महिंद्रा XUV 3XO REVX EDGE लाँच; ₹10 लाखांपेक्षा कमी किमतीत मिळणार पॅनोरॅमिक सनरूफचा ऑप्शन

महिंद्रा XUV 3XO च्या REVX रेंजमध्ये EDGE आणि EDGE (O) हे नवीन व्हेरिएंट दाखल झाले आहेत. REVX EDGE ची सुरुवातीची एक्स-शोरूम किंमत ₹9.39 लाख आहे, तर EDGE (O) मध्ये ₹9.89 लाखांच्या सुरुवातीच्या किमतीत पॅनोरॅमिक सनरूफ, कीलेस एंट्री आणि ऑटोमॅटिक हेडलॅम्प्स मिळतात.

• महिंद्रा XUV 3XO REVX EDGE ची सुरुवातीची एक्स-शोरूम किंमत ₹9.39 लाख आहे.
• REVX EDGE (O) मध्ये ₹9.89 लाखांच्या किमतीत पॅनोरॅमिक सनरूफ मिळते.
• नवीन रेंजमध्ये पेट्रोल आणि डिझेलसह मॅन्युअल, ऑटोमॅटिक आणि AMT पर्याय उपलब्ध आहेत.

महिंद्रा अँड महिंद्राने आपल्या लोकप्रिय XUV 3XO SUV च्या REVX रेंजमध्ये नवीन EDGE आणि EDGE (O) व्हेरिएंट सादर केले आहेत. नव्या व्हेरिएंटमध्ये जास्त फीचर्स, विविध इंजिन-गिअरबॉक्स पर्याय आणि प्रीमियम सुविधा देण्यात आल्या आहेत. विशेष म्हणजे REVX EDGE (O) ची सुरुवातीची एक्स-शोरूम किंमत ₹9.89 लाख असून यात पॅनोरॅमिक सनरूफ मिळते.

किंमत आणि इंजिन पर्याय

महिंद्रा XUV 3XO REVX EDGE ची सुरुवातीची किंमत ₹9.39 लाख आहे. 1.2-लिटर mStallion टर्बो-पेट्रोल इंजिनसह मॅन्युअल व्हर्जनची किंमत ₹9.39 लाख, तर ऑटोमॅटिक व्हर्जन ₹10.59 लाख आहे. 1.5-लिटर टर्बो-डिझेल मॅन्युअल व्हर्जनसाठी ₹10.59 लाख मोजावे लागतील.

Mahindra XUV : लोकांच्या मनात घर करणारी Mahindra XUV 3XO; अडीच वर्षांत 2.5 लाखांहून अधिक गाड्या विकल्या!

REVX EDGE (O) ची पेट्रोल मॅन्युअल किंमत ₹9.89 लाख, पेट्रोल ऑटोमॅटिक ₹11.09 लाख आणि डिझेल मॅन्युअल ₹11.09 लाख आहे. डिझेल AMT व्हर्जनची किंमत ₹11.91 लाख आहे. याशिवाय REVX M(O) मध्ये पेट्रोल ऑटोमॅटिक पर्याय ₹9.99 लाखांमध्ये देण्यात आला आहे.

₹9.89 लाखांत मिळणार पॅनोरॅमिक सनरूफ

REVX EDGE मध्ये 26.03 सेमी HD इन्फोटेनमेंट सिस्टम, वायरलेस Android Auto, वायर्ड Apple CarPlay, क्रूझ कंट्रोल, रिअर-व्ह्यू कॅमेरा, लेदरेट सीट्स आणि मागील AC व्हेंट्स यांसारखी फीचर्स मिळतात. तसेच 60:40 स्प्लिट रिअर सीट, इलेक्ट्रिक ORVM आणि ड्रायव्हर सीटची उंची अडजस्ट करण्याची सुविधा आहे.

Mahindra New SUVs: महिंद्राच्या अनेक नव्या एसयूव्ही लवकरच येणार; थारपासून इलेक्ट्रिक मॉडेलपर्यंत मोठी रेंज

EDGE (O) व्हेरिएंटमध्ये याच फीचर्ससोबत पॅनोरॅमिक सनरूफ, रूफ रेल्स, इलेक्ट्रिकली फोल्डिंग ORVM, पॅसिव्ह कीलेस एंट्री, पुश-बटन स्टार्ट, ऑटोमॅटिक हेडलॅम्प्स आणि ऑटोमॅटिक वायपर्स दिले आहेत.

नवीन XUV 3XO REVX रेंजमध्ये Everest White, Stealth Black, Tango Red, Nebula Blue आणि Galaxy Grey असे रंग पर्याय उपलब्ध आहेत. त्यामुळे ₹10 लाखांच्या आसपास फीचर-लोडेड कॉम्पॅक्ट SUV शोधणाऱ्या ग्राहकांसाठी या नव्या व्हेरिएंटमध्ये अनेक ऑप्शन उपलब्ध झाले आहेत.