KTM अन् TVS ला टक्कर द्यायला कावासाकीची Z300 मैदानात! 20 ऑक्टोबरला होणार मोठा खुलासा

कावासाकी Z300 भारतात येण्यासाठी सज्ज! 19 ऑक्टोबरपासून बुकिंग सुरू होण्याची शक्यता असून 20 ऑक्टोबरला किंमत जाहीर होऊ शकते. 296cc ट्विन-सिलिंडर इंजिन, TFT डिस्प्ले आणि आकर्षक नेकेड लूकसह ही बाईक केटीएम आणि टीव्हीएसला टक्कर देणार का?

• कावासाकी Z300 चे भारतात प्रदर्शन; 20 ऑक्टोबरला किंमत जाहीर होण्याची शक्यता
• 296cc ट्विन-सिलिंडर इंजिन, 38.4 bhp पॉवर आणि आधुनिक TFT डिस्प्ले मिळण्याची अपेक्षा
• केटीएम 390 ड्यूक, टीव्हीएस अपाचे RTR 310 आणि अप्रिलिया टुओनो 457 शी स्पर्धा

जपानी टू व्हीलर प्रोडक्शन कंपनी कावासाकी भारतात आपली नवीन Z300 नेकेड स्ट्रीटफायटर बाईक आणण्याच्या तयारीत आहे. या बाईकचे बंगळुरूमध्ये डीलर पार्टनर्ससाठी खासगी कार्यक्रमात प्रदर्शन करण्यात आल्याची माहिती समोर आली आहे. या बाईकसाठी 19 ऑक्टोबर 2026 पासून बुकिंग सुरू होण्याची शक्यता आहे, तर किंमत आणि इतर तपशील 20 ऑक्टोबरला जाहीर होऊ शकतात. भारतीय मार्केटमध्ये या बाईकची एक्स-शोरूम किंमत जवळपास 3 लाख रुपये असण्याचा अंदाज आहे.

डिझाइन आणि हार्डवेअरमध्ये काय मिळणार?

कावासाकी Z300 ही कंपनीच्या Ninja 300 वर आधारित असेल. दोन्ही बाईक्समध्ये इंजिन आणि चेसिससह काही महत्त्वाचे भाग समान असण्याची शक्यता आहे. पण Z300 मध्ये फुल-फेअरिंगऐवजी नेकेड स्ट्रीटफायटर डिझाइन मिळेल. रुंद हँडलबार आणि सरळ बसण्याची रचना यामुळे शहरातील प्रवासासोबत लांबच्या राइडसाठीही ती उपयोगी ठरू शकते.

या बाईकमध्ये 17-इंच अलॉय व्हील्स, पुढे टेलिस्कोपिक फोर्क्स आणि मागे मोनोशॉक सस्पेन्शन मिळण्याची अपेक्षा आहे. दोन्ही चाकांवर डिस्क ब्रेक्स आणि ड्युअल-चॅनल एबीएससारखी सुरक्षा व्यवस्था दिली जाऊ शकते. रंगांच्या बाबतीत ब्लॅक आणि ग्रीन असे 2 ऑप्शन मिळण्याची शक्यता आहे.

अपडेटेड Bajaj Pulsar NS400Z झाली लॉंच! स्मार्ट फीचर्ससह ₹1.90 लाख रुपयांपासून सुरु

TFT डिस्प्ले आणि 296cc इंजिन

फीचर्सच्या बाबतीत Z300 मध्ये आधुनिक TFT डिस्प्ले मिळण्याची अपेक्षा आहे. यामध्ये स्मार्टफोन ब्लूटूथ कनेक्टिव्हिटी आणि टर्न-बाय-टर्न नेव्हिगेशनसारखी वैशिष्ट्ये दिली जाऊ शकतात. ऑल-एलईडी लाइटिंगचाही समावेश होण्याची शक्यता आहे. हे फीचर्स मिळाल्यास जुन्या सेमी-डिजिटल मीटरच्या तुलनेत बाईक अधिक आधुनिक वाटू शकते.

इंजिनबाबत बोलायचे झाल्यास, यात Ninja 300 मधील 296cc, पॅरलल-ट्विन, लिक्विड-कूल्ड पेट्रोल इंजिन वापरले जाण्याची अपेक्षा आहे. Ninja 300 मध्ये हे इंजिन 38.4 bhp पॉवर आणि 26.1 Nm टॉर्क देते. Z300 मध्येही जवळपास असेच आकडे मिळू शकतात. ही बाईक भारतात CBU मार्गाने आयात केली जाण्याची शक्यता आहे.

Triumph Scrambler 400 X पावर, पर्फोर्मंस आणि इंजिनाची A टू Z माहिती! जाणून घ्या

KTM आणि TVS बाईक्सना मिळणार टक्कर?

भारतीय मार्केटमध्ये कावासाकी Z300 ची स्पर्धा अप्रिलिया टुओनो 457, केटीएम 390 ड्यूक आणि टीव्हीएस अपाचे RTR 310 यांच्याशी होऊ शकते. यापैकी टुओनो 457 मध्ये ट्विन-सिलिंडर इंजिन मिळते, तर केटीएम आणि टीव्हीएसच्या बाईक्समध्ये सिंगल-सिलिंडर इंजिन आहे. Z300 ची किंमत 3 लाख रुपयांच्या आसपास ठेवल्यास ती या सेगमेंटमध्ये लक्ष वेधू शकते. अंतिम किंमत आणि फीचर्ससाठी 20 ऑक्टोबरच्या घोषणेकडे लक्ष असेल.