जर्मनीच्या कृषी तंत्रज्ञान प्रदर्शनात भारतीय कंपनीचा डंका! सादर केले इलेक्ट्रिक आणि हायब्रीड ट्रॅक्टर्स

जर्मनीतील अ‍ॅग्रीटेक्निया 2025 या जागतिक कृषी-तंत्रज्ञान प्रदर्शनात “ट्रॅक्टर ऑफ द इयर”च्या अंतिम फेरीत TAFE च्या EV ट्रॅक्टर्सची वर्णी लागली आहे. चला याबद्दल जाणून घेऊयात.

• जर्मनीत अ‍ॅग्रीटेक्निया 2025 या जागतिक कृषी-तंत्रज्ञान प्रदर्शन
• “ट्रॅक्टर ऑफ द इयर”च्या अंतिम फेरीत TAFE च्या EV ट्रॅक्टर्सची वर्णी
• भारतीय कंपनी TAFE-Tractors and Farm Equipment Ltd. ने सादर केले दमदार ट्रॅक्टर्स

जर्मनीतील अ‍ॅग्रीटेक्निया 2025 या जागतिक कृषी-तंत्रज्ञान प्रदर्शनात भारतीय कंपनी TAFE-Tractors and Farm Equipment Ltd. ने आपल्या अत्याधुनिक इलेक्ट्रिक आणि हायब्रिड ट्रॅक्टर्सचे दमदार प्रदर्शन केले. कंपनीचा TAFE EV28 हा इलेक्ट्रिक ट्रॅक्टर “ट्रॅक्टर ऑफ द इयर (TOTY) 2026” च्या सस्टेनेबल कॅटेगरीमध्ये अंतिम टप्प्यात पोहोचला असून, हा टॉप 5 स्पर्धकांपैकी एक ठरला आहे.

याच कार्यक्रमात TAFE ने पुढील पिढीचा हायब्रिड ट्रॅक्टर EVX75 चे अनावरण केले. EVX75 मध्ये 75 HP हायब्रिड पावरट्रेन, EU Stage-V डिझेल इंजिन आणि 400V इलेक्ट्रिक बॅटरी सिस्टम देण्यात आली आहे. हे मॉडेल शून्य उत्सर्जन मोडमध्ये चालू शकते आणि इंधन कार्यक्षमतेसह ऑपरेशन खर्चात बचत करण्याची क्षमता ठेवते.

TAFE ने 100 HP युटिलिटी, 65 HP कॉम्पॅक्ट आणि 74 HP फळ-बागायती विभागांसाठी तीन नवीन ट्रॅक्टर श्रेणीही दाखवल्या. यात TAFE 1015 (100+ HP), TAFE 6065 (65 HP) आणि TAFE 7515 GE (74 HP, ऑर्चर्ड ट्रॅक्टर) यांचा समावेश आहे.

आमच्या राज्यात प्लांट उभारा! ‘या’ राज्याच्या सरकारने Tesla दिले आमंत्रण, पूर्ण सहयोगाची दिली हमी

कंपनीचे उपाध्यक्ष डॉ. लक्ष्मी वेणू यांनी सांगितले की TAFE ने गेल्या 65 वर्षांत गुणवत्ता, अभियांत्रिकी कौशल्य आणि विश्वासार्हतेच्या बळावर जागतिक स्तरावर मजबूत स्थान निर्माण केले आहे. तर, अध्यक्षा मल्लिका श्रीनिवासन यांनी सब-100 HP श्रेणीत जागतिक नेतृत्व मिळवण्याच्या TAFE च्या धोरणावर भर देत, अ‍ॅग्रीटेक, ऑटोमेशन, इलेक्ट्रिफिकेशन आणि पर्यायी ऊर्जा तंत्रज्ञानात मोठ्या गुंतवणुकीची माहिती दिली.

TAFE च्या Terra 2.0 या मार्गदर्शन प्रणाली आणि Terra Vista या डिजिटल प्लॅटफॉर्मचेही प्रदर्शन करण्यात आले, जे स्मार्ट आणि परवडणारे शेती-तंत्रज्ञान उपाय उपलब्ध करून देतात.

अखेर दिवस ठरला! Maruti E-Vitara ‘या’ दिवशी भारतात लाँच होण्यास सज्ज, Windsor आणि Curvv ला मिळणार जोरदार टक्कर

TAFE ची स्थापना 1960 मध्ये चेन्नई येथे झाली असून, कंपनी दरवर्षी 200,000 हून अधिक ट्रॅक्टर्सची जागतिक विक्री करते. 2023 पासून कंपनीने EU Stage V, इलेक्ट्रिक आणि हायड्रोजन संकल्पना ट्रॅक्टर्ससह युरोपियन बाजारपेठेत दमदार प्रवेश केला आहे. TAFE चे दोन मॉडेल्स, TAFE 7515 CAB (TOTY 2025 Utility Finalist) आणि EV28 (TOTY 2026 Finalist) जागतिक शेतकऱ्यांसाठी उच्च गुणवत्ता, कार्यक्षमता आणि भविष्यकालीन उपाययोजनांची खात्री देतात.