रविवार, 20 सप्टेंबर 2026
Maruti Suzuki चा मोठा धमाका! Swift, Dzire आणि Baleno आता CNG Automatic
Maruti Suzuki : मारुती सुझुकीच्या कार घेण्याचा विचार करणाऱ्या ग्राहकांसाठी मोठी बातमी आहे. कंपनीने Swift, Dzire आणि Baleno या लोकप्रिय कारचे CNG Automatic म्हणजेच AMT वेरिएंट्स भारतीय बाजारात लाँच केले आहेत. आतापर्यंत CNG कारमध्ये प्रामुख्याने मॅन्युअल गिअरबॉक्सचा पर्याय मिळत होता. आता CNG सोबत ऑटोमॅटिक गिअरबॉक्सचा पर्याय मिळणार असल्याने शहरातील ट्रॅफिकमध्ये ड्रायव्हिंग अधिक सोपं होणार आहे.
मारुती सुझुकी Swift CNG Automatic ची सुरुवातीची एक्स-शोरूम किंमत ₹7.92 लाख आहे. Baleno CNG AMT ची किंमत ₹8.32 लाखांपासून, तर Dzire CNG AMT ची सुरुवातीची एक्स-शोरूम किंमत ₹8.53 लाख ठेवण्यात आली आहे. या किंमती इंट्रोडक्टरी असल्याचं कंपनीकडून सांगण्यात आलं आहे.
मायलेजच्या बाबतीत तिन्ही कार ग्राहकांना आकर्षित करू शकतात. Dzire CNG AMT 36.47 km/kg पर्यंत मायलेज देते. त्यानंतर Swift CNG AMT 35.34 km/kg, तर Baleno CNG AMT 34.47 km/kg मायलेज देते.
ऑटोमॅटिक गिअरबॉक्सचा सर्वात मोठा फायदा म्हणजे ट्रॅफिकमध्ये वारंवार क्लच दाबण्याची आणि गिअर बदलण्याची कटकट कमी होते. त्यामुळे रोजच्या शहरातील ड्रायव्हिंगसाठी हा पर्याय उपयोगी ठरू शकतो.
या CNG मॉडेल्समध्ये IGS तंत्रज्ञानाचा वापर करण्यात आला आहे. इंधनाचा वापर नियंत्रित ठेवून चांगलं मायलेज मिळवण्यास या तंत्रज्ञानाची मदत होते, असा कंपनीचा दावा आहे.
विक्रीच्या बाबतीत Swift आणि Dzire या कार Arena नेटवर्कमधून उपलब्ध होतील, तर Baleno ची विक्री NEXA डीलरशिपमधून केली जाईल.
मारुती सुझुकीच्या CNG पोर्टफोलिओमध्ये WagonR, Celerio, Swift, Dzire, Baleno, Fronx, Brezza, Ertiga आणि XL6 यांसारख्या लोकप्रिय मॉडेल्सचा समावेश आहे. त्यामुळे CNG कारच्या बाजारात कंपनीने आपला पोर्टफोलिओ मोठा ठेवला आहे.
Tata Sierra Legend Series लाँच; ₹11.99 लाखांपासून किंमत, प्रीमियम फीचर्सचा भर
