Kinetic DX+  3.1kwh १.२७ लाख रुपयांना लाँच, देणार १३२ किमी रेंज! पाहा फीचर्स

नवीन कायनेटिक DX+ 3.1 kWh मध्ये मोठी LFP बॅटरी, रिजनरेटिव्ह ब्रेकिंग आणि Reverse Assist मिळते. प्रत्यक्ष वापरात 105 ते 110 km रेंजचा दावा असून फेस्टिव्ह सीझनमध्ये ग्राहकांना अतिरिक्त फायदेही मिळणार आहेत.

• कायनेटिक DX+ 3.1 kWh मध्ये 132 km IDC रेंज आणि 3.8 kW पॉवर देणारी मोटर मिळते.
• स्कूटरमध्ये 37 लिटर स्टोरेज, Reverse Assist आणि IP67 वॉटर-डस्ट प्रोटेक्शनची सुविधा आहे.
• Rs. 1,27,650 किंमतीच्या या मॉडेलवर फेस्टिव्ह सीझनमध्ये एक्स्ट्रा फायदेही उपलब्ध आहेत.

इलेक्ट्रिक स्कूटर मार्केटमध्ये ग्राहकांना आकर्षित करण्यासाठी कंपन्यांकडून सातत्याने जास्त रेंज आणि आधुनिक फीचर्स असलेली मॉडेल्स सादर केली जात आहेत. याच पार्श्वभूमीवर कायनेटिकने आपल्या लोकप्रिय DX+ स्कूटरचे अपडेटेड 3.1 kWh व्हर्जन मार्केटमध्ये लाँच केले आहे. या नव्या मॉडेलची एक्स-शोरूम किंमत Rs. 1,27,650 ठेवण्यात आली आहे. तुलनेत, नियमित DX 3 kWh ची किंमत Rs. 1,18,599 आहे.

नवीन कायनेटिक DX+ 3.1 kWh मध्ये मोठी LFP बॅटरी देण्यात आली आहे. कंपनीच्या माहितीनुसार, या बॅटरीमुळे IDC प्रमाणित रेंज 132 km पर्यंत मिळते. प्रत्यक्ष वापरात ही स्कूटर एका चार्जमध्ये सुमारे 105 ते 110 km अंतर कापू शकते. त्यामुळे शहरातील रोजचा प्रवास, ऑफिस किंवा बाजारपेठेतील धावपळ यासाठी ही रेंज उपयुक्त ठरू शकते.

Simple Wave इलेक्ट्रिक स्कूटर १.०९ लाख रुपयांना भारतात लाँच! २४३ किमी पर्यंतची तगडी रेंज आणि बरच काही

या स्कूटरमध्ये हब-माउंटेड BLDC मोटर असून ती 3.8 kW पर्यंतची कमाल पॉवर निर्माण करते. रायडिंगसाठी Range आणि Power असे दोन मोड देण्यात आले आहेत. तसेच K-Coast Tech मुळे वेग कमी करताना ऊर्जा पुनर्प्राप्त करण्याची सुविधा मिळते. बॅटरी 0 ते 80% चार्ज करण्यासाठी सुमारे 3 तास लागतात. विशेष म्हणजे, रिट्रॅक्टेबल चार्जिंग केबलही स्टँडर्ड म्हणून मिळते.

फीचर्सच्या बाबतीत DX+ मध्ये Reverse Assistसह Park Assist, टेलिमॅटिक्स आणि IP67 वॉटर-डस्ट प्रोटेक्शन देण्यात आले आहे. अंडरसीट स्टोरेज 37 लिटर असल्याने दैनंदिन सामान ठेवण्यासाठी पुरेशी जागा मिळते. स्कूटरला दोन्ही बाजूंना 12-इंच ट्युबलेस टायर्स असून ग्राउंड क्लीयरन्स 165 mm आहे. ब्रेकिंगसाठी पुढे 220 mm डिस्क आणि मागे 130 mm ड्रम ब्रेक देण्यात आला आहे.

New Honda UC3 VS Honda QC3: फीचर्स, बॅटरी रेंज आणि डिझाईनच्या बाबतीत दोन्ही ई-स्कूटर कशा आहेत एकमेकींपेक्षा वेगळ्या?

कायनेटिक DX+ 3.1 kWh हे Black, Silver, Blue, White आणि Red अशा रंगांमध्ये उपलब्ध आहे. कंपनीने या मॉडेलसोबत फेस्टिव्ह ऑफर्सही जाहीर केल्या आहेत. DX+ वर Rs. 3,000 लाभासोबत Rs. 8,999 किमतीची एक्स्टेंडेड वॉरंटी, Rs. 5,000 Amazon कॅशबॅक आणि Rs. 5,000 PM E-Drive लाभाचा समावेश आहे.