फोटो सौजन्य: Gemini
अलीकडील अहवालांनुसार, गेल्या महिन्यात देशभरात कोणत्या कार्सना सर्वाधिक मागणी होती, हे समोर आले आहे. टॉप 5 कारमध्ये कोणत्या कंपन्यांच्या कोणत्या मॉडेल्सचा समावेश आहे, याची माहिती आपण जाणून घेऊयात.
गेल्या महिन्यात मारुतीची डिझायर ही कार सर्वाधिक विक्री झालेली ठरली. या कालावधीत तिच्या 21,224 युनिट्सची विक्री झाली. तर 2025 मधील याच कालावधीत 15,460 युनिट्स विकल्या गेल्या होत्या.
टाटा मोटर्सकडून कॉम्पॅक्ट SUV सेगमेंटमध्ये पंच मॉडेल उपलब्ध आहे. गेल्या महिन्यात या SUV च्या ICE आणि EV मिळून एकूण 20,977 युनिट्सची विक्री झाली. 2025 मध्ये याच काळात ही संख्या 17,714 इतकी होती.
टाटा नेक्सॉन ही देखील कॉम्पॅक्ट SUV सेगमेंटमधील लोकप्रिय कार आहे. गेल्या महिन्यात या मॉडेलची 19,810 युनिट्स विक्री झाली, तर मार्च 2025 मध्ये 16,366 युनिट्स विकल्या गेल्या होत्या. यामध्ये ICE आणि EV दोन्ही प्रकारांचा समावेश आहे.
हुंडई क्रेटा ही मिड-साइज SUV सेगमेंटमधील लोकप्रिय कार आहे. गेल्या महिन्यात या गाडीच्या 17,838 युनिट्सची विक्री झाली, ज्यामुळे ती टॉप 5 मध्ये स्थान मिळवते.
मारुती अर्टिगा ही बजेट MPV सेगमेंटमधील एक लोकप्रिय कार आहे. गेल्या महिन्यात या गाडीच्या 17,072 युनिट्सची विक्री झाली. 2025 मधील याच कालावधीत 16,804 युनिट्स विकल्या गेल्या होत्या.
