बुधवार, 21 ऑक्टोबर 2026
(फोटो सौजन्य-AI एआय)
कोणत्या इंजिन पर्यायांत येणार?
या सिरीजमधील सर्वात आधी येणाऱ्या मॉडेलपैकी एक व्हिजन S कॉन्सेप्टवर आधारित एसयूव्ही असू शकते. तिचे भारतात लाँचिंग 2027 च्या सुरुवातीला होण्याची शक्यता आहे. ही एसयूव्ही एक्सयूव्ही 3एक्सओ आणि स्कॉर्पिओ N यांच्या दरम्यान स्थान मिळवू शकते. उंच आणि दमदार बॉडी डिझाइनसह येणाऱ्या या मॉडेलमध्ये टर्बो पेट्रोल आणि डिझेल इंजिनचे पर्याय मिळण्याची शक्यता असून भविष्यात इलेक्ट्रिक व्हेरिएंटचाही विचार केला जाऊ शकतो.
महिंद्राच्या गाड्यांवर सप्टेंबरमध्ये बंपर डिस्काउंट! स्कॉर्पिओ-N, थार, बोलेरोसह XUV वर मोठी बचत
थार मध्येही होणारे मोठे चेंज?
लोकप्रिय 3-डोअर महिंद्रा थारलाही मोठे अपडेट मिळण्याची अपेक्षा आहे. टेस्टिंगदरम्यान दिसलेल्या मॉडेलवरून थार रॉक्सच्या डिझाइनचा प्रभाव नवीन आवृत्तीवर दिसू शकतो. नवीन लाइटिंग, बदललेले बंपर आणि अधिक आधुनिक एक्सटेरियर दिले जाऊ शकते. केबिनमध्ये मोठी टचस्क्रीन, नवीन फीचर्स आणि अधिक प्रीमियम उपकरणांची भर पडण्याची शक्यता आहे.
इलेक्ट्रिक गाड्यांचीही मोठी रेलचेल!
महिंद्राच्या इलेक्ट्रिक रेंजमध्ये बीई 07 महत्त्वाची भूमिका बजावेल. ही बीई 6 पेक्षा मोठी इलेक्ट्रिक एसयूव्ही असून ती INGLO स्केटबोर्ड आर्किटेक्चरवर आधारित असण्याची शक्यता आहे. मोठ्या बॅटरी पॅकसह तिची प्रत्यक्ष वापरातील रेंज 500 किमीपेक्षा जास्त असू शकते. 3 स्वतंत्र 12.3-इंच डिस्प्ले, लेव्हल 2 ADAS आणि बाय-डायरेक्शनल चार्जिंगसारखे फीचर्सही मिळण्याची अपेक्षा आहे.
याशिवाय व्हिजन T कॉन्सेप्टवर आधारित इलेक्ट्रिक ऑफ-रोडर 2028 च्या आसपास बाजारात येऊ शकतो. यात AWD साठी ड्युअल-मोटर सेटअप आणि ऑफ-रोडिंगवर अधिक भर दिला जाऊ शकतो. दुसरीकडे, स्कॉर्पिओ लाइफस्टायलरही पुढील वर्षी बाजारात दाखल होण्याची शक्यता आहे. त्यामुळे महिंद्रा पेट्रोल, डिझेल आणि इलेक्ट्रिक अशा तिन्ही विभागांत आपली एसयूव्ही उपस्थिती अधिक मजबूत करण्याच्या तयारीत असल्याचे स्पष्ट होत आहे.
