Kia Seltos ची नवीन जनरेशन झाली स्पॉट, मिळू शकतात ‘हे’ फीचर्स

Kia Motors नेहमीच मार्केटमध्ये दमदार कार्स ऑफर करत असते. नुकतेच कंपनीची Kia Seltos च्या नवीन जनरेशनबद्दल माहिती मिळाली आहे.

• कियाची नवीन कार झाली स्पॉट
• मिळणार दमदार फीचर्स
• भारतात कधी होणार लाँच? जाणून घ्या

भारतीय बाजरात अनेक उत्तम ऑटो कंपन्या आहेत, ज्या बेस्ट कार ऑफर करत असतात. अशीच एक कंपनी म्हणजे Kia Motors. कंपनीने मार्केटमध्ये ग्राहकांच्या मागणी आणि आवश्यकतेनुसार दमदार कार ऑफर केल्या आहेत. नुकतेच कंपनीची एक नवीन कार स्पॉट झाली आहे. ही कार म्हणजे Kia Seltos.

भारतीय बाजारात kia च्या विविध सेगमेंटमध्ये अनेक कार्सची विक्री केली जाते. त्यामध्ये कंपनीची मिड-साइज SUV म्हणून Kia Seltos हीदेखील उपलब्ध आहे. मीडिया अहवालांनुसार, या SUVची नवी जनरेशन लाँच होण्यापूर्वी पुन्हा एकदा टेस्टिंगदरम्यान दिसून आली आहे. या नवीन मॉडेलबाबत कोणती माहिती समोर आली आहे,त्याबद्दल जाणून घेऊयात.

ग्राहकांनी फिरवली ‘या’ 10 गाड्यांकडे पाठ! ऑक्टोबरमध्ये 0 विक्री, यादी पाहून धक्काच बसेल

लवकरच येणार नवी जनरेशन Kia Seltos

मीडिया रिपोर्ट्सनुसार, किया लवकरच भारतीय बाजारात नव्या जनरेशनची Seltos लाँच करण्याची तयारी करत आहे. लाँचिंगपूर्वी या SUVचे जागतिक स्तरावर प्रथम अनावरण केले जाणार आहे. सध्या ती भारतात टेस्टिंगच्या टप्प्यात असून, अलीकडेच ही SUV टेस्टिंग दरम्यान पाहण्यात आली आहे.

मीडिया रिपोर्ट्सनुसार, नव्या जनरेशनची Kia Seltos सध्याच्या मॉडेलपेक्षा आकाराने मोठी असू शकते, ज्यामुळे केबिनमध्ये अधिक जागा मिळेल. यावेळी डिझाइन अधिक सरळ, कडा उठावदार आणि बॉक्सी ठेवण्याचा प्रयत्न करण्यात आला आहे. हेडलाइट्स, टेललाइट्स आणि बंपरमध्ये बदल करून SUVला पूर्णपणे नवीन लुक दिला जाऊ शकतो. तसेच सध्याच्या मॉडेलपेक्षा अधिक फीचर्सही यात उपलब्ध होण्याची शक्यता आहे.

FASTag युजर्सने लक्ष द्या! NHAI ने KYV प्रोसेस बनवली अगदी सोपी, आता फक्त करावं लागेल ‘हे’ काम

कोणते फीचर्स मिळू शकतात?

रिपोर्ट्सनुसार, नव्या जनरेशनच्या Kia Seltos मध्ये खालील अद्ययावत फीचर्स देण्यात येऊ शकतात:

• 12.3 इंच कर्व्ह्ड टचस्क्रीन इन्फोटेनमेंट सिस्टम
• 12.3 इंच डिजिटल इन्स्ट्रुमेंट क्लस्टर
• नवीन प्रीमियम अपहोल्स्ट्री
• पूर्णपणे नवीन इंटीरियर लेआउट

इंजिनचे पर्याय

नव्या मॉडेलमध्ये सध्याचे इंजिन पर्याय कायम ठेवले जातील. यासोबतच नवीन डिझेल इंजिन आणि हायब्रिड पेट्रोल इंजिनचा पर्यायही दिला जाऊ शकतो. यात मॅन्युअल गिअरबॉक्ससह 7-स्पीड DCT ट्रान्समिशनचे पर्याय उपलब्ध असतील.

कधी होणार लाँच?

किया कंपनी 10 डिसेंबर रोजी ग्लोबल लेव्हलवर नव्या जनरेशनची Kia Seltos सादर करणार आहे. दक्षिण कोरियातील कार्यक्रमात तिचे अनावरण होईल, त्यानंतर ती सर्वप्रथम दक्षिण कोरिया बाजारात लाँच होईल. 2026 मध्ये ही SUV भारतीय बाजारासह इतर देशांमध्येही उपलब्ध करून दिली जाण्याची शक्यता आहे.