BMW New Luxury Cars: कारप्रेमींची प्रतीक्षा संपली! नवी BMW 7 Series अन् इलेक्ट्रिक i7 ११ सप्टेंबरला होणार भारतात लॉन्च होणार

बीएमडब्ल्यूची फ्लॅगशिप सेडान 7 सिरीज आणि ऑल-इलेक्ट्रिक i7 भारतीय बाजारात एका नव्या आणि प्रगत रूपात लवकरच एन्ट्री करत आहे. उत्कृष्ट ड्रायव्हिंग तंत्रज्ञान, सुधारित बॅटरी आणि अद्वितीय केबिन लक्झरीसह येणाऱ्या या दोन्ही प्रीमियम गाड्या देशभरातील कारप्रेमींचे लक्ष वेधून घेत असून ऑटोमोबाईल जगतात मोठी उत्सुकता निर्माण झाली आहे.

• BMWची नवीन 7 सिरीज आणि इलेक्ट्रिक i7 भारतात 11 सप्टेंबर रोजी अधिकृतपणे लाँच होणार आहे.
• या गाड्यांमध्ये अपडेटेड इंजिन आणि नवीन 112.4 kWh क्षमतेची बॅटरी रेंज देण्यात आली आहे.
• केबिनमध्ये 8K रिझोल्यूशन थिएटर स्क्रीनसह बीएमडब्ल्यूचे प्रगत पॅनोरॅमिक आयड्राइव्ह ऑपरेटिंग सिस्टीम तंत्रज्ञान समाविष्ट आहे.

एप्रिल 2026 मध्ये जागतिक स्तरावर सादर झाल्यानंतर आता ही अपडेटेड रेंज भारतीय बाजारात दाखल होण्यासाठी सज्ज झाली आहे. या नव्या अवतारात डिझाइन, पॉवरट्रेन, तंत्रज्ञान आणि ड्रायव्हर असिस्टन्स सिस्टीममध्ये मोठे बदल करण्यात आले आहेत.

डिझाइन आणि केबिन फीचर्स

या सेडानच्या समोरील बाजूला इल्युमिनेटेड किडनी ग्रिल आणि क्रिस्टल-स्टाईल हेडलाइट्स देण्यात आले आहेत. मागच्या बाजूला देखील नवीन डिझाइनचे लाईट्स मिळतात. केबिनमध्ये बीएमडब्ल्यूची नवीन पॅनोरॅमिक आयड्राइव्ह सिस्टीम, ऑपरेटिंग सिस्टीम 10 आणि समोरच्या प्रवाशासाठी एक स्वतंत्र डिस्प्ले आहे. मागच्या सीटवरील प्रवाशांसाठी 8K रिझोल्यूशन असलेली थिएटर स्क्रीन दिली आहे. याव्यतिरिक्त डॉल्बी ॲटमॉससह बॉवर्स अँड विल्किन्स साउंड सिस्टीम, फोर-झोन क्लायमेट कंट्रोल, पॅनोरॅमिक ग्लास रूफ आणि एग्झिक्युटिव्ह लाउंज सीट्स यांसारख्या सुविधा उपलब्ध आहेत.

२८.६५ किमी/लीटर मायलेज, ६ एअरबॅग्स अन् सनरूफ! या आहेत भारतातील सर्वाधिक मायलेज देणाऱ्या हायब्रिड कार्स

इंजिन आणि इलेक्ट्रिक पॉवरट्रेन

पेट्रोल व्हर्जन 740i xDrive मध्ये 3.0-लीटर मायल्ड-हायब्रिड इंजिन मिळते, जे 400 हॉर्सपॉवर आणि 580 न्यूटन मीटर टॉर्क जनरेट करते. डिझेल व्हर्जन 740d xDrive मध्ये 3.0-लीटर इंजिन आहे, जे 313 हॉर्सपॉवर आणि 670 न्यूटन मीटर टॉर्क देते. दोन्ही मॉडेलमध्ये 8-स्पीड ऑटोमॅटिक गिअरबॉक्स आणि ऑल-व्हील ड्राइव्ह सिस्टीम आहे. इलेक्ट्रिक रेंजमध्ये जुन्या मॉडलऐवजी नवीन i7 xDrive50 आणले असून त्याला मोठी 112.4 किलोवॉट-अवर बॅटरी जोडली आहे. हे मॉडेल 455 हॉर्सपॉवर देते. तर टॉप-एंड i7 M70 xDrive मॉडेलची पॉवर वाढवून 680 हॉर्सपॉवर आणि टॉर्क 1,100 न्यूटन मीटर करण्यात आला आहे. नवीन बॅटरीमुळे ही गाडी एका चार्जमध्ये 720 किमीपेक्षा जास्त रेंज देईल असा दावा केला आहे.

BMW X1 Launch : भारतात लाँचिंगपूर्वीच बीएमडब्ल्यू X1 लाँग व्हीलबेसच्या प्री-बुकिंगला सुरुवात! या’ दिवशी होणार ऑफीशल एंट्री!

ड्रायव्हिंग तंत्रज्ञान आणि स्पर्धा

सुरक्षेसाठी यात बीएमडब्ल्यूची सिम्बायोटिक ड्राइव्ह सिस्टीम दिली आहे, जी ऑटोमेटेड ड्रायव्हिंग आणि हायवेवर 130 किमी प्रतितास वेगापर्यंत हँड्स-फ्री असिस्टन्सला सपोर्ट करते. गाडीचा प्रवास गुळगुळीत व्हावा यासाठी ॲडॉप्टिव्ह टू-ॲक्सल एअर सस्पेंशन स्टँडर्ड म्हणून दिले आहे. सध्याच्या बीएमडब्ल्यू 7 सिरीजची भारतातील एक्स-शोरूम किंमत सुमारे 1.81 कोटी ते 2.50 कोटी रुपयांच्या दरम्यान असून नवीन व्हर्जनच्या किमतीत वाढ होण्याची शक्यता आहे. भारतीय बाजारात या गाडीची थेट स्पर्धा मर्सिडीज-बेंझ एस-क्लास, मर्सिडीज EQS आणि ऑडी A8L या लक्झरी गाड्यांशी असेल.