Kia Seltos ची नवीन जनरेशन लवकरच सादर होणार, किती असेल किंमत?

किया मोटर्सने देशात अनेक उत्तम कार्स ऑफर केल्या आहे. आता लवकरच कंपनी लोकप्रिय Kia Seltos ची नवीन जनरेशन पुढील महिन्यात सादर करू शकते. चला याबद्दल अधिक माहिती जाणून घेऊयात.

• किया सेल्टोसची नवीन जनरेशन सादर होणार
• नवीन सेल्टोसमध्ये नवीन फीचर्स असतील
• इंजिन पर्याय तेच राहतील

भारतासह जागतिक ऑटो बाजारात अनेक उत्तम ऑटो कंपन्या आहेत, ज्या अनेक वर्षांपासून विविध सेगमेंटमध्ये दमदार कार ऑफर करत आहे. त्यातही मिड साइझ एसयूव्ही सेगमेंटमधील कार्सना चांगली मागणी मिळताना दिसते. अशीच एक लोकप्रिय कार म्हणजे Kia Seltos. आता लवकरच कंपनी या कारचे नवीन जनरेशन सादर करण्याच्या तयारीत दिसत आहे.

चाक जाणून घेऊयात, या नवीन एसयूव्हीत कोणते बदल होऊ शकतात आणि ती भारतात कधी लाँच केली जाऊ शकते.

नवीन जनरेशन सादर होणार

मीडिया रिपोर्ट्सनुसार, Kia नवीन जनरेशनची Kia Seltos सादर करण्याची तयारी करत आहे. ही एसयूव्ही पुढील महिन्यात जागतिक स्तरावर सादर केली जाईल. 10 डिसेंबर रोजी कोरियामध्ये एका कार्यक्रमादरम्यान ही कार सादर केली जाईल.

अपघात रोखण्यासाठी विभागांनी समन्वयाने काम करावे, सर्वोच्च न्यायालयाच्या रस्ता सुरक्षा समितीचे निर्देश

या कारमध्ये काय असेल खास?

सध्या, पहिल्या जनरेशनची Kia seltos भारतासह जगभरातील अनेक देशांमध्ये विक्रीसाठी उपलब्ध आहे.आगामी नवीन जनरेशनच्या एसयूव्हीमध्ये अनेक बदल होतील. यात एक्सटिरिअरमध्ये मोठे बदल होतील, ज्यामुळे ती नवीन एसयूव्हीसारखी दिसेल. त्यात व्हर्टिकल एलईडी डीआरएल, नवीन फ्रंट ग्रिल, नवीन बंपर आणि फॉग लॅम्पचा समावेश असू शकतो. कारच्या इंटिरिअरमध्ये देखील अनेक बदल होतील.

एसयूव्ही अधिक सुरक्षित असेल

नवीन किया सेल्टोसमध्ये सहा एअरबॅग्ज, इलेक्ट्रॉनिक स्थिरता नियंत्रण, इलेक्ट्रॉनिक पार्किंग ब्रेक, 360-डिग्री कॅमेरा आणि लेव्हल 2 एडीएएस सिस्टम असेल. सध्याच्या मॉडेलचे तीन-स्टार एनसीएपी रेटिंग नवीन जनरेशनमध्ये पाच स्टार पर्यंत वाढण्याची अपेक्षा आहे.

भारतीय क्रिकेटर Arshdeep Singh ने खरेदी केली नवीन Mercedes कार, किंमतच कोटींपासून सुरु

इंजिन पर्याय

नवीन Kia Seltos मध्ये पुन्हा एकदा तीन इंजिन पर्याय उपलब्ध असतील. 1.5-लीटर नैसर्गिक एस्पिरेटेड पेट्रोल, 1.5-लीटर टर्बो पेट्रोल आणि 1.5-लीटर डिझेल इंजिन. गिअरबॉक्सच्या पर्यायांमध्ये 6-स्पीड मॅन्युअल, 6-स्पीड टॉर्क कन्व्हर्टर ऑटोमॅटिक, 6-स्पीड iMT, CVT आणि 7-स्पीड ड्युअल-क्लच ऑटोमॅटिक गिअरबॉक्सचा समावेश असेल. तसेच, आंतरराष्ट्रीय बाजारात या SUV चा हायब्रिड व्हर्जन लाँच होण्याचीही चर्चा आहे.

किंमत किती असू शकते?

नव्या जनरेशन Kia Seltos ची किंमत सुमारे 11.30 लाख ते 22 लाख (एक्स-शोरूम) दरम्यान असण्याची शक्यता आहे.

स्पर्धक कोण?

किआ सेल्टॉस ही मिड-साईझ SUV सेगमेंटमधील एक लोकप्रिय कार आहे. या सेगमेंटमध्ये ही कार Hyundai Creta, Maruti Suzuki Grand Vitara, Maruti Suzuki Vitara, Toyota Urban Cruiser Hyryder, Honda Elevate, Skoda Kushaq आणि Volkswagen Taigun अशा दमदार SUV सोबत स्पर्धा करते.