महागाईचा दणका! गॅसपाठोपाठ आता पेट्रोल-डिझेलची चिंता वाढली; ‘या’ गाड्या देतील सगळ्यात जास्त मायलेज…

जर तुम्ही नवीन कार घेण्याचा विचार करत असाल, तर 'मायलेज' हाच तुमच्यासाठी सर्वात मोठा आधार ठरू शकतो. त्यामुळे अशा कोणत्या गाड्या आहेत ज्यामुळे तुमच्या खिशाला दिलासा मिळू शकेल.

• ‘मायलेज’ हाच तुमच्यासाठी सर्वात मोठा आधार
• अशा कोणत्या गाड्या आहेत ज्या तुमच्या खिशाला दिलासा देतील?
• कमी इंधनात जास्त अंतर कापू शकतील

Most Fuel Saving Cars: सध्याच्या जागतिक तणावाची परिस्थिती आहे. इराण- इज्रायल आणि अमेरिका यांच्यात युद्ध सुरु आहे. त्यामुळे बऱ्याच गोष्टींचा तुटवडा भासत आहे. इंधनाच्या दराबाबत सर्वत्र चिंतेचे वातावरण आहे. एलपीजी सिलिंडरच्या तुटवड्याच्या बातम्यांनी सामान्य माणसाला आधीच धास्तावले आहे, त्यातच आता पेट्रोल-डिझेलच्या किमती वाढण्याची किंवा टंचाई निर्माण होण्याची भीती व्यक्त केली जात आहे. अशा अनिश्चित काळात, जर तुम्ही नवीन कार घेण्याचा विचार करत असाल, तर ‘मायलेज’ हाच तुमच्यासाठी सर्वात मोठा आधार ठरू शकतो. त्यामुळे अशा कोणत्या गाड्या आहेत ज्यामुळे तुमच्या खिशाला दिलासा मिळू शकेल. अशा कोणत्या गाड्या आहे ज्या कमी इंधनात जास्त अंतर कापू शकतील जाणू घेऊयात.

25 kmpl मायलेज अन् 5 स्टार रेटिंग…! Maruti ची ‘ही’ कार सर्वांची फेव्हरेट; 360 डिग्री कॅमेऱ्यासह किंमत फक्त 6.26लाख

मारुती सुझुकी व्हिक्टोरिस (Maruti Suzuki Victoris)

मिडसाईज SUV सेगमेंटमधील ही नवीन स्टार कार आहे. २८.६५ किमी/लिटर इतके जबरदस्त मायलेज देणारी ही कार फेब्रुवारी २०२६ च्या विक्री अहवालात तिसऱ्या क्रमांकावर होती. १.५-लिटर स्ट्रॉन्ग हाइब्रिड इंजिन असलेल्या या कारमध्ये वेंटिलेटेड सीट्स, सनरूफ आणि लेव्हल-२ ADAS सारखे हायटेक फीचर्स मिळतील जे ग्राहकांसाठी कमी किंमतीत बंपर धमाका आहेत.

मारुती ग्रँड विटारा आणि टोयोटा हायरायडर

ही दोन्ही मॉडेल्स एकाच तंत्रज्ञानावर आधारित असून, उत्कृष्ट परफॉर्मन्ससाठी ओळखली जातात. या दोन्ही गाड्या २७.९७ किमी/लिटरचे प्रभावी मायलेज देतात. त्यांचे १.५-लिटर स्ट्रॉन्ग हाइब्रिड इंजिन ११६ hp पॉवर आणि १४४ Nm टॉर्क निर्माण करते, ज्यामुळे लांबचा प्रवास अतिशय सुखद होतो.

होंडा सिटी ई:एचईव्ही (Honda City e:HEV)

जर तुम्हाला सेडान कारची आवड असेल, तर हायब्रीड इंजिन असलेली होंडा सिटी सर्वोत्तम आहे. ही कार २७.२६ किमी/लिटर मायलेज देते. इलेक्ट्रिक मोटरच्या मदतीने चालणारी ही कार २५३ Nm टॉर्क प्रदान करते, ज्यामुळे तिला एक वेगळीच धार मिळते.

मारुती सुझुकी सेलेरियो (Maruti Suzuki Celerio)

कमी बजेटमध्ये उत्तम मायलेज शोधणाऱ्यांसाठी सेलेरियो एक उत्तम पर्याय आहे. ही कार २६ किमी/लिटरपर्यंत मायलेज देते. १.०-लिटर इंजिन असलेल्या या कारमध्ये टचस्क्रीन आणि की-लेस एंट्रीसारखे सर्व आवश्यक फीचर्स आहेत. त्यामुळे ही कार परवडण्यासारखी आहे.

मारुती सुझुकी स्विफ्ट (Maruti Suzuki Swift)

भारतातील सर्वात लोकप्रिय हॅचबॅकपैकी एक असलेली ‘स्विफ्ट’ तिच्या २५.७५ किमी/लिटर मायलेजमुळे आजही सर्वांची फेव्हरेट आहे. नवीन Z-सीरीज इंजिन आणि वायरलेस चार्जर, ९-इंच टचस्क्रीनसारख्या फीचर्समुळे ही कार आजही तरुण पिढीची पहिली पसंती आहे.

इंधनाच्या किमती अनिश्चित असताना, मायलेज देणाऱ्या गाड्यांकडे वळणे हा एक स्मार्ट निर्णय ठरू शकतो. वरील सर्व गाड्या केवळ इंधन वाचवत नाहीत, तर त्या अत्याधुनिक सुरक्षा आणि सुखसोयीही देतात. त्यामुळे या कारचा विचार करणं या परिस्थितीत आणि भविष्यासाठीही योग्य ठरेल.

BMW पासून Mercedes पर्यंत, बॉलर्सचे छक्के सोडवणाऱ्या Ishan Kishanच्या ताफ्यात ‘या’ अलिशान गाड्या