भारतातील सर्वात मोठी कार उत्पादक कंपनी मारुती सुझुकीने आपल्या ग्राहकांना मोठा धक्का दिला आहे. कंपनीने आपल्या Arena आणि Nexa या दोन्ही डीलरशिप अंतर्गत येणाऱ्या गाड्यांच्या किमतीत वाढ करण्याची घोषणा केली आहे. या नव्या दरवाढीनुसार, विविध मॉडेल्स आणि व्हेरियंट्सनुसार गाड्यांच्या किमती ३०,००० रुपयांपर्यंत वाढल्या आहेत. या दरवाढीचा फटका हॅचबॅक, एसयूव्ही, एमपीव्ही, सेडान आणि इलेक्ट्रिक वाहनांना बसला आहे.
या दरवाढीत Maruti Suzuki Baleno या प्रीमियम हॅचबॅकच्या दरात सर्वाधिक, म्हणजेच तब्बल ३०,००० रुपयांपर्यंत वाढ झाली आहे. याशिवाय, कंपनीची नवीन मिडसाईज इलेक्ट्रिक एसयूव्ही e Vitara च्या किमतीत २०,००० रुपयांपर्यंत, तर Jimny च्या किमतीत १५,००० रुपयांची वाढ झाली आहे. प्रीमियम श्रेणीतील Victoris आणि Invicto या गाड्या १०,००० रुपयांपर्यंत महागल्या आहेत.
कंपनीच्या बजेट आणि एंट्री-लेव्हल गाड्यांच्या दरातही बदल करण्यात आले आहेत:
गेल्या वर्षी GST 2.0 च्या अंमलबजावणीनंतर मारुती सुझुकीच्या लहान गाड्यांच्या मागणीत मोठी सुधारणा दिसून आली होती. ऑक्टोबर २०२५ ते जानेवारी २०२६ दरम्यान कंपनीच्या मागणीत वार्षिक १३ टक्के वाढ नोंदवली गेली होती. मात्र, वाढता निर्मिती खर्च आणि बाह्य घटकांमुळे कंपनीला हे पाऊल उचलावे लागले आहे.
मारुती सुझुकी सध्या आपल्या अनेक नवीन गाड्या बाजारात आणण्याच्या तयारीत आहे. यामध्ये येत्या काळात लाँच होणारी बलेनो फेसलिफ्ट आणि कोडनेम ‘YMC’ असलेली ७-सीटर इलेक्ट्रिक एमपीव्ही समाविष्ट आहे. त्यामुळे नवीन कार खरेदी करू इच्छिणाऱ्या ग्राहकांना आता वाढलेल्या बजेटचा विचार करावा लागणार आहे.
.png "Videos"){kind=small}
