निसानचा खाकी वर्दीला सलाम! पोलीस आणि निमलष्करी दलाच्या जवानांसाठी Magnite वर विशेष सवलती जाहीर

निसान मोटर इंडियाकडून पोलिस आणि निमलष्करी अधिकाऱ्यांसाठी खास लाभ देण्यासाठी केंद्रीय पोलिस कल्याण भांडारसोबत सहयोग केला आहे. चला याबद्दल अधिक माहिती जाणून घेऊयात.

देशातील पोलिस आणि निमलष्करी दलातील कर्मचारी तसेच त्यांच्या कुटुंबियांना वैयक्तिक वाहन खरेदी अधिक सुलभ करण्यासाठी Nissan Motor India ने Central Police Welfare Bhandar (CPWB) सोबत सहकार्याची घोषणा केली आहे. हा उपक्रम Ministry of Home Affairs अंतर्गत चालणाऱ्या कल्याणकारी व्यवस्थेचा भाग असून, कार्यरत आणि निवृत्त पोलीस तसेच निमलष्करी दलातील कर्मचाऱ्यांना विशेष लाभ देण्याच्या उद्देशाने हा निर्णय घेण्यात आला आहे.

या सहकार्याअंतर्गत CPWB चे लाभार्थी असलेल्या ग्राहकांना Nissan Magnite या लोकप्रिय SUV च्या संपूर्ण मॉडेल रेंजवर विशेष लाभ मिळणार आहेत. हे फायदे भारतातील सर्व निसान डीलरशिपमध्ये उपलब्ध असतील. याशिवाय ग्राहकांना 5.55 टक्के व्याजदरासह आकर्षक फायनान्स योजना उपलब्ध करून देण्यात आली आहे, ज्यामुळे वाहन खरेदी अधिक किफायतशीर होणार आहे.

नव्या वर्षाची नवी सुरुवात! गुढीपाडवानिमित्त अवघ्या 4999 रुपयात घरी आणा यामाहा Fascino, ‘या’ दुचाकींवर देखील मोठी सवलत

तसेच या उपक्रमाचा एक भाग म्हणून निसानकडून निवडक मॉडेल्सवर तीन वर्षांचा प्रीपेड मेंटेनन्स प्रोग्राम CPWB लाभार्थ्यांसाठी उपलब्ध करून देण्यात आला आहे. त्यामुळे ग्राहकांना वाहन देखभालीचा खर्चही कमी करता येणार आहे.

या सहकार्याबाबत बोलताना Saurabh Vatsa म्हणाले की, “देशाची सेवा आणि संरक्षण करणाऱ्या पुरुष व महिलांबद्दल निसानला अत्यंत आदर आहे. केंद्रीय पोलीस कल्याण भांडारसोबतचे हे सहकार्य आमच्या कृतज्ञतेचे प्रतीक आहे. या विशेष लाभ आणि आर्थिक पर्यायांमुळे देशभरातील CPWB लाभार्थी आणि त्यांच्या कुटुंबियांना दीर्घकालीन मूल्य देण्याचा आम्हाला अभिमान आहे.”

दरम्यान, Nissan Magnite च्या सातत्यपूर्ण यशामुळे निसानला भारतीय बाजारात मजबूत पाया मिळाला आहे. कंपनीने अलीकडेच Nissan Gravite या नवीन मॉडेलचे अनावरण करून आपल्या उत्पादन पोर्टफोलिओचा विस्तार करण्याचा महत्त्वपूर्ण टप्पा गाठला आहे. मजबूत वितरण व्यवस्था आणि नूतनीकृत उत्पादन धोरणाच्या माध्यमातून निसान मोटर इंडिया देशभरातील ग्राहकांना अधिक मूल्य देण्यावर भर देत आहे.

आमचा देखील एक काळ होता! भारतीय रस्त्यांवर राज्य करणाऱ्या ‘या’ 4 Diesel Cars अचानक का झाल्या गायब?

Central Police Welfare Bhandar ही संस्था १८ सप्टेंबर २००६ रोजी स्थापन करण्यात आली असून ती केंद्रीय सशस्त्र पोलीस दल, केंद्रीय पोलीस संघटना, राज्य पोलीस दल आणि त्यांच्या कुटुंबियांना विविध ग्राहक वस्तू आणि वाहनांवर विशेष लाभ देते. देशभरात १९९ मुख्य भांडारे आणि १७०० हून अधिक सहाय्यक भांडारांच्या नेटवर्कद्वारे ही सेवा दिली जाते.