98 लाख रुपयांची Defender खरेदी करण्यासाठी जर 4 वर्षांचे लोन घेतले तर किती EMI द्यावा लागेल?

भारतीय बाजारात अनेक लक्झरी कार्स आहेत, ज्यांच्या किमती थेट गगनाला भिडतात. अशीच एक कार म्हणजे Defender. मात्र या कारसाठी तुम्हाला दरमहा किती EMI द्यावा लागेल? चला जाणून घेऊयात.

• भारतात Defender कारची वेगळीच क्रेझ
• 4 वर्षांचे लोन घेतल्यास Defender साठी किती EMI द्यावा लागेल
• चला या कारच्या फायनान्स प्लॅनबद्दल जाणून घेऊयात

जरी भारतीय ऑटो मार्केटमध्ये सर्वाधिक विक्री बजेट फ्रेंडली कार्सची होत असली तरी देखील आजही लक्झरी आणि प्रीमियम कार्सचा एक वेगळाच चाहता वर्ग आहे. एखादी प्रीमियम कार रस्त्यावर पार्क जरी असली तरी क्षणभर का होईना अनेकांची नजर त्या कारवर रोखली जाते.

प्रीमियम कारची चर्चा होण्याचे अजून एक मोठे कारण म्हणजे त्यांची आभाळाला भिडणारी किंमत. भारतात लँड रोव्हरच्या लक्झरी कार भारतीय मार्केटमध्ये खूप लोकप्रिय आहेत. Defender ही बाजारपेठेतील सर्वात लोकप्रिय कारपैकी एक आहे.

लँड रोव्हर डिफेंडरची किंमत 98 लाख ते 2.60 कोटी रुपयांपर्यंत आहे. या लक्झरी कारचे सर्वात स्वस्त मॉडेल 2.0-लिटर पेट्रोल 110 एक्स-डायनॅमिक एचएसई आहे. डिफेंडरचा हा व्हेरिएंट भारतीय बाजारपेठेत सर्वाधिक विक्री होणारा व्हेरिएंट आहे. डिफेंडरच्या या मॉडेलची किंमत 98 लाख रुपये आहे. ही लक्झरी कार खरेदी करण्यासाठी 88.20 लाख रुपयांचे कर्ज मिळू शकते.

Eco मोड कधी वापरावा? आणि पॉवर मोड कधी? बाईकचे परफॉर्मन्स टिकवा…

Defender कार EMI वर कशी खरेदी करता येईल?

डिफेंडर ही इतकी महागडी कार आहे की ही लक्झरी कार खरेदी करण्यासाठी तुम्ही चार वर्षांसाठी लोन घेतले तरी, तुमच्या खर्चाव्यतिरिक्त EMI भरण्यासाठी तुमच्याकडे किमान दोन लाख रुपये असणे खूप महत्वाचे आहे. जर तुम्ही 9.80 लाखांचे डाउन पेमेंट केले आणि कारचा व्याजदर 9% असेल, तर चार वर्षांच्या लोनमुळे महिन्याचा EMI तब्बल 2.20 लाख रुपये होईल.

• जर तुम्ही डिफेंडर खरेदी करण्यासाठी पाच वर्षांचे लोन घेतले तर 9% व्याजदराने मासिक EMI 1.83 लाख रुपये असेल.
• जर तुम्ही डिफेंडर खरेदी करण्यासाठी सहा वर्षांचे कर्ज घेतले तर 9% व्याजदराने मासिक EMI 1.59 लाख रुपये असेल.
• जर तुम्ही लँड रोव्हर डिफेंडरसाठी 7 वर्षांचे कर्ज घेतले तर मासिक EMI 9% व्याजदराने 1.42 लाख रुपये असेल.

नवीन कलर पण रुबाब तोच ! Royal Enfield Meteor 350 चा स्पेशल एडिशन लाँच, जाणून घ्या किंमत आणि फीचर्स

जास्त डाउन पेमेंट, कमी ईएमआय

डिफेंडर खरेदी करताना तुम्ही जास्त रक्कम डाउन पेमेंट म्हणून भरली, तर तुमचा महिन्याचा EMI कमी होईल. मात्र, कार खरेदीसाठी लोन घेताना सर्व कागदपत्रे नीट वाचणे अत्यंत महत्त्वाचे आहे. कारण कार कंपन्या आणि बँकांच्या पॉलिसी वेगवेगळ्या असल्यामुळे या आकड्यांमध्ये फरक दिसू शकतो.