फोटो सौजन्य: Social Media
किया इंडिया, भारतातील एक आघाडीची प्रीमियम कार उत्पादक कंपनीने भारत मोबिलिटी ग्लोबल एक्स्पो २०२५ मध्ये नवीन किया ईव्ही६ लाँच केली आहे. या कार्यक्रमात कंपनीने नवीन इलेक्ट्रिक कारसाठी बुकिंग्जही सुरू केली. या लाँचमधून किया इंडियाने ब्रॅण्डच्या इलेक्ट्रिक वाहन प्रवासातील एक महत्त्वाचा टप्पा पार केला आहे.
नवीन ईव्ही६ सुरक्षिततेच्या बाबतीतही सातत्याने नवीन मापदंड स्थापीत करत आहे. ही कार एडीएएस २.० पॅकेजने सुसज्ज आहे, ज्यात २७ अत्याधुनिक सुरक्षितता आणि ड्रायव्हर सहाय्य सुविधा आहेत. यामध्ये फ्रंट कोलिजन्स अव्हॉयडन्स असिस्ट, फॉरवर्ड कोलिजन अव्हॉयडन्स, इव्हेजिव स्टीअरिंग आणि लेन फॉलो असिस्ट अशा पाच नव्या सुविधांचा समावेश आहे. यापूर्वीच्या ईव्ही६च्या तुलनेत या सुविधांचा अधिक समावेश आणि सुधारणा करण्यात आली आहे. यामुळे वाहनांची संरचना अधिक मजबूत आणि सुरक्षित बनविण्यात आली आहे, आणि ड्रायव्हिंग अनुभव देखील अधिक आत्मविश्वासाने आणि सुरक्षिततेने भरलेला आहे.
Auto Expo 2025 मध्ये गोदावरी इलेक्ट्रिक मोटर्सकडून दोन नवीन ई-स्कूटर्स आणि ई ऑटो लाँच
किया इंडियाचे व्यवस्थापकीय संचालक व मुख्य कार्यकारी अधिकारी, ग्वांगु ली म्हणाले, “वाहन उद्योगातील सकारात्मक बदलाला चालना देण्यासाठी किया इंडिया वचनबद्ध आहे. ईव्ही६ च्या आवृत्तीची लोकप्रियता वाढत आहे आणि ती जागतिक स्तरावर एक महत्त्वाचे इलेक्ट्रिक वाहन बनले आहे. नवीनतम हाय-टेक गोष्टींच्या माध्यमातून, आम्ही इलेक्ट्रिक वाहतुकीच्या मानकांना नव्याने व्याख्यायित करणार आहोत.”
ते पुढे म्हणाले, “भारत मोबिलिटी ग्लोबल एक्स्पो २०२५ मध्ये आमच्या सहभागातून आमची बांधिलकी दर्शवली आहे. या प्रदर्शनादरम्यान नवीन ईव्ही६चे अनावरण करणे आमच्यासाठी अभिमानास्पद आहे. कार्बन मुक्तीच्या दिशेने केलेला हा एक महत्त्वाचा पाऊल आहे.”
नवीन किया ईव्ही६ चे डिझाइन अधिक आकर्षक, शक्तिशाली आणि स्टायलिश आहे. कियाच्या ‘ऑपोझिट्स युनायडेट’ डिझाइन भाषेनुसार, या कारच्या पुढील भागात अधिक दणकट डिझाइन दिले आहे. तसेच, स्टार मॅप एलईडी रीअर कॉम्बिनेशन लॅम्प्स, कनेक्टेड डीआरएल्स, जीटी-लाइन स्टायलिंग बम्पर आणि १९ इंची मिश्रधातूंची चाके या सर्व सुविधांसह, नवीन ईव्ही६चा लूक आणखी धारदार आणि गतीशील बनवला आहे.
आता इंधनावर चालणाऱ्या कारला विसराच ! देशातील पहिली Solar Car लाँच, किंमत 4 लाखांपेक्षा कमी
अंदरच्या जागेमध्ये, ईव्ही६ अधिक आरामदायक आणि प्रगत आहे. हॅण्ड्स-ऑन डिटेक्शन तंत्रज्ञानासह डबल डी-कट स्टेअरिंग व्हील, आणि उच्च दर्जाची कॅबिन इंटीरियर्स ड्रायव्हिंगचा अनुभव नवीन उंचीवर नेतात. या वाहनात ८४-केडब्ल्यूएच शक्तिशाली बॅटरी आहे, जी ६५० किलोमीटरपर्यंतचा पल्ला देऊ शकते. याचबरोबर, ३२५ पीएस आणि ६०५ एनएम टॉर्कसह ही कार उत्कृष्ट ड्रायव्हिंग कामगिरी देते. ३५०-केडब्ल्यू क्षमतेचा जलद चार्जर केवळ १८ मिनिटांत १० ते ८० टक्क्यांपर्यंत चार्ज करू शकतो.
तंत्रज्ञानाच्या बाबतीत, ईव्ही६मध्ये १२.३ इंचाचा पॅनोरॅमिक कर्व्ड डिस्प्ले आणि कनेक्टेड कार नेव्हिगेशन कॉकपिट आहे. किया कनेक्ट २.० तंत्रज्ञानामुळे ओव्हर-द-एअर सॉफ्टवेअर अपडेट्स आणि डायग्नोस्टिक्सच्या सुविधाही उपलब्ध आहेत.
.png "Videos"){kind=small}
