Nissan Magnite आताच घ्या खरेदी करून! नवीन वर्षात किंमत वाढण्याची शक्यता

भारतात निसान मॅग्नाइटला चांगली मागणी आहे. मात्र, आता येणाऱ्या नवीन वर्षात या कारची किंमत वाढणार असल्याची शक्यता आहे. चला याबद्दल अधिक माहिती जाणून घेऊयात.

• भारतीय ऑटो बाजारात Nisaan Magnite एक लोकप्रिय कार
• नवीन वर्षात किंमत वाढण्याची शक्यता
• इनपुट कॉस्ट वाढल्याने किंमत वाढण्याची शक्यता

भारतीय बाजारातील कॉम्पॅक्ट SUV सेगमेंटमध्ये Nissan Magnite ची विक्री केली जाते. आता निर्माता कंपनीकडून या SUV च्या किमती वाढवण्याची तयारी सुरू असल्याची माहिती समोर आली आहे. मीडिया रिपोर्ट्सनुसार, ही दरवाढ कधी लागू होऊ शकते आणि किमतीत किती वाढ होण्याची शक्यता आहे, याची सविस्तर माहिती जाणून घेऊयात.

वाढू शकते Nissan Magnite ची किंमत

मीडिया रिपोर्ट्सनुसार, Nissan Magnite खरेदी करणे लवकरच महाग पडू शकते. मात्र, या दरवाढीबाबत निसानकडून अद्याप कोणतीही अधिकृत घोषणा करण्यात आलेली नाही.

हम खडे तो सबसे बडे! Tata Motors च्या ‘या’ Electric Car ने ग्राहकांची मनं जिंकली, 1 लाख युनिट्स सोल्ड आऊट

किती वाढू शकते किंमत?

अहवालांनुसार, या SUV च्या किमतीत सुमारे 3 टक्क्यांपर्यंत वाढ होऊ शकते. ही दरवाढ प्रत्येक व्हेरिएंटनुसार वेगवेगळी असू शकते. ही वाढ 1 जानेवारी 2026 पासून लागू होण्याची शक्यता वर्तवली जात आहे.

का होणार दरवाढ?

मिळालेल्या माहितीनुसार, इनपुट कॉस्टमध्ये वाढ झाल्यामुळे त्याचा भार नवीन वर्षापासून ग्राहकांवर टाकला जाऊ शकतो. याच कारणामुळे Nissan Magnite च्या किमतीत वाढ करण्यात येण्याची शक्यता आहे.

फीचर्स

Nissan कडून Magnite मध्ये अनेक आधुनिक आणि उपयुक्त फीचर्स देण्यात आले आहेत. या SUV मध्ये की-लेस एंट्री, LED टेल लॅम्प्स, 16 इंच अलॉय व्हील्स, रूफ रेल्स, LED टर्न इंडिकेटर्स, 17.78 सेमी कंट्रोल स्क्रीन, क्रूझ कंट्रोल, ॲम्बियंट लाइटिंग, Android Auto, Apple CarPlay, PM 2.5 फिल्टर, 8 इंच इन्फोटेनमेंट सिस्टीम, ऑटो डिमिंग IRVM यांसारखी वैशिष्ट्ये मिळतात.

Tata Motors चा नाद नाही करायचा! ‘या’ कारमध्ये मिळेल Range-Rover मधील फीचर्स अन् 500 किमीपेक्षा जास्त रेंज

किती दमदार आहे इंजिन?

Nissan Magnite मध्ये कंपनीकडून 1 लिटर नॅचरल ॲस्पिरेटेड आणि टर्बो पेट्रोल इंजिनचे पर्याय दिले जातात. या इंजिन्समधून 72 PS आणि 100 PS पॉवर मिळते. तसेच 96 Nm आणि 160 Nm टॉर्क निर्माण होतो. यासोबतच या SUV मध्ये 5-स्पीड मॅन्युअल, 5-स्पीड AMT आणि CVT ट्रान्समिशनचे पर्याय उपलब्ध आहेत.

किंमत

भारतीय बाजारात Nissan Magnite ची एक्स-शोरूम किंमत 5.61 लाख रुपये पासून सुरू होते. तर या SUV च्या टॉप व्हेरिएंटची एक्स-शोरूम किंमत 9.64 लाख रुपये आहे. याशिवाय Kuro Edition देखील ऑफर करण्यात येते, ज्याची एक्स-शोरूम किंमत 7.59 लाख रुपये ते 9.94 लाख रुपये दरम्यान आहे.

कोणत्या बाईकसोबत असते स्पर्धा?

कॉम्पॅक्ट SUV सेगमेंटमध्ये Nissan Magnite चे थेट स्पर्धक म्हणून Renault Kiger, Tata Nexon, Maruti Brezza, Kia Sonet आणि Mahindra XUV 3XO या SUV समोर आहेत.