फोटो सौजन्य: @deepaliranaa (X.com)
भारतात इलेक्ट्रिक वाहनांची मागणी सातत्याने वाढताना दिसत आहे. वाढत्या इंधनाच्या किंमतीमुळे ग्राहक देखील इलेक्ट्रिक बाईक, स्कूटर आणि कारला प्राधान्य देत आहे. आता मार्केटमध्ये अशी स्थिती आहे की ज्या कार उत्पादक कंपन्या पूर्वी इंधनावर चालणाऱ्या कार ऑफर करत होत्या. त्याचा आता इलेक्ट्रिक कार्सच्या उत्पादनावर लक्षकेंद्रित करीत आहे.
भारतात अनेक इलेक्ट्रिक कार्स लोकप्रिय आहेत. त्यातीलच एक कार म्हणजे MG Windsor EV. आता एमजीने या कारचे अपडेटेड व्हर्जन म्हणूनच MG Windsor Pro लाँच केली आहे. या कारला कंपनीने मोठी बॅटरी आणि अधिक फीचर्ससह ऑफर केले आहे. कंपनीने या कारमध्ये कोणत्या प्रकारचे फीचर्स दिले आहेत? किती पॉवरफुल बॅटरी आणि मोटर यात दिली आहे. ही कार किती किमतीला खरेदी करता येईल? त्याबद्दल आज आ[पण जाणून घेणार आहोत.
Pratap Sarnaik : ‘या’ वाहनांमध्ये इंधन बंदी, प्रताप सरनाईक यांचा मोठा निर्णय!
JSW MG Windsor Pro EV मध्ये कंपनीने 52.9 KWh क्षमतेची बॅटरी ऑफर केली आहे. ही एका चार्जवर 449 किमी पर्यंत चालवता येते. ही कार काही मिनिटांत चार्ज होऊ शकते. त्यात बसवलेल्या मोटरमधून त्याला न्यूटन मीटरची शक्ती आणि टॉर्क मिळतो.
विंडसर प्रो ईव्हीमध्ये उत्पादकाकडून अनेक उत्तम वैशिष्ट्ये आहेत. यात ड्युअल टोन इंटीरियर, V2L आणि V2V देखील आहेत. याशिवाय, त्यात अँबियंट लाईट, इन्फिनिटी ग्लास रूफ, फ्रंट सीट व्हेंटिलेशन, १५.६ इंच इन्फोटेनमेंट सिस्टम, अॅपल कार प्ले, अँड्रॉइड ऑटो, चार स्पीकर्स, चार ट्विटर, सब वूफर, डिजिटल इन्स्ट्रुमेंट क्लस्टर, वायरलेस स्मार्टफोन चार्जर, फ्रंट व्हेंटिलेटेड सीट्स, लाकडी फिनिश, ६०४ लिटर बूट स्पेस, एलईडी हेडलाइट्स, एलईडी टेल लाईट्स, कनेक्टेड डीआरएल, पॉवर्ड टेलगेट, १९ इंच अलॉय व्हील्स, ग्लास अँटेना, फ्लश डोअर हँडल अशी वैशिष्ट्ये आहेत.
JSW MG Windsor Pro EV मध्ये सेफ्टी फीचर्सही खूप लक्ष देण्यात आले आहे. यात ABS, EBD, हिल होल्ड असिस्ट, आयसोफिक्स चाइल्ड अँकरेज, लेव्हल 2 ADAS सारख्या अनेक फीचर्ससह प्रदान केले आहे.
कमालच आहे ! ‘या’ व्यक्तीने ‘ही’ EV 5.8 लाख किलोमीटर चालवत केली 18.2 लाख रुपयांची बचत
BaaS सोबत JSW MG Windsor Pro देखील देण्यात येत आहे. यासह, या कारची एक्स-शोरूम किंमत 12.50 लाख रुपये ठेवण्यात आली आहे. बॅटरीसह त्याची सुरुवातीची एक्स-शोरूम किंमत 17.49 लाख रुपये ठेवण्यात आली आहे. पहिल्या 8000 बुकिंग या किमतीत केल्या जातील. यानंतर, कारच्या किमती बदलण्यात येऊ शकतात. यासाठी 8 मे 2025 पासून बुकिंग करता येईल.
ही इलेक्ट्रिक कार Tata Curvv EV, Hyundai Creta Electric सारख्या इलेक्ट्रिक एसयूव्हीशी थेट स्पर्धा करणार आहे. याशिवाय, लवकरच लाँच होणाऱ्या Maruti Suzuki E Vitara, Toyota Hyryder Electric यांच्याशीही देखील स्पर्धा होईल.
