राजकीय नेत्यांची आवडती SUV महागली! नवीन वर्षात किंमत 74000 रुपयांनी वाढली

भारतात SUVs ची वेगळी क्रेझ पाहायला मिळते. मात्र, देशातील सर्वाधिक लोकप्रिय असणारी SUV आता महाग झाली आहे. चला याबद्दल अधिक माहिती जाणून घेऊयात.

• राजकीय नेते आणि सेलिब्रेटींची आवडती एसयूव्ही महागली
• Toyota Fortuner च्या किमतीत वाढ
• SUV ची किंमत 74 हजार रुपयांनी वाढली

भारतीय ऑटो बाजारात अनेक सेगमेंटमध्ये कार ऑफर होत असतात. यातही ग्राहक SUV वाहनांना इतर वाहनांच्या तुलनेत जास्त चांगला प्रतिसाद देत आहे. SUVs दिसण्यात मस्क्युलर आणि परफॉर्मन्समध्ये दमदार असल्याकारणाने अनेक ग्राहक याच सेगमेंटमधील कार खरेदी करतात. मात्र, आता भारतातील सर्वाधिक लोकप्रिय SUV म्हणजेच Toyota Fortuner महागली आहे.

भारतातील आघाडीच्या वाहन उत्पादकांपैकी एक असलेल्या टोयोटा अनेक सेगमेंटमध्ये कार ऑफर केल्या आहेत. एसयूव्ही सेगमेंटमध्ये टोयोटा फॉर्च्युनर देखील ऑफर केली जाते. मात्र, आता नवीन वर्षाच्या सुरुवातीला या एसयूव्हीची किंमत वाढवण्यात आली होती. चला जाणून घेऊयात या एसयूव्हीची किंमत किती रुपयांनी वाढवण्यात आली आहे.

Yamaha XSR 155 आणि TVS Ronin समोरासमोर! इंजिन, फीचर्स आणि किमतीत कोणती बाईक खाते जास्त भाव?

टोयोटा फॉर्च्युनर महागली

डिसेंबर 2025 मध्ये अनेक कंपन्यांनी ही किंमत वाढवण्याची घोषणा केली होती.अहवालांनुसार, आता टोयोटाने देखील फॉर्च्युनरची एसयूव्हीची किंमत 74000 रुपयांपर्यंत वाढवली आहे.

बेस व्हेरिएंटची किंमत किती?

किंमत वाढल्यानंतर, एसयूव्हीच्या बेस व्हेरिएंटची एक्स-शोरूम किंमत 34.16 लाख रुपये झाली आहे. नवीन वर्षात या व्हेरिएंटची एक्स-शोरूम किंमत 51000 रुपयांनी वाढली आहे.

टॉप व्हेरिएंटची किंमत किती?

टोयोटा फॉर्च्युनरच्या टॉप व्हेरिएंटची एक्स-शोरूम किंमत 74000 रुपयांनी वाढवली आहे. या व्हेरिएंटची नवीन एक्स-शोरूम किंमत 49.59 लाख रुपये झाली आहे. यापूर्वी, या एसयूव्हीची एक्स-शोरूम किंमत 48.85 लाख रुपये होती.

लेह-लडाखच्या खडबडीत रस्त्यांवर टेस्टिंग! त्यात 10 लाख किमीचे अंतरही पार, 26 जानेवारीला ‘ही’ कार इतर वाहनांना धडकी भरवणार

अन्य व्हेरिएंट्सची किंमत किती रुपयांनी वाढली?

कंपनीने 2.8-लिटर टर्बो डिझेल मॅन्युअल 2WD व्हेरिएंटची किंमत अंदाजे 52000 रुपये , 4WD व्हेरिएंटची किंमत 57000 रुपये , 2.8-लिटर टर्बो डिझेल ऑटोमॅटिक 2WD व्हेरिएंटची किंमत 55000 रुपये आणि 4WD व्हेरिएंटची किंमत 63000 रुपयांनी वाढवली आहे.

इतर व्हेरिएंटच्या नवीन किंमती

एसयूव्हीच्या 2.8 -लिटर टर्बो डिझेल मॅन्युअल 2WD व्हेरिएंटची नवीन एक्स-शोरूम किंमत आता 34.80 लाख रुपये आहे. 4WD व्हेरिएंटची एक्स-शोरूम किंमत आता 38.68 लाख रुपये आहे. 2.8-लिटर टर्बो डिझेल ऑटोमॅटिक 2WD व्हेरिएंटची एक्स-शोरूम किंमत आता 36.96 लाख रुपये आहे. तसेच, 4WD व्हेरिएंटची एक्स-शोरूम किंमत आता 42.37 लाख रुपये आहे.