Mahindra XUV 7XO ची बुकिंग उद्यापासून सुरु, जाणून घ्या SUV मधील खास वैशिष्ट्य

भारतीय ऑटो बाजारात उद्या म्हणजे 15 डिसेंबर 2025 रोजी Mahindra XUV 7XO चे बुकिंग सुरु होणार आहे. चला या खास SUV च्या फीचर्स आणि अन्य गोष्टींबद्दल जाणून घेऊयात.

• महिंद्रा XUV 7XO ची बुकिंग उद्यापासून सुरू होईल
• एसयूव्हीची बुकिंग 21 हजार रुपयांपासून सुरू होईल
• यात प्रीमियम फीचर्स आणि शक्तिशाली इंजिन असेल

भारतीय ऑटो बाजारात अनेक उत्तम ऑटो कंपन्या आहेत ज्या SUV सेगमेंटमध्ये दमदार कार ऑफर करत आहे. या सेगमेंटमध्ये Mahindra कंपनीने आपले एक वेगळेच वर्चस्व निर्माण केले आहे. कंपनीने इलेक्ट्रिक एसयूव्ही देखील ऑफर केल्या आहेत. नुकतेच कंपनीने Mahindra XUV 700 ला अपडेट केले आहे. यातही कंपनीने या एसयूव्हीचे नाव बदलत Mahindra XUV 7XO असे ठेवले आहे.

नवीन नाव आणि अपडेट्ससह या नवीन एसयूव्हीची बुकिंग लाँच होण्यापूर्वीच उद्यापासून म्हणजेच 15 डिसेंबरपासून सुरू होईल. या एसयूव्हीची बुकिंग कशी करता येईल? एसयूव्हीची किंमत किती असू शकते? ती कोणत्या फीचर्ससह सुसज्ज आहे? ती कधी लाँच होईल? या सर्व प्रश्नांची उत्तरे आपण जाणून घेऊयात.

Mahindra XUV 7XO साठी उद्या बुकिंग सुरु?

महिंद्रा सध्या मिड साइझ एसयूव्ही सेगमेंटमध्ये महिंद्रा एक्सयूव्ही 700 ऑफर करते. मात्र, कंपनी लवकरच ही एसयूव्ही अपडेट करेल आणि लाँच झाल्यानंतर तिचे नाव बदलून एक्सयूव्ही 7एक्सओ करेल. त्यापूर्वी, एसयूव्हीची बुकिंग उद्या अधिकृतपणे सुरू होईल.

3 लाखांचे डाउन पेमेंट आणि भारतातील सर्वाधिक लोकप्रिय EV तुमच्या दारात उभी, ‘असा’ असेल संपूर्ण हिशोब

बुकिंगसाठी किती रुपये द्यावे लागेल?

कंपनीने दिलेल्या माहितीनुसार, महिंद्रा XUV 7XO चे बुकिंग 21 हजार रुपयांमध्ये करता येईल. या SUV चे बुकिंग 15 डिसेंबर रोजी दुपारी 12 वाजेपासून ऑनलाइन आणि डीलरशिपद्वारे करता येईल.

उत्कृष्ट फीचर्स उपलब्ध

कंपनी या SUV मध्ये अनेक उत्कृष्ट फीचर्स देईल. यात प्रीमियम इंटिरिअर, पॅनोरॅमिक सनरूफ, ADAS, हरमन ऑडिओ सिस्टम, ट्रिपल स्क्रीन सेटअप, 360-डिग्री कॅमेरा, EBD सह ABS, 6 एअरबॅग्ज आणि ISOFIX चाइल्ड अँकरेज यांचा समावेश असेल.

किती दमदार असेल इंजिन?

कंपनी महिंद्राकडून XUV 7XO या एसयूव्हीमध्ये पेट्रोल आणि डिझेल असे दोन्ही इंजिन पर्याय देण्यात येण्याची शक्यता आहे. यामध्ये 2.0 लिटर टर्बो पेट्रोल आणि 2.2 लिटर टर्बो डिझेल इंजिन मिळू शकते. ट्रान्समिशनसाठी 6-स्पीड मॅन्युअल तसेच 6-स्पीड ऑटोमॅटिक गिअरबॉक्सचे पर्याय उपलब्ध होण्याची शक्यता आहे.

ग्राहकांना ‘ही’ Electric Car झाली नकोशी! मागील महिन्यात फक्त 1 युनिटची झाली विक्री, कंपनीचा बाजारच उठला

कधी होणार लाँच?

महिंद्राकडून मिळालेल्या माहितीनुसार, ही एसयूव्ही भारतात अधिकृतपणे 5 जानेवारी 2026 रोजी लाँच केली जाणार आहे.

कोणाशी होणार स्पर्धा?

महिंद्रा XUV 7XO ला मिड-साइज एसयूव्ही सेगमेंटमध्ये सादर केले जाईल. या सेगमेंटमध्ये तिची थेट स्पर्धा MG Hector, Tata Sierra, Tata Safari, Hyundai Creta, Honda Elevate, Kia Seltos आणि Hyundai Creta यांसारख्या लोकप्रिय एसयूव्हींशी होईल.