MG च्या ‘या’ Car च्या किमतीत 20 ते 30 हजारांची वाढ! जाणून घ्या फीचर्स आणि इंजिन

नवीन आर्थिक वर्षात अनेक कारच्या किमतीत वाढ होताना दिसत आहे. नुकतेच MG Hector च्या किमतीत सुद्धा वाढ करण्यात आली आहे. चला याबद्दल जाणून घेऊयात.

• MG Hector च्या किमतीत वाढ
• SUV च्या किंमतीत 20,000 ते 30,000 रुपयांपर्यंत वाढ
• जाणून घ्या नवीन किंमत

वाहन निर्माता MG Motor भारतात विविध सेगमेंटमध्ये त्यांच्या कार्स विक्रीसाठी उपलब्ध करून देते. काही दिवसांपूर्वी कंपनीने आपल्या कारच्या किंमती वाढवण्याची घोषणा केली होती. त्यानंतर आता कंपनीने त्यांच्या मिड-साईज SUV MG Hector च्या किंमतीत वाढ केली आहे. या वाढीची सविस्तर माहिती पुढीलप्रमाणे आहे.

MG Hector च्या किमतीत वाढ

एमजी हेक्टर ही मिड-साईज SUV सेगमेंटमधील लोकप्रिय गाडी आहे. कंपनीने या SUV च्या किंमतीत वाढ केली असून, ही वाढ तात्काळ प्रभावाने लागू करण्यात आली आहे.

खिशावर भर पडायचा काही थांबत नाही! Yamaha च्या ‘या’ Scooter ची किंमत ‘इतक्या’ रुपयांनी वाढवली

किती झाली किंमत वाढ?

माहितीनुसार, कंपनीने या SUV च्या किंमतीत 20,000 ते 30,000 रुपयांपर्यंत वाढ केली आहे. Hector Plus च्या सर्व व्हेरिएंट्समध्ये 20,000 रुपयांची वाढ करण्यात आली आहे, तर पाच सीट्स असलेल्या नियमित व्हेरिएंट्सच्या किंमतीत 30,000 रुपयांपर्यंत वाढ झाली आहे. मात्र, बेस व्हेरिएंटच्या किंमतीत कोणतीही वाढ करण्यात आलेली नाही.

नवीन किंमत किती?

बेस व्हेरिएंटची एक्स-शोरूम किंमत 11.99 लाख रुपये आहे.
टॉप व्हेरिएंटची एक्स-शोरूम किंमत 19.19 लाख रुपये आहे.
Hector Plus व्हेरिएंट्सची किंमत 17.49 लाख ते 19.69 लाख रुपयांदरम्यान आहे.

एकदाच चार्ज करा आणि वापरत राहा! ‘या’ Electric Scooter देतात सुपर डुपर रेंज, पेट्रोलची झंझट होईल नाहीशी

फीचर्स

या SUV मध्ये Aura Hexa फ्रंट ग्रिल, नवीन बंपर आणि अलॉय व्हील्स दिले गेले आहेत. इंटीरियरमध्ये ड्युअल-टोन थीम, हायड्रा ग्लॉस फिनिश, 14-इंच पोर्ट्रेट इन्फोटेनमेंट सिस्टम, डिजिटल ब्लूटूथ की, रिमोट AC, 17.78 सेमी डिजिटल इन्स्ट्रुमेंट क्लस्टर, 360-डिग्री कॅमेरा, LED लाइट्स, एम्बिएंट लाइट, PM 2.5 फिल्टर, रेन-सेंसिंग वायपर, Level-2 ADAS, ABS, EBD, ESP, हिल होल्ड कंट्रोल, ब्रेक असिस्ट, TCS आणि 70 पेक्षा जास्त कनेक्टेड फीचर्स दिले आहेत. तसेच, Celadon Blue आणि Pearl White हे दोन नवीन रंग पर्यायही उपलब्ध करून देण्यात आले आहेत.

इंजिन आणि परफॉर्मन्स

एमजी हेक्टरमध्ये 1.5 लिटर टर्बो पेट्रोल इंजिन देण्यात आले आहे. हे इंजिन 143 PS पॉवर आणि 250 Nm टॉर्क निर्माण करते. यासोबतच मॅन्युअल आणि CVT ट्रान्समिशनचे पर्यायही उपलब्ध आहेत.