प्रीमियम इंटिरिअर, 435 किमीची रेंज आणि बरंच काही! Kia ची नवीन EV ‘या’ देशात लाँच; किंमत…

युरोपमध्ये Kia EV2 ही किआ मोटर्सची नवीन इलेक्ट्रिक कार लाँच झाली आहे. मात्र, भारतात ही कार कधी लाँच होणार? याबाबत कोणतीही अधिकृत घोषणा करण्यात आलेली नाही.

• किआ मोटोर्सची नवीन इलेक्ट्रिक कार लाँच
• युरोपमध्ये Kia EV2 युरोपात लाँच
• किंमत अंदाजे 29 लाख रुपये

Kia ने त्यांची नवीन इलेक्ट्रिक कार EV2 युरोपमध्ये लाँच केली आहे. ही कंपनीची आतापर्यंतची सर्वात परवडणारी इलेक्ट्रिक कार मानली जात आहे. जानेवारी 2026 मध्ये या कारचे पहिले अनावरण करण्यात आले होते आणि आता याची किंमत व व्हेरिएंट्सची माहितीही समोर आली आहे. जर्मनीसह अनेक युरोपीय देशांमध्ये तिची बुकिंग सुरू झाली आहे. या कारचे उत्पादन स्लोव्हाकियामध्ये केले जात असून अधिकाधिक ग्राहकांना इलेक्ट्रिक वाहनांकडे आकर्षित करण्याचा कंपनीचा उद्देश आहे. या कारची सुरुवातीची किंमत सुमारे 26,600 युरो म्हणजेच भारतीय चलनात अंदाजे 29 लाख रुपये ठेवण्यात आली आहे. तसेच, ही कार लीजवरही उपलब्ध असल्याने कमी खर्चात वापरता येऊ शकते.

नाव मोठे मात्र दर्शन छोटे! 1 लिटर इंधनावर Tata Sierra किती देते मायलेज? ARAI च्या रिपोर्टने थेट डोळेच उघडले

व्हेरिएंट आणि रेंज

Kia EV2 चार वेगवेगळ्या व्हेरिएंटमध्ये उपलब्ध आहे. बेस ‘Light’ व्हेरिएंट 4-सीटर असून त्यात 42.2 kWh बॅटरी आणि 146 hp मोटर दिली आहे. ही कार सुमारे 317 किमी रेंज देते, जी शहरासाठी योग्य आहे. ‘Air’ व्हेरिएंट 5-सीटर असून त्यात दोन बॅटरी पर्याय आहेत, स्टँडर्ड आणि 61 kWh मोठी बॅटरी. मोठ्या बॅटरीसह ही कार सुमारे 453 किमीपर्यंत रेंज देते, जी लांब पल्ल्यासाठी उत्तम आहे.

Earth आणि GT-Line व्हेरिएंट्स

‘Earth’ व्हेरिएंट 4 आणि 5 सीट पर्यायात उपलब्ध आहे. यात 42.2 kWh बॅटरी आणि 146 hp मोटर देण्यात आली असून सुमारे 308 किमी रेंज मिळते. हा व्हेरिएंट परफॉर्मन्स आणि किंमत यामध्ये संतुलन साधतो. ‘GT-Line’ हा सर्वात प्रीमियम व्हेरिएंट असून त्यात 61 kWh बॅटरी आणि 135 hp मोटर दिली आहे. या व्हेरिएंटची रेंज सुमारे 413 किमी आहे आणि यात अधिक लक्झरी फीचर्स व स्पोर्टी डिझाइन मिळते.

तुमच्या हेल्मेटची एक्सपायरी डेट काय? अपघात होण्यापूर्वीच जाणून घ्या ते बदलण्याची योग्य वेळ!

फीचर्स आणि स्पर्धा

Kia EV2 मध्ये आकर्षक इंटीरियर, मोठे केबिन आणि आरामदायक सीट्स दिल्या आहेत. याशिवाय, यात आधुनिक टेक्नोलॉजी आणि स्मार्ट फीचर्सही उपलब्ध आहेत. युरोपमध्ये या कारचा सामना Renault, Citroen आणि Volkswagen यांच्या इलेक्ट्रिक कार्सशी होणार आहे. किंमत, रेंज आणि फीचर्सच्या जोरावर Kia EV2 या सेगमेंटमध्ये मजबूत स्पर्धक ठरू शकते.