फोटो सौजन्य: Pinterest
ऑटोमॅटिक कारला मिळतेय चांगली मागणी
Hyundai Exter चा ऑटोमॅटिक व्हेरिएंटला विशेष मागणी
2 लाखांच्या डाउन पेमेंटनंतर किती असेल EMI?
भारतीय ऑटो बाजारात वेगवेगळ्या कार पाहायला मिळतात. यातही बहुतेक ग्राहक कारचे ऑटोमॅटिक व्हेरिएंट खरेदी करणे पसंत करतात. या कारमध्ये असणारे ऑटोमॅटिक गिअरबॉक्स ड्रायव्हिंगचा अनुभव अजून चांगला बनवतात. जर तुम्ही सुद्धा ऑटोमॅटिक कार खरेदी करण्याचा विचार करताय तर मग Hyundai Exter चा ऑटोमॅटिक व्हेरिएंट तुमच्यासाठी बेस्ट ठरू शकतो.
Hyundai कडून कॉम्पॅक्ट SUV सेगमेंटमध्ये ‘Hyundai Exter’ ऑफर करते. जर तुम्ही या कारचे ऑटोमॅटिक व्हेरिएंट आणण्याचा विचार करत असाल, तर 2 लाखांचे डाऊन पेमेंट केल्यानंतर तुम्हाला मासिक EMI म्हणून नेमकी किती रक्कम भरावी लागेल, त्याबद्दल आपण जाणून घेऊयात.
‘या’ कंपनीच्या Electric Bikes वर मिळतोय धमाकेदार डिस्काउंट, ऑफर फक्त 31 मार्चपर्यंत
Hyundai कडून Exter च्या ऑटोमॅटिक व्हेरिएंटमध्ये S व्हेरिएंट उपलब्ध करून दिला जातो. कंपनीने या SUV च्या ऑटोमॅटिक व्हेरिएंटची एक्स-शोरूम किंमत सुमारे 7.77 लाख रुपये ठेवली आहे. जर हीखरेदी केली तर एक्स-शोरूम किंमतीव्यतिरिक्त रजिस्ट्रेशन आणि इन्शुरन्स यासाठीही अतिरिक्त खर्च करावा लागतो. या कारवर सुमारे 54 हजार रुपये रजिस्ट्रेशन टॅक्स आणि जवळपास 41 हजार रुपये इन्शुरन्स द्यावे लागतात. त्यामुळे दिल्लीमध्ये या SUV ची ऑन-रोड किंमत सुमारे 8.73 लाख रुपये इतकी होते.
जर तुम्ही Hyundai Exter चा ऑटोमॅटिक व्हेरिएंट खरेदी करत असाल, तर बँक साधारणपणे एक्स-शोरूम किंमतीवरच कर्ज देते. अशा परिस्थितीत तुम्ही 2 लाख रुपये डाउन पेमेंट केल्यास उर्वरित सुमारे 6.73 लाख रुपये बँकेतून कर्ज घ्यावे लागेल. जर बँकेकडून 9 टक्के व्याजदराने 7 वर्षांसाठी हे कर्ज मिळाले, तर तुम्हाला पुढील सात वर्षांसाठी दरमहा सुमारे 10,833 रुपये EMI भरावा लागेल.
स्वस्त ऑटोमॅटिक कार हवीय? Kia Sonet ने आणली मार्केटमध्ये नवी कार; किंमत आहे इतकी खास…
जर तुम्ही Hyundai Exter साठी 6.73लाख रुपयांचे कार लोन बँकेतून घेतले आणि त्यावर 9 टक्के व्याजदराने 7 वर्षांसाठी कर्ज मिळाले, तर तुम्हाला दर महिन्याला 10833 रुपयांचा EMI भरावा लागेल. हा EMI तुम्हाला पुढील सात वर्षे नियमितपणे भरावा लागेल. या कालावधीत तुम्ही एकूण सुमारे 2.36 लाख रुपयांचा व्याज म्हणून बँकेला द्याल. त्यामुळे एक्स-शोरूम किंमत, ऑन-रोड खर्च आणि व्याज या सर्वांचा विचार केला तर या कारची एकूण किंमत सुमारे 11.09 लाख रुपये इतकी होते.
