Tata Motors: टाटा मोटर्सचा मोठा धमाका! २०२६-२७ पर्यंत भारतीय मार्केटमध्ये लाँच होणार ६ नव्या कार्स!

भारतीय ऑटो बाजारात आपले वर्चस्व दुप्पट करण्यासाठी टाटा मोटर्सने २०२७ च्या अखेरपर्यंत तब्बल ६ नव्या धडाकेबाज गाड्या लाँच करण्याचा भव्य मास्टरप्लॅन आखला आहे.

• टाटा मोटर्स २०२७ च्या अखेरपर्यंत ६ नव्या गाड्या आणि सिरियाचे नवीन व्हेरियंट बाजारात लाँच करणार आहे.
• कंपनी २०२६ च्या शेवटी ६०० किमी रेंज देणारी ‘सफारी ईव्ही’ आणि २०२७ मध्ये ‘नेक्स्ट-जनरेशन नेक्सॉन’ आणणार आहे.
• २०२७ मध्ये टाटाच्या पहिल्या प्रीमियम ‘अविन्या ईव्ही’ आणि सिरियाच्या ऑल-व्हील ड्राईव्ह (AWD) मॉडेलचे अनावरण होणार आहे.

टाटा टिगोर आणि टिगोर.ईव्ही फेसलिफ्ट टाटा मोटर्स सप्टेंबर २०२६ पर्यंत टिगोर आणि तिच्या इलेक्ट्रिक व्हेरियंटला नवीन लुक देऊन बाजारात आणणार आहे. यामध्ये नवीन रेक्टँगुलर हेडलॅम्प्स, आकर्षक ग्रिल, नवीन बंपर, नवीन अ‍ॅलॉय व्हील्स आणि नवीन टेल लॅम्प्स मिळतील. केबिनमध्ये नवीन डॅशबोर्ड, १०.२५-इंच टचस्क्रीन इन्फोटेनमेंट सिस्टम, नवीन स्टीअरिंग व्हील आणि सेमी-डिजिटल इन्स्ट्रुमेंट क्लस्टर दिले जाईल, मात्र इंजिन किंवा पॉवरट्रेनमध्ये कोणताही मेकॅनिकल बदल असणार नाही.

टाटा सफारी ईव्ही २०२६ च्या चौथ्या तिमाहीत टाटा सफारीची पूर्णपणे इलेक्ट्रिक आवृत्ती बाजारात दाखल होणार आहे. ही गाडी Standard-Range RWD, Extended-Range RWD आणि AWD (ऑल-व्हील ड्राईव्ह) या पर्यायांमध्ये उपलब्ध केली जाईल. एका चार्जमध्ये ही गाडी तब्बल ६०० किलोमीटरपर्यंतची रेंज देईल आणि यामध्ये दिलेल्या रियर मल्टि-लिंक सस्पेंशनमुळे प्रवासादरम्यान उत्कृष्ट कम्फर्ट आणि ड्रायव्हिंग एक्सपिरियन्स मिळेल.

टाटा मोटर्स पुढच्या महिन्यापासून गाड्यांच्या किंमती २५,००० रुपयांपर्यंत वाढवणार! १ सप्टेंबरपासून दरात वाढ

टाटा सिरिया एडब्ल्यूडी २०२७ च्या सुरुवातीला पेट्रोल आणि डिझेल इंजिनसह येणाऱ्या नेहमीच्या ‘टाटा सिरिया’मध्ये ऑल-व्हील ड्राईव्ह (AWD) पर्याय दिला जाईल. यामध्ये १.५-लिटर टर्बो-पेट्रोल आणि १.५-लिटर डिझेल इंजिनसह ६-स्पीड ऑटोमॅटिक गिअरबॉक्स मानक म्हणून मिळेल, जी टाटाची सर्वात परवडणारी AWD कार ठरू शकते.

नेक्स्ट-जनरेशन टाटा नेक्सॉन टाटाची सर्वाधिक विकली जाणारी नेक्सॉन २०२७ च्या तिसऱ्या तिमाहीत ‘गरुड’ या कोडनेमसह नवीन अवतारात येत आहे. ही कार सध्याच्या प्लॅटफॉर्मऐवजी सिरियाच्या सुधारित प्लॅटफॉर्मवर आधारित असण्याची शक्यता असून यामध्ये सुरक्षितता, कम्फर्ट, कनेक्टिव्हिटी आणि ड्रायव्हर असिस्टन्स (ADAS) मध्ये मोठे आणि आधुनिक अपडेट्स पाहायला मिळतील.

भारतीय ऑटो इंजिनअरिंगचा जगात डंका! टेस्ला आणि BYD ला मागे टाकत टाटा मोटर्स बनली जगातील सर्वाधिक कार्यक्षम EV उत्पादक कंपनी!

टाटा अविन्या – पहिली प्रीमियम ईव्ही २०२७ च्या शेवटच्या तिमाहीत टाटा मोटर्स आपल्या ‘अविन्या’ या पूर्णपणे इलेक्ट्रिक ब्रँडची पहिली D-Segment SUV बाजारात आणणार आहे. ही कार चेरी जेएलआरच्या नवीन प्लॅटफॉर्मवर आधारित असेल आणि ऑटो एक्स्पो २०२६ मध्ये दाखवलेल्या ‘Avinya X’ कन्सेप्टवरून तिचे डिझाइन प्रेरित असेल.