50 हजार रुपये असेल आणि तुम्ही मिड-साइज SUV खरेदी करण्याचा विचार करत असाल, तर बाजारात Hyundai Creta आणि Toyota Urban Cruiser Hyryder हे दोन चांगले पर्याय उपलब्ध आहेत. फीचर्स, डिझाइन आणि ब्रँड व्हॅल्यूच्या बाबतीत या दोन्ही कार्स दमदार मानल्या जातात. मात्र, जर तुम्हाला या कार्स फुल पेमेंट न करता EMI वर घ्यायच्या असतील, तर कोणती SUV तुलनेने कमी आर्थिक ताणात मिळू शकते, हे समजून घेणे महत्त्वाचे ठरते.

Hyundai Creta चा फायनान्स प्लॅन

Hyundai Creta ची सुरुवातीची एक्स-शोरूम किंमत 10.79 लाख रुपये आहे. या SUV चे बेस मॉडेल खरेदी केल्यास 1.07 लाख रुपये RTO, तसेच 52,465 रुपये विमा आणि इतर शुल्क भरावे लागतात. त्यामुळे या गाडीची ऑन-रोड किंमत सुमारे 12.49 लाख रुपये होते. अशा स्थितीत ही कार कर्जावर वर घ्यायची असल्यास तुम्हाला किमान 2 लाख रुपये डाउन पेमेंट करावी लागेल.

MG Motors च्या ‘या’ Cars वर मिळतेय धमाकेदार डिस्काउंट! लाखो रुपयांची होईल बचत

जर तुम्ही 9 टक्के व्याजदराने 4 वर्षांसाठी कर्ज घेतले, तर तुम्हाला दरमहा सुमारे 26,090 रुपये EMI भरावा लागेल.
त्याचवेळी, EMI चा मासिक भार कमी करायचा असल्यास 7 वर्षांचा कर्जकालावधी निवडावा लागेल. अशा वेळी 9 टक्के व्याजदराने 7 वर्षांसाठी दरमहा सुमारे 16,868 रुपये EMI भरावा लागेल.

Toyota Hyryder ची मासिक EMI किती?

Toyota Urban Cruiser Hyryder च्या बेस मॉडेलची एक्स-शोरूम किंमत 10.99 लाख रुपये आहे. यावर RTO आणि विमा शुल्क जोडल्यावर या SUV ची ऑन-रोड किंमत सुमारे 12.87 लाख रुपये होते. ही कार फायनान्सवर खरेदी करण्यासाठी देखील तुम्हाला किमान 2 लाख रुपये डाउन पेमेंट करावी लागेल.

जर तुम्ही 9 टक्के व्याजदराने 4 वर्षांसाठी कर्ज घेतले, तर या गाडीची मासिक EMI सुमारे 27 हजार रुपये येते. तर 7 वर्षांसाठी कर्ज घेतल्यास तुम्हाला दरमहा सुमारे 17,486 रुपये EMI भरावी लागेल.

2 लाखांचं डाउन पेमेंट आणि ‘ही’ Automatic Car दारात उभी राहिलीच म्हणून समजा! 7 वर्षांसाठी EMI फक्त…

कोणती SUV तुमच्यासाठी चांगली?

या दोन्ही SUV च्या फायनान्स प्लॅनकडे पाहिले, तर Hyundai Creta ची EMI, Toyota Hyryder च्या तुलनेत थोडी कमी आहे. त्यामुळे कमी मासिक EMI च्या दृष्टीने Creta किंचित परवडणारी ठरू शकते. मात्र, कर्जाचा कालावधी वाढवल्यास दोन्ही कार्सचा मासिक EMI कमी होते, हेही लक्षात ठेवणे गरजेचे आहे.