Himalayan 440 ची बुकिंग बंद! 6 महिन्यांची वेटिंग, Royal Enfield ने घेतला मोठा निर्णय

Royal Enfield Himalayan 440 ची बुकिंग अचानक का थांबवण्यात आली? या बाईकसाठी तब्बल 6 महिन्यांचे ऑर्डर बुकिंग जमा झाल्याने कंपनीने सध्या बुकिंगला ब्रेक लावला आहे. कंपनी आता प्रोडक्शन वाढवणार असून, सध्याच्या कस्टमर्सच्या ऑर्डर्स पूर्ण केल्यानंतरच नवीन बुकिंग पुन्हा सुरू केली जाणार आहे.

• Himalayan 440 साठी तब्बल 6 महिन्यांच्या ऑर्डर्स जमा झाल्याने Royal Enfield ने बुकिंग तात्पुरती थांबवली आहे.
• 443cc इंजिन, 220mm ग्राउंड क्लीअरन्स आणि 21-इंच फ्रंट व्हीलमुळे बाईकला अ‍ॅडव्हेंचर फोकस मिळतो.
• सध्याच्या कस्टमर्सच्या ऑर्डर्सनंतर प्रोडक्शन वाढवून नवीन बुकिंग पुन्हा सुरू करण्याची कंपनीची योजना आहे.

Royal Enfield Himalayan 440 ला कस्टमर्सकडून जबरदस्त प्रतिसाद मिळत असल्याचे समोर आले आहे. नव्या Himalayan 440 साठी कंपनीकडे जवळपास 6 महिन्यांचे ऑर्डर बुकिंग जमा झाले आहे. त्यामुळे Royal Enfield ने या अ‍ॅडव्हेंचर बाईकची बुकिंग तात्पुरती थांबवण्याचा निर्णय घेतला आहे. सध्याच्या ऑर्डर्स पूर्ण करण्यासाठी कंपनी आता प्रोडक्शन हळूहळू वाढवणार आहे.

Himalayan 440 चे लाँच या महिन्याच्या सुरुवातीला लडाखमधील पहिल्या Himalayan Base Camp कार्यक्रमात करण्यात आले होते. कंपनीच्या सुरुवातीच्या अंदाजापेक्षा बुकिंगला जास्त प्रतिसाद मिळाल्याने सध्याची ऑर्डर बुक 6 महिन्यांच्या प्रोडक्शनपर्यंत पोहोचली आहे. त्यामुळे नवीन कस्टमर्सना बाईक मिळण्यासाठी आणखी थोडी वात पहावी लागू शकते.

रॉयल एनफिल्डचा‘Journeying Across The Himalayas 2026’ दिल्लीमध्ये रंगणार हिमालयाचा सांस्कृतिक उत्सव!3 डिसेंबरपासून 9 डिसेंबरपर्यंत

443cc इंजिनसह दमदार सेटअप

Royal Enfield Himalayan 440 मध्ये 443cc, सिंगल-सिलिंडर, एअर-कूल्ड इंजिन देण्यात आले आहे. हे इंजिन 6,250rpm वर 25.4bhp पॉवर आणि 4,000rpm वर 34Nm टॉर्क तयार करते. 6-स्पीड गिअरबॉक्स आणि वेट मल्टी-प्लेट क्लचसह हे इंजिन जोडले आहे. बाईकमध्ये 15 लिटरचा फ्युल टँक देण्यात आला आहे.

अ‍ॅडव्हेंचर राइडिंग लक्षात घेऊन बाईकमध्ये 21-इंच फ्रंट आणि 17-इंच रिअर स्पोक व्हील्स मिळतात. फ्रंटला 200mm आणि रिअरला 180mm सस्पेन्शन ट्रॅव्हल आहे. 220mm ग्राउंड क्लीअरन्स आणि 800mm सीट हाइटमुळे खराब रस्ते तसेच ऑफ-रोड सेक्शनवर बाईकचा वापर करता येतो.

60 देशांतील 1.5 लाख रायडर्स एका मिशनसाठी एकत्र! Royal Enfield One Ride 2026 चा हिमालयाच्या संवर्धनासाठी मोठा विक्रम!

फीचर्स आणि बुकिंगबाबत पुढील अपडेट

Himalayan 440 मध्ये अ‍ॅनालॉग-डिजिटल इन्स्ट्रुमेंट क्लस्टर, Tripper नेव्हिगेशन पॉड, LED हेडलॅम्प, LED टेललॅम्प आणि Type-C चार्जिंग पोर्ट मिळतो. 300mm फ्रंट आणि 240mm रिअर डिस्कसह ड्युअल-चॅनेल ABS देण्यात आले आहे. रिअर ABS स्विच करता येतो, त्यामुळे सैल-मउ मातीवर राइडिंगमध्ये फायदा होतो.

Royal Enfield Himalayan नावाला आता 10 वर्षे पूर्ण झाली आहेत. कंपनीच्या माहितीनुसार, Himalayan सीरिजच्या मूळ Himalayan आणि Himalayan 450 मिळून जगभरात 3.2 लाखांपेक्षा जास्त बाईक्स डिलिव्हर झाल्या आहेत. सध्याची ऑर्डर बुक पूर्ण करण्यासाठी प्रोडक्शन वाढवल्यानंतरच Himalayan 440 ची बुकिंग पुन्हा सुरू केली जाईल. सध्याचे कस्टमर्स अ‍ॅलोकेशनमध्ये पहिल्या क्रमांकावर असतील.