रविवार, 25 ऑक्टोबर 2026
फोटो सौजन्य: X
पूर्वी कार विकत घेताना कित्येक ग्राहक फक्त कारच्या मायलेज आणि किंमतीवरच लक्ष द्यायचे. पण आता ही स्थिती बदलत आहे. याचे कारण म्हणजे हल्लीचे ग्राहक आता कारच्या किंमतीबरोबरच सेफ्टी फीचर्सवर सुद्धा लक्ष देत आहे. हीच बाब लक्षात घेता, अनेक कार उत्पादक कंपन्या आपल्या कोर्समध्ये उत्तम सेफ्टी फीचर्स समाविष्ट करत असतात. काही कंपन्या तर आपल्या कार्सच्या सेफ्टी टेस्ट सुद्धा करून घेत असतात.
भारतात काही लक्झरी कार्स उत्पादक कंपन्या देखील आहेत, ज्या उत्तम आणि आलिशान कार्स मार्केटमध्ये ऑफर करत असतात. अनेकांचा असा विश्वास असतो की जेवढी कारची किंमत असेल तेवढेच त्यातील सेफ्टी ही अधिक असते. पण प्रत्येक महागडी कार सुरक्षित असेल असे नाही. नुकतेच मुंबईच्या कोस्टल रोडवर एक अपघात झाला. या रोडवर धावत्या लॅम्बोर्गिनीने पेट घेतल्याची घटना घडली आहे. चला याबद्दल सविस्तर माहिती जाणून घेऊया.
Mercedes ची ‘ही’ कार आहे कमाल ! फक्त 30 मिनिटात 10-80% होते चार्ज, ‘या’ दिवशी होणार लाँच
व्होल्वो कारचा अपघात होऊन अवघे काही दिवस उलटले असून आणखी एक कार अपघाताची घटना समोर आली आहे. मुंबईच्या रस्त्यावर लॅम्बोर्गिनीला आग लागल्याचा व्हिडिओ समोर आला आहे. मात्र, या अपघातात कोणतीही जीवितहानी झाली नाही. पण आता या घटनेनंतर पुन्हा एकदा प्रश्न निर्माण झाला आहे की, अत्यंत महागड्या आणि उत्कृष्ट सेफ्टी फीचर्ससह सुसज्ज कार्सकडून लोकांनी आपल्या सुरक्षिततेची खात्री बाळगावी की नाही?
लॅम्बोर्गिनीच्या आगीची घटना ख्रिसमसच्या रात्री, बुधवार, 25 डिसेंबर रोजी घडली. या घटनेचा व्हिडिओ द रेमंड लिमिटेडचे संस्थापक आणि सीईओ गौतम सिंघानिया यांनी त्यांच्या सोशल मीडिया अकाउंटवर शेअर केला आहे. व्हिडिओ पोस्ट करण्यासोबतच गौतम सिंघानिया यांनी कारच्या सुरक्षेच्या मानकांबाबतही चिंता व्यक्त केली आहे.
Spotted by me: A Lamborghini engulfed in flames on Coastal Road, Mumbai. Incidents like this raise serious concerns about the reliability and safety standards of Lamborghini. For the price and reputation, one expects uncompromising quality—not potential hazards.@MumbaiPolice… pic.twitter.com/lIC7mYtoCB — Gautam Singhania (@SinghaniaGautam) December 25, 2024
गौतम सिंघानिया यांनी शेअर केलेल्या व्हिडिओमध्ये सुरुवातीला लॅम्बोर्गिनीमधून धूर निघताना दिसत आहे आणि काही वेळातच कारला आग लागली. व्हिडिओमध्ये एक व्यक्ती या कारला लागलेली आग विझवण्याचा प्रयत्न करताना दिसत आहे. ही लक्झरी कार म्हणजे Lamborghini Revuelto. या कारची एक्स-शोरूम किंमत तब्बल 8.89 कोटी रुपये आहे.
फक्त 1 लाखाचे डाउन पेमेंट आणि Maruti Alto K10 CNG व्हेरियंट कार तुमची, भरावा लागेल इतका EMI
नुकतेच कर्नाटकची राजधानी बेंगळुरूमध्ये व्होल्वो कारवर कंटेनर पडून कारमध्ये बसलेल्या सर्व सहा जणांचा मृत्यू झाला. ही कार होती Volvo XC90, जी जगातील सर्वात सुरक्षित कार मानली जाते. या वाहनाच्या क्रॅश टेस्टिंग झाली होती. या टेस्टिंग दरम्यान कंपनीने सांगितले होते की वाहनात बसलेल्या कोणालाही व्यक्तीला इजा होणार नाही. मात्र बेंगळुरूमध्ये झालेल्या अपघातात या कारमधील सर्वांचा मृत्यू झाला आहे.
