10 वर्षांची बॅटरी वॉरंटी आणि सिंगल चार्जमध्ये 159 किमी रेंज! डेली यूजसाठी Ather ची ही इलेक्ट्रिक स्कूटर आहे बेस्ट

Ather Rizta मध्ये 2.9kWh आणि 3.7kWh बॅटरी ऑप्शन मिळतात. 123 ते 159 किमी IDC रेंजसोबत 5 वर्षांची स्टँडर्ड वॉरंटी असून एक्सटेंडेड प्लानद्वारे ती 10 वर्षांपर्यंत वाढवता येते.

• Ather Rizta मध्ये 159 किमीपर्यंत IDC रेंज आणि 10 वर्षांपर्यंत बॅटरी वॉरंटी मिळण्याचा ऑप्शन आहे.
• 4.3kW मोटर, 80kmph टॉप-स्पीड आणि 34 लिटर स्टोरेजसह स्कूटरमध्ये अनेक उपयुक्त फीचर्स मिळतात.
• Rizta ची सुरुवातीची एक्स-शोरूम किंमत ₹1,21,999 असून वेगवेगळे बॅटरी ऑप्शन उपलब्ध आहेत.

इलेक्ट्रिक स्कूटर खरेदी करताना रेंजसोबतच बॅटरीची लाइफ आणि वॉरंटी हा कस्टमर्ससाठी महत्त्वाचा मुद्दा असतो. याच कारणामुळे Ather Rizta सर्वांचे लक्ष वेधून घेत आहे. या स्कूटरमध्ये 159 किमीपर्यंत IDC रेंज मिळते आणि एक्सटेंडेड प्लानच्या माध्यमातून बॅटरीला 10 वर्षे किंवा 1 लाख किमीपर्यंत कव्हरेज मिळू शकते. त्यामुळे डेली कम्यूटसाठी लॉंग टाइम वापराचा विचार करणाऱ्यांसाठी हा ऑप्शन चर्चेत आहे.

मोटर आणि परफॉर्मन्स

Ather Rizta मध्ये Permanent Magnet Synchronous Motor देण्यात आली आहे. ही मोटर 4.3kW ची जास्तीत जास्त पॉवर आणि 22Nm टॉर्क जनरेट करते. स्कूटर 0 ते 40kmph वेग फक्त 4.7 सेकंदात पकडू शकते, तर टॉप-स्पीड 80kmph आहे. शहरातील ट्रॅफिकमध्ये रोजच्या प्रवासासाठी हा परफॉर्मन्स पुरेसा ठरतो.

लॉंग राइडसाठी इलेक्ट्रिक स्कूटर घेताय? सीटपासून परफॉर्मन्सपर्यंत ‘या’ गोष्टी नक्की तपासा!

159 किमीपर्यंत रेंज

Rizta मध्ये 2.9kWh आणि 3.7kWh असे दोन बॅटरी ऑप्शन मिळतात. 2.9kWh बॅटरीसह 123 किमी, तर 3.7kWh बॅटरीसह 159 किमी IDC रेंज मिळते. बॅटरी आणि मोटरला IP67 रेटिंग देण्यात आल्याने धूळ आणि पाण्यापासून संरक्षण मिळते. स्कूटरमध्ये 34 लिटर अंडरसीट स्टोरेज असून कर्ब वेट 125kg, सीट हाइट 780mm आणि ग्राउंड क्लीयरन्स 150mm आहे.

ब्रेक आणि सस्पेंशन

राइडिंग आरामदायी ठेवण्यासाठी पुढे टेलिस्कोपिक फोर्क्स आणि मागे मोनोशॉक सस्पेंशन देण्यात आले आहे. पुढच्या बाजूला 200mm डिस्क ब्रेक, तर मागे CBS सह ड्रम ब्रेक मिळतो. 12-इंच अलॉय व्हील्ससोबत ट्यूबलेस टायर्स देण्यात आले आहेत.

Honda QC3 vs TVS iQube, Bajaj Chetak, VIDA VX2 आणि Ather Konarc; फॅमिली, ऑफिस आणि लांब प्रवासासाठी कोणती स्कूटर योग्य?

10 वर्षांची बॅटरी वॉरंटी

Rizta सोबत स्टँडर्ड 5 वर्षे किंवा 60,000 किमीची वॉरंटी मिळते, ज्यामध्ये बॅटरी हेल्थ 70% पेक्षा जास्त राहण्याची हमी आहे. Eight70 प्लानमधून हे कव्हरेज 8 वर्षे किंवा 80,000 किमीपर्यंत वाढवता येते. याशिवाय प्रीमियम प्लानद्वारे 10 वर्षे किंवा 1 लाख किमीपर्यंत कव्हरेज मिळते.

किंमत किती?

Ather Rizta S ची सुरुवातीची एक्स-शोरूम किंमत ₹1,21,999, तर Rizta Z ची किंमत ₹1,36,999 पासून सुरू होते. बॅटरी आणि कॉन्फिगरेशननुसार किंमत ₹1,59,378 पर्यंत जाते. त्यामुळे रेंजसोबत बॅटरी वॉरंटीला प्राधान्य देणाऱ्या कस्टमर्ससाठी Rizta हा विचार करण्यासारखा इलेक्ट्रिक स्कूटर आहे.