लक्झरी कारच्या मार्केटमध्ये इलेक्ट्रिक गाड्यांची लोकप्रियता वाढत असतानाच प्लग-इन हायब्रिड कारकडेही कस्टमरचा कल वाढत आहे. मर्सिडीज-बेंझ इंडिया या ट्रेंडबाबत आशावादी असून, या कारसाठी कस्टमर पेट्रोल किंवा पूर्णपणे इलेक्ट्रिक कारच्या तुलनेत 5 ते 6 टक्के जास्त पैसे मोजण्यास तयार असल्याचे कंपनीचे म्हणणे आहे. कंपनीचे मुख्य कार्यकारी अधिकारी संतोष अय्यर यांनी पीटीआयशी बोलताना प्लग-इन हायब्रिड टेक्नोलॉजीचे फायदे स्पष्ट केले.
इलेक्ट्रिक रेंजसोबत पेट्रोल इंजिनचीही सोय
प्लग-इन हायब्रिड कारमध्ये इलेक्ट्रिक मोटर आणि पेट्रोल इंजिन अशा दोन्ही गोष्टींचा वापर केला जातो. त्यामुळे रोजच्या प्रवासासाठी इलेक्ट्रिक ड्रायव्हिंगचा फायदा मिळतो, तर बॅटरी चार्ज नसल्यास पेट्रोल इंजिनच्या मदतीने प्रवास सुरू ठेवता येतो. चार्जिंग स्टेशनची कमतरता किंवा लांबच्या प्रवासात रेंज संपण्याची चिंता असलेल्या कस्टमरसाठी हा पर्याय उपयोगी ठरू शकतो.
पेट्रोलही, इलेक्ट्रिकही आणि मेबॅकचा रॉयल थाटही! ₹3.35 कोटींची Mercedes-Maybach S 580e भारतात लाँच!
संतोष अय्यर यांच्या माहितीनुसार, मर्सिडीज-बेंझ एस-क्लासच्या प्लग-इन हायब्रिड मेबॅक व्हर्जनमध्ये सुमारे 100 किलोमीटरची इलेक्ट्रिक रेंज मिळते. त्यामुळे ऑफिसला जाणे, शहरातील रोजची कामे किंवा कमी अंतराचा प्रवास इलेक्ट्रिक मोडमध्ये करता येऊ शकतो. लांबच्या प्रवासासाठी पेट्रोल इंजिनचा आधार मिळत असल्याने दोन्ही प्रकारच्या ड्रायव्हिंगचा अनुभव घेता येतो.
5 ते 6 टक्के जास्त किंमत, पण फायदेही जास्त
कंपनीच्या म्हणण्यानुसार, प्लग-इन हायब्रिड कारची किंमत पारंपरिक पेट्रोल कार किंवा पूर्णपणे इलेक्ट्रिक कारपेक्षा 5 ते 6 टक्के जास्त असू शकते. पण लक्झरी सेगमेंटमधील कस्टमरना या अतिरिक्त खर्चाच्या बदल्यात सोय, प्रवासातील लवचिकता आणि पुनर्विक्रीच्या वेळी चांगले मूल्य मिळण्याची अपेक्षा आहे. पूर्णपणे इलेक्ट्रिक कारच्या तुलनेत चार्जिंगशी संबंधित अडचणी कमी जाणवू शकतात, हा देखील या टेक्नोलॉजीचा महत्त्वाचा फायदा मानला जात आहे.
मर्सिडीज-बेंझ GLC इलेक्ट्रिक 4 नोव्हेंबरला होणार भारतात लाँच; 715 km रेंजसह येणार ही लक्झरी SUV कार!
मेबॅक आणि AMG मॉडेल्सवर कंपनीचा भर
मर्सिडीज-बेंझ भारतात प्लग-इन हायब्रिड मॉडेल्सची श्रेणी वाढवत आहे. मर्सिडीज-मेबॅक एस-क्लासमध्ये या टेक्नोलॉजीची भारतात पहिल्यांदाच एंट्री झाली आहे. याशिवाय ई53 एएमजी प्लग-इन हायब्रिड सादर करण्यात आली असून तिच्या डिलिव्हरी सुरू झाल्या आहेत. एस-क्लास आणि मेबॅक एस-क्लासच्या प्लग-इन हायब्रिड व्हर्जनच्या डिलिव्हरी ऑक्टोबर 2026 अखेरपर्यंत सुरू होण्याची अपेक्षा आहे.
कंपनीच्या माहितीनुसार, जानेवारी ते सप्टेंबर 2026 या कालावधीत मर्सिडीज-बेंझच्या इलेक्ट्रिक कार पोर्टफोलिओमध्ये 16 टक्के वाढ झाली. या काळात कंपनीच्या एकूण विक्रीतील इलेक्ट्रिक कारचा वाटा सुमारे 8 ते 9 टक्के होता. भविष्यात इलेक्ट्रिक कार हे अंतिम ध्येय असले, तरी पेट्रोल, डिझेल आणि प्लग-इन हायब्रिड अशा विविध पॉवरट्रेनचे ऑप्शन देण्यावर कंपनी भर देणार आहे.
.png "Videos"){kind=small}
