Mahindra Scorpio N होणार अधिकच आकर्षक, ‘या’ दिवशी लाँच होणार Black Edition

भारतात अनेक उत्तम एसयूव्ही उत्पादक कंपन्या आहेत. त्यातीलच एक म्हणजे महिंद्रा कंपनी. ही कंपनी आता Mahindra Scorpio N आता या कारचे ब्लॅक एडिशन लाँच करण्याच्या तयारीत आहे.

फोटो सौजन्य: @sidpatankar (X.com)

Follow Us:

Follow Us:

भारतात अनेक उत्तम कार उत्पादक आहेत, जे विविध सेगमेंटमध्ये आपल्या कार ऑफर करत असतात. यातीलच एक महत्वाचा सेगमेंट म्हणजे एसयूव्ही. या सेगमेंटमध्ये अनेक कंपन्या आपल्या दमदार कार ऑफर करत असतात. पण यात विशेषकरून महिंद्राच्या एसयूव्ही वेगळाच भाव खाऊन जातात.

महिंद्राने देशात हाय परफॉर्मन्स देणाऱ्या एसयूव्ही ऑफर केल्या आहेत. पण एखादी कार लाँच केल्यानंतर कंपनी इथेच थांबत नाही तर त्यात आवश्यकतेनुसार बदल देखील घडवून आणत असते. महिंद्राने त्यांच्या अनेक वाहनांचे ब्लॅक एडिशन लाँच केले आहे. आता, कंपनी Mahindra Scorpio N चे Black Edition लाँच करणार आहे. येत्या 24 फेब्रुवारीला या एसयूव्हीचे ब्लॅक एडिशन लाँच होणार आहे.

On-Road Price आणि Ex-Showroom Price मध्ये काय फरक असतो?

महिंद्रा स्कॉर्पिओ एनचे आकर्षण वाढवण्यासाठी, कंपनी त्याचे ब्लॅक एडिशन लाँच करणार आहे. त्याच वेळी, ही कार इतर महिंद्राच्या वाहनांसह देखील सादर केली जाऊ शकते. महिंद्रा स्कॉर्पिओ एन ब्लॅक एडिशनमध्ये कोणत्या नवीन गोष्टी उपलब्ध असतील त्याबद्दल आज आपण जाणून घेऊया.

एक्सटिरिअर

महिंद्रा स्कॉर्पिओ एन ब्लॅक एडिशनमध्ये ब्लॅक-आउट केलेले 17-इंच अलॉय व्हील्स, विंडो ट्रिम साइड मोल्डिंग्ज, रूफ रेल आणि डोअर हँडल असू शकतात. महिंद्रा स्कॉर्पिओ एन भारतीय बाजारात आधीच दोन काळ्या रंगांमध्ये उपलब्ध आहे – मिडनाईट ब्लॅक आणि स्टील्थ ब्लॅक. याचे आगामी नवीन ब्लॅक एडिशन फक्त नंतरच्या पर्यायासह विकले जाऊ शकते.

इंटिरिअर

महिंद्रा स्कॉर्पिओ एन ब्लॅक एडिशनचे इंटिरिअर एक्सटिरिअर सोबत जुळण्यासाठी टॅन केलेल्या डॅशबोर्डऐवजी काळ्या डॅशबोर्डसह ऑफर केले जाऊ शकते. यामध्ये दिलेले लेदरेट अपहोल्स्ट्री, डोअर ट्रिम आणि रूफ लाइनर देखील काळ्या फिनिशसह दिले जाऊ शकते.

इंजिन पर्याय

महिंद्रा स्कॉर्पिओ एन दोन इंजिन पर्यायांमध्ये उपलब्ध आहे. त्याचा 2.0-लिटर टर्बो-पेट्रोल पर्याय 203 एचपी पॉवर जनरेट करतो आणि 2.2-लिटर डिझेल इंजिन 175 एचपी पॉवर जनरेट करतो. ही दोन्ही इंजिने 6-स्पीड मॅन्युअल किंवा ऑटोमॅटिकशी जोडलेली आहेत. हे फक्त 4WD सह डिझेल इंजिन पर्यायात उपलब्ध आहे. हे लक्षात घेता, असे म्हणता येईल की ब्लॅक एडिशनमध्ये वेगवेगळे पॉवरट्रेन दिसणार नाहीत.

अब हुई न बात ! Royal Enfield कडून भारतात पहिली इलेक्ट्रिक बाईक Flying Flea सादर

किती असेल किंमत?

महिंद्रा स्कॉर्पिओ एन ब्लॅक एडिशन फक्त Z8 आणि Z8L व्हेरियंटमध्येच उपलब्ध आहे. त्यात मॅन्युअल आणि ऑटोमॅटिक गिअरबॉक्स, हे दोन्ही पर्याय पाहता येतील. एका अहवालानुसार, ब्लॅक एडिशनची किंमत स्टँडर्ड स्कॉर्पिओ एन पेक्षा 20000 रुपयांपेक्षा जास्त असू शकते. Scorpio N Z8L AT 4WD ब्लॅक एडिशनची किंमत 24.89 लाख रुपये आणि Z8 एमटी डिझेलची किंमत 19.19 लाख रुपये असण्याची अपेक्षा आहे.

Web Title: Mahindra scorpio n black edition will be launched on 24th february

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com