सोमवार, 9 नोव्हेंबर 2026
फोटो सौजन्य: @BMWMotorradUK/ X.com
BMW ने भारतीय बाजारात BMW M 1000 R ही नवी बाईक लाँच केली आहे. कंपनीने ही बाईक सुपरबाईक सेगमेंटमध्ये सादर केली आहे. मिळालेल्या माहितीनुसार, या बाईकमध्ये एलईडी लाइट्स, डिजिटल इन्स्ट्रुमेंट क्लस्टर, M लोगो, M कार्बन व्हील्स यांसारखी फीचर्स देण्यात आले आहेत. तसेच Race Pro 1 ते 3 असे राइडिंग मोड्स, 6-ॲक्सिस सेन्सर बॉक्ससह लेटेस्ट जनरेशन डायनॅमिक ट्रॅक्शन कंट्रोल, व्हीली फंक्शन, ट्रॅक्शन कंट्रोल, ABS, Pro मोड्स, हीटेड ग्रिप्स आणि USB चार्जर यांसारखे आधुनिक फीचर्सही यात मिळतात.
Honda ची पहिलीवहिली EV मार्केटमध्ये धुमाकूळ घालणार, भारतात सुरु झाली टेस्टिंग
BMW M 1000 R मध्ये 999 सीसी क्षमतेचे इंजिन देण्यात आले आहे. हे इंजिन 154 किलोवॅट पॉवर निर्माण करते. कंपनीच्या दाव्यानुसार, ही बाईक फक्त 3.2 सेकंदांत 0 ते 100 किमी प्रतितास वेग गाठू शकते. तसेच तिचा टॉप स्पीड 280 किमी प्रतितास इतका आहे.
BMW Group India चे अध्यक्ष आणि CEO हरदीप सिंह बराड यांनी सांगितले की, नवी BMW M 1000 R ही कंपनीच्या M Genetics चे प्रभावी उदाहरण आहे, जिथे उच्च-कार्यक्षमता सुपरबाईक आणि डायनॅमिक रोडस्टर यांचा उत्तम कॉम्बिनेशन दिसतो. ही बाईक अशा रायडर्ससाठी तयार करण्यात आली आहे, जे रस्त्यावर आणि रेसट्रॅकवरही उत्कृष्ट परफॉर्मन्सची अपेक्षा ठेवतात. तिच्या खास चार-सिलेंडर इंजिनचा आवाज आणि परफॉर्मन्स या बाईकला अधिक वेगळेपण देतो. ही मशीन प्रत्येक राइडमध्ये ताकद आणि अचूकतेचा खरा अनुभव देण्यासाठी तयार करण्यात आली आहे.
कंपनीने ही बाईक भारतात CBU (Completely Built Unit) स्वरूपात आणली आहे. याचे एक्स-शोरूम किंमत 33.50 लाख रुपये ठेवण्यात आली आहे.
