Marathi News »
Automobile »
Keep These Things In Mind While Buying Electric Bicycle

Electric bicycle खरेदी करण्याचा विचार आहे? मग ध्यानात ठेवा ‘या’ गोष्टी

अलीकडच्या काळात इलेक्ट्रिक सायकल्सची मागणी वाढली आहे. लोकं या सायकल्सकडे अधिक आकर्षित होत आहेत. जर तुम्ही सुद्धा इलेक्ट्रिक सायकल घेण्याचा विचार करत असाल तर ही बातमी खास तुमच्यासाठीच आहे. या बातमीत आपण जाणून घेऊया ही सायकल घेताना तुम्ही कोणत्या गोष्टी लक्षात घेतल्या पाहिजे.

By मयुर नवले

Updated On: Sep 04, 2024 | 05:28 PM

फोटो सौजन्य: Freepik

सध्या भारतात इलेक्ट्रिक वाहनांचे वारे जोरदार वेगाने वाहताना दिसत आहे. पेट्रोल, सीएनजी, आणि डिझेलच्या किंमती झपाट्याने वाढत असल्यामुळे अनेक जण आता इलेक्ट्रिक वाहनांना प्राधान्य देत आहेत. आधी इलेक्ट्रिक कार्स आल्या मग इलेक्ट्रिक बाईक्स लाँच झाल्या. आणि आता इलेक्ट्रिक सायकल सुद्धा मार्केटमध्ये येत आहेत.

येणारा काळ हा इलेक्ट्रिक वाहनांचा असल्यामुळे अनेक कंपनीज मार्केटमध्ये इलेक्ट्रिक वाहनांना आणत आहे. सध्या सायकल्स सुद्धा इलेक्ट्रिक होत आहे. जर तुम्ही सुद्धा इलेक्ट्रिक सायकल घेण्याचा विचार करत आहात तर ही बातमी तुमच्यासाठीच आहे. जर तुमचा प्रवास हा ठराविक अंतरापर्यंतच असेल तर इलेक्ट्रिक सायकल घेणे तुमच्यासाठी फायदेशीर ठरू शकते. हे लक्षात घेऊन आम्ही तुम्हाला सांगत आहोत की ई-सायकल खरेदी करताना कोणत्या गोष्टी लक्षात ठेवाव्यात. तसेच ही इलेक्ट्रिक सायकल रस्त्यावर कशाप्रकारे चालवावी.

हे देखील वाचा: अरेच्चा! दिल्लीत चक्क ट्रॅफिक पोलीस देत आहे ५० हजार रुपयांचं बक्षीस, नेमकं कारण काय?

इलेक्ट्रिक सायकल खरेदी करताना या गोष्टी लक्षात ठेवा

नामांकित कंपनीकडूनच ई-सायकल खरेदी करा.
लोकल कंपनीची ई-सायकल खरेदी करणे टाळा.
सुरक्षेच्या दृष्टिकोनातून तुमच्यासाठी कोणतीही अडचण नसावी.
बेकायदेशीरपणे बनवलेल्या ई-सायकल खरेदी करू नका.
साध्या पेडल्ससह ई-सायकल खरेदी करा.

सराव करताना या गोष्टी लक्षात ठेवा

स्वच्छ आणि शांत ठिकाणी ई-सायकल चालवण्याचा सराव करा.
तुमच्या ई-सायकलच्या सिस्टम्स हळू पण नीट समजून घ्या.
सतत ई-सायकल चालवण्याचा सराव करून तुमची राइड सुधारा.

हे देखील वाचा: नितीन गडकरी यांची जबरदस्त योजना! भारताची इंधन आयात होणार कमी, वाहनेही होणार स्वस्त

रस्यावर अशाप्रकारे चालवा सायकल

ई-सायकल चालवायला शिकल्यानंतर रस्त्यावरील सुरक्षा नियम नीट समजून घ्या.
रस्त्यावर ठराविक वेगात ई-सायकल चालवण्याचा प्रयत्न करा.
सायकल सुरू करण्यापूर्वी त्याचे सर्व भाग व्यवस्थित काम करत आहेत का ते तपासा.
अंधारलेल्या ठिकाणी जाताना समोरून आणि मागून प्रकाश येत आहे हे लक्षात ठेवून सायकल चालवा.

रस्त्यावर ई-सायकल चालवताना या वरील गोष्टी लक्षात ठेवल्यास अपघात टाळता येऊ शकतात. एवढेच नाही तर रस्त्यावर स्वतःला सुरक्षित ठेवण्यासोबतच आपण लोकांचे जीवनही सुरक्षित ठेवता येईल. इलेक्ट्रिक सायकल घेणे हा उत्तम पर्याय असू शकतो. जर तुमचा प्रवास जवळच्या जवळ असेल तर नक्कीच बाइक घेण्यापेक्षा इलेक्ट्रिक सायकल घेतलेली बरी.