Creta, Sierra चा मार्केट खाण्यासाठी नवीन Kia Seltos सज्ज! मिळणार अफलातून फीचर्स

किया मोटर्सने आज जागतिक स्तरावर त्यांची नवीन Kia Seltos सादर केली आहे. ही कार थेट Hyundai Creta आणि Tata Sierra ला टक्कर देणार आहे.

• नवीन किआ सेल्टोस सादर
• Hyundai Creta आणि Tata Sierra सोबत थेट स्पर्धा
• जाणून घ्या फीचर्स

भारतीय बाजारात अनेक उत्तम कंपन्या आहात, ज्या उत्तमोत्तम कार ऑफर करत असतात. यातील काही कंपन्या तर बदलत्या काळानुसार त्यांच्या कार अपडेट करत असतात. नुकतेच Kia Motors ने त्यांची लोकप्रिय कार Kia Seltos चे नवीन जनरेशन जागतिक ऑटो बाजारात सादर केली आहे.

कंपनीने या कारमध्ये कोणते फीचर्स दिले आहेत, यात कोणते पॉवरफुल इंजिन दिले आहे आणि ते कोणत्या एसयूव्हीशी स्पर्धा करेल? या सर्व प्रश्नांची उत्तरे जाणून घेऊयात.

नवीन किआ सेल्टोस

किआने नवीन जनरेशनची सेल्टोस सादर केली आहे. या एसयूव्हीमध्ये डिझाइन बदलण्यासोबतच कंपनीने अनेक नवीन फीचर्स सादर केले आहेत. यात मेटल ॲक्सेंटसह एक नवीन डिजिटल टायगर फेस, एक SCDI प्लेट आणि स्टारमॅप एलईडी लाईट्स समाविष्ट आहेत.

Nexon की Victoris? कोण आहे सर्वात सुरक्षित? उत्तराखंडमधील ‘या’ Video मुळे सुरू झाला वाद

या कारचे वैशिष्ट्य काय?

कंपनीने या एसयूव्हीला जागतिक स्तरावर ऑफर केलेल्या K3 प्लॅटफॉर्मवर आधारित एक नवीन डिझाइन दिले आहे. एसयूव्हीमध्ये नवीन बंपर, फ्रंट ग्रिल आणि लाईट्स देखील आहेत.

फीचर्स

किआने नवीन जनरेशनच्या सेल्टोसमध्ये अनेक उत्कृष्ट फीचर्स दिली आहेत. एसयूव्हीमध्ये 30-इंचाचा डिस्प्ले आहे, ज्यामध्ये इन्स्ट्रुमेंट क्लस्टर आणि इन्फोटेनमेंट सिस्टमचा समावेश आहे. याव्यतिरिक्त, एसयूव्हीमध्ये वायरलेस चार्जर, व्हेंटिलेटेड सीट्स, 10-वे पॉवर ड्रायव्हर सीट, 64-रंगी ॲम्बियंट लाईट, आठ-स्पीकर बोस ऑडिओ सिस्टम, नवीन एसी कंट्रोल्स, पॅनोरॅमिक सनरूफ आणि लेव्हल-2 एडीएएस, एबीएस, ईबीडी आणि आयएसओफिक्स चाइल्ड अँकरेजसह 21 सेफ्टी फीचर्स समाविष्ट आहेत.

लांबी आणि रुंदी किती आहे?

नवीन सेल्टोसची लांबी 4,460 मिमी आणि रुंदी 1830 मिमी आहे. यात 2,690 मिमी व्हीलबेस देखील आहे, जो मागील जनरेशन पेक्षा 90 मिमी लांब आहे.

Tata Motors Excon 2025 मध्‍ये आघाडीवर; नावीन्यपूर्ण, शाश्वत आणि सर्वोत्तम गतिशीलता सोल्यूशन्सचे प्रदर्शन

इंजिन किती दमदार?

या एसयूव्हीमध्ये कंपनीने एकूण तीन इंजिन पर्याय उपलब्ध करून दिले आहेत, दोन पेट्रोल आणि एक डिझेल. एसयूव्हीमध्ये 1.5 लिटर नॅचरल एस्पिरेटेड पेट्रोल इंजिन देण्यात आले आहे, जे 115 PS ची पॉवर आणि 144 Nm टॉर्क निर्माण करते. दुसरा पर्याय म्हणून 1.5 लिटर टर्बो पेट्रोल इंजिन मिळते, ज्यातून 160 PS पॉवर आणि 253 Nm टॉर्क मिळतो.

डिझेल पर्यायामध्ये 1.5 लिटर डिझेल इंजिन असून ते 116 PS पॉवर आणि 250 Nm टॉर्क निर्माण करते.
यासोबतच या एसयूव्हीमध्ये मॅन्युअल, IVT, IMT आणि ऑटोमॅटिक अशा विविध ट्रान्समिशन पर्यायांची सुविधा दिली आहे.

कधी जाहिर होणार किंमत?

कंपनीच्या माहितीनुसार, या एसयूव्हीची बुकिंग आजपासून सुरू केली आहे. या वाहनाची किंमत जानेवारीत जाहीर केली जाणार असून त्यानंतर डिलिव्हरीची प्रक्रिया सुरू केली जाईल.